Огоҳ бўлинг, сизни видеога олмоқдамиз ЙҲХБ инспекторлари 1 январдан

504
(Янгиланган 08:59 20.10.2019)
Боди камералар ҳар бир қоидабузарликни яққол кўрсатиб беради, шунинг учун ЙҲХБ инспекторларни ҳам фуқароларни ҳам белгиланган қоидаларга қатъий риоя қилишга чақирди.

ТОШКЕНТ, 20 окт - Sputnik. ЙҲХБ инспекторлари 1 январдан бошлаб автомобилни тўхтатганларидан сўнг, ҳайдовчини ёнига келиб ўзини таништиради ҳамда уни видеога олинаётганини хабар қилади. Бу ҳақида муассаса матбуот хизмати маълум қилди.

“Боди камера билан ишлаш жараёнида ходим йўл ҳаракати қатнашчисини тўхтатганидан кейин унинг олдига бориб, ўзини таништиради ва лавозими, унвони, фамилияси ҳақида маълумот беради. Ҳайдовчининг талабига кўра кўкрак нишон белгисини маълум қилиб, хизмат гувоҳномасини очиқ ҳолда кўрсатади.

Энг муҳими, йўл ҳаракати қатнашчиларига мобиль видеокамерадан фойдаланаётганини маълум қилади ва келгусида ноқонуний хатти-ҳаракатлар содир этса, айбини исботлаш учун ундаги видео ёзувдан фойдаланиши мумкинлиги ҳақида огоҳлантиради”, - дейилган хабарда.

Эслатиб ўтамиз, Ўзбекистонда 2020 йилнинг 1 январидан бошлаб барча ЙҲХБ ходимлари хизмат вазифасини бажараётган вақта мобил камерадан фойдаланишлари мажбурий бўлади.

Айни дамда ушбу боди камераларни ишга тушириш жараёнига қизғин тайёргарлик кўрилмоқда. Хусусан, камералар турли об-ҳаво шароитларида ва кўринишларда, ҳар хил ҳолатларда ҳамда вазиятларда ишлатиб кўрилмоқда. Камерадан ташқари, маълумотларни сақлаш қурилмалари, дастурий таъминот ҳам синовдан ўтказилмоқда.

Камералар орқали вазиятни доимо назорат қилиб туриш имконияти ошади. Назорат кучайтирилган жойда эса тартиб-интизом бўлади. Камералар эса ҳар бир ҳолатни ошкора кўрсатиб беради. Шу сабабли барча ҳаракат иштирокчиларини “Йўл ҳаракати қоидалари”га қатъий амал қилишга чақирамиз, дейилган ЙҲХБ хабарида.

504
м

ТИВ: фуқароларнинг Ўзбекистонга кириши билан боғлиқ муаммо тез муддатда ҳал қилинади

31
Қайд этилишича, техник сабабларга кўра сўнгги кунларда ватандошларнинг давлатлараро чегарадан ўтишлари чекланган миқдорда амалга оширилган.

ТОШКЕНТ, 8 июл — Sputnik. Ташқи ишлар вазирлиги Қозоғистон билан чегарадаги “Жибек жоли” – “Ғишт-Кўприк” назорат-ўтказиш пункти яқинида тўпланган Ўзбекистон фуқароларига мурожаат қилди.

Қайд этилишича, техник сабабларга кўра сўнгги кунларда ватандошларнинг давлатлараро чегарадан ўтишлари чекланган миқдорда амалга оширилган.

“Жибек жоли” ўтказиш пункти орқали республика фуқароларининг Ўзбекистон ҳудудига чекланган ҳолда кириши билан боғлиқ барча муаммолар тез муддатда ҳал қилинади”, - дейилган хабарда.

Хабарда ёзилишича, бош консулхона ходимлари назорат-ўтказиш пунктида бўлиб туришибди, ватандошлар билан доимий алоқа ўрнатилган. Диаспора вакиллари билан биргаликда иссиқ овқат ва бошқа ёрдам ташкил қилинмоқда ва вазият умумий назоратга олинган.

ТИВ 1 июлдан буён 2700 дан ошиқ ватандошлар, асосан касаллар, қариялар, ҳомиладорлар ва ёш болали аёллар Ўзбекистон-Қозоғистон чегарасини кесиб ўтишганини қўшимча қилган.

Эслатиб ўтамиз, аввалроқ Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўплангани хабар қилинган эди.

31
Теглар:
мигрантлар, чегара, Қозоғистон, Ўзбекистон

Кириш имтиҳонлари онлайн бўлмайди ДТМ

56
ОТМларга кириш имтиҳонлари онлайн тартибда ўтказилмайди, имтиҳон кунини эса Давлат комиссияси белгилайди - ДТМ.

ТОШКЕНТ, 8 июл - Sputnik. Бу йилги олий ўқув юртларига кириш имтиҳонлари одатдаги тартибда бўлиб ўтади, деб хабар қилди Sputnik мухбирига Давлат Тест марказининг маъсул ходими.

Бироз олдин ижтимоий тармоқларда имтиҳонлар онлайн тартибда бўлармиш, тест куни 10 августга кечиктирилиши мумкин экан, деган хабарлар тарқалган эди.

“Кириш имтиҳонлари онлайн эмас, одатдаги тартибда бўлиб ўтади. Имтиҳон кунини Махсус комиссияси белгилайди. ДТМ одатдаги тартибда имтиҳонларга тайёргарлик кўрмоқда”, - деди ДТМ маъсул ходими Sputnik мухбирига.

ДТМ ходимининг сўзларига кўра, имтиҳонлар кечиктирилиши мумкинлиги ҳақидаги хабарлар ҳам тасдиқланмаган. Имтиҳон кунини Давлат комиссияси белгилайди ва ҳозирча бу борада аниқ маълумот йўқ. ЖТМ одатдаги тартибда имтиҳонларга тайёргарлик кўраяпти.

56
Сборная Узбекистана по футболу

Ўзбекистон ва Эрон терма жамоалари Тошкентда ўртоқлик ўйинини ўтказади

0
Ўзбекистон ва Эрон футбол бўйича терма жамоалари 7 сентябрь куни “Бунёдкор” стадионида ўртоқлик ўйинини ўтказади.

ТОШКЕНТ, 8 июл — Sputnik. Вадим Абрамов мураббийлиги остидаги Ўзбекистон миллий терма жамоаси Тошкентда Эронга қарши ўртоқлик учрашувида майдонга тушади. Бу ҳақда Ўзбекистон футбол ассоциацияси хабар қилмоқда.

“Эрон Ислом Республикаси футбол федерацияси билан келишган ҳолда, ушбу учрашув 7 сентябрь куни “Бунёдкор” стадионида бўлиб ўтиши белгиланди”, - дейилган хабарда.

Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичидаги қолдирилган учрашувларни октябрь ва ноябрь ойларида ўтказади. Ушбу баҳслар олдидан МТЖ учун сентябрь ойида Тошкентда ўқув-машғулот йиғини ташкил этилади.

Эслатиб ўтамиз, аввалроқ Тошкентда 4 сентябрь куни Ўзбекистон ва Тожикистон миллий терма жамоаларининг ўртоқлик ўйини режалаштирилгани хабар қилинган эди.

0