Работа журналиста

Блогер ва веб-сайт эгаларига қўшимча мажбурият юклатилади

316
(Янгиланган 16:31 21.10.2019)
Веб-сайт ва (ёки) мессенжер саҳифаси эгаси, шу жумладан блогерга веб-сайт, веб-сайт ва (ёки) мессенжер саҳифасидан Ўзбекистон Республикаси қонунчилигига зид ахборотни ўчиришни талаб этувчи хабарномани юбориш тартиби тўғрисида низом тайёрланди.

ТОШКЕНТ, 21 окт – Sputnik. "Вазирлар Маҳкамасининг “Бутунжаҳон интернет тармоғида ахборот хавфсизлигини янада такомиллаштириш чора-тадбирлари тўғрисида”ги 2018 йил 5 сентябрдаги 707-сонли Қарорига ўзгартириш ва қўшимчалар киритиш тўғрисида"ги ҳукумат қарори лойиҳаси тайёрланди.

“Ахборотлаштириш тўғрисида”ги Ўзбекистон Республикаси Қонуни
12-1-моддасига риоя қилинишини таъминлаш мақсадида, қонунда белгиланган тартибда Интернет тармоғи мониторингини олиб борувчи Ахборот ва оммавий коммуникациялар агентлигининг Оммавий коммуникациялар масалалари бўйича маркази томонидан Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги каналлари орқали веб-сайт, веб-сайт ва (ёки) мессенжер саҳифаси эгаси, шу жумладан блогерга веб-сайт, веб-сайт ва (ёки) мессенжер саҳифасидан Ўзбекистон Республикаси қонунчилигига зид ҳамда қонунга мувофиқ жиноий ва бошқа жавобгарликни келтириб чиқарувчи ахборотни ўчиришни талаб этувчи хабарнома юборади”, - дейилган қарорда.

Ҳужжатга веб-сайт, веб-сайт ва (ёки) мессенжер саҳифаси эгаси, шу жумладан блогерга веб-сайт, веб-сайт ва (ёки) мессенжер саҳифасидан Ўзбекистон Республикаси қонунчилигига зид ахборотни ўчиришни талаб этувчи хабарномани юбориш тартиби тўғрисида низом илова қилинган.

"Веб-сайт, веб-сайт ва (ёки) мессенжер саҳифаси эгаси, шу жумладан блогер, қонун ҳужжатларига ва низомга мувофиқ қуйидагиларга мажбурдирлар:

барчага қулай бўлган ахборотни ўзининг веб-сайтида, веб-сайт ва (ёки) мессенжер саҳифасида жойлаштиришдан олдин ишончлилигини текшириш;

Ўзбекистон Республикаси қонунчилигига зид ахборотни жойлаштириш учун ўз веб-сайтидан, веб-сайт ва (ёки) мессенжер саҳифасидан фойдаланишга йўл қўймаслик, шунингдек, ўз веб-сайти, веб-сайт ва (ёки) мессенжер саҳифасидан ахборотнинг ишончсизлиги ўрнатилган ҳолда, ўз ихтиёри билан ёхуд ваколатли орган томонидан тегишли хабар олинган тақдирда дарҳол ўша ахборотни ўчириб ташлаш", - дейилган ҳужжатда.

Ваколатли орган доимий равишда Ўзбекистон Республикаси ҳудудида кириш имкони мавжуд бўлган веб-сайтлар, мессенжерлар, веб-сайт ва (ёки) мессенжер саҳифаларида жойлаштирилган Ўзбекистон Республикаси қонунчилигига зид ахборотларни аниқлаш мақсадида Интернет тармоғи мониторингини амалга оширади.

“Ўзбекистон Республикаси ҳудудида кириш имкони мавжуд бўлган веб-сайтлар, мессенжерлар, веб-сайт ва (ёки) мессенжер саҳифаларида Ўзбекистон Республикаси қонунчилигига зид ахборотлар аниқланган тақдирда, ваколатли орган томонидан, шунингдек Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги каналлари орқали веб-сайт, веб-сайт ва (ёки) мессенжер саҳифалари эгаси, шу жумладан блогер Ўзбекистон Республикаси қонунчилигига зид бўлган ахборотни ўчириб ташлашни талаб қилган ҳолда бу тўғрида дарҳол хабардор қилинади”, - дейилган ҳужжатда.

Веб-сайт, веб-сайт ва (ёки) мессенжер саҳифалари эгаси, шу жумладан блогер хабарнома олинган пайтдан бошлаб 24 соатдан кечиктирмасдан Ўзбекистон Республикаси қонунчилигига зид бўлган ахборотни зудлик билан ўчириб ташлаши, шунингдек бу тўғрида Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигини хабардор қилишга мажбур.

Агар кўрсатилган муддатда веб-сайт, веб-сайт ва (ёки) мессенжер саҳифаси эгаси, шу жумладан блогер томонидан ўчирилмаса, у ҳолда Ўзбекистон Республикаси Президент Администрацияси ҳузуридаги Ахборот ва оммавий коммуникациялар агентлиги веб-сайт, веб-сайт ва (ёки) мессенжер саҳифаси эгаси, шу жумладан блогер билан низоларни ҳал қилиш учун судга даъво киритиши мумкин.

316
Ученики в президентской школе в Хиве

Мактабларда “Тарбия” фани жорий этилади

72
“Одобнома”, “Ватан туйғуси”, “Миллий истиқлол ғояси ва маънавият асослари” ҳамда “Дунё динлари тарихи” фанларини бирлаштирган ҳолда “Тарбия” фани жорий этилади.

ТОШКЕНТ, 7 июл — Sputnik. “Умумий ўрта таълим муассасаларида “Тарбия” фанини босқичма-босқич амалиётга жорий этиш чора-тадбирлари тўғрисида” Ҳукумат қарори қабул қилинди.

Қарорга мувофиқ, умумий ўрта таълим муассасаларида “Одобнома”, “Ватан туйғуси”, “Миллий истиқлол ғояси ва маънавият асослари” ҳамда “Дунё динлари тарихи” фанларини бирлаштирган ҳолда “Тарбия” фани  1–9-синфларда – 2020/2021 ўқув йилидан, 10–11-синфларда эса 2021/2022 ўқув йилидан бошлаб фанларга ажратилган умумий соатлар доирасида босқичма-босқич амалиётга жорий этилади.

“Тарбия” фанидан дарсликлар ва ўқув-методик мажмуалар янги ўқув йили бошлангунга қадар чоп этилиб, жойларга етказилади.

2020 йил июль ойидан бошлаб янги ўқув йили бошлангунга қадар умумтаълим мактабларидаги “Бошланғич таълим”, “Миллий ғоя ва ҳуқуқ”, “Тарих” ва “Диншунослик” мутахассислигига эга фан ўқитувчилари учун халқ таълими ходимларини қайта тайёрлаш ва уларнинг малакасини ошириш ҳудудий марказларида “Тарбия” фанидан онлайн шаклда мақсадли малака ошириш курслари ташкил этилади.

“Тарбия” фанидан дарсликлар ва ўқув мажмуаларини харид қилиш ва етказиб бериш харажатлари республика бюджети ва халқ таълими вазирлиги ҳузуридаги Республика мақсадли китоб жамғармаси маблағлари ҳисобидан қопланади.

Қарор билан умумий ўрта таълим муассасалари ўқувчилари учун “Тарбия” фани концепцияси тасдиқланди.

72
Сотрудница в лаборатории по анализу ДНК

Ўзбекистонда коронавирус: 7 июль асосий хабарлари

532
Республика бўйлаб жами соғайганлар сони 6 584 нафарга етди. Айни пайтда 3 858 нафар беморга белгиланган стандартлар бўйича даво чоралари кўрилмоқда.

ТОШКЕНТ, 7 июл — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Карантин в Узбекистане
Информационная служба ГУБДД МВД РУз

Бир сутка давомида 225 кишида коронавирус аниқланди, Ўзбекистонда коронавирус инфекцияси қайд этилганлар сони 10 587  нафарни ташкил қилмоқда.

Янги касалланиш ҳолатларининг 112 нафари Тошкент шаҳрида (шундан 84 нафари коронавирусга чалинганлар билан мулоқотда бўлиб, карантинга олинган фуқаролар орасида, 28 нафари аҳоли орасида), 11 нафари Қорақалпоғистон Республикасида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида, 3 нафари халқаро юк ташувчи автомашина ҳайдовчилари орасида), 2 нафари Жиззах вилоятида, яна 2 нафари Қашқадарё вилоятида аҳоли орасида, қолган 1 нафари эса Тошкент вилоятида халқаро юк ташувчи автомашина ҳайдовчилари орасида аниқланган.

Даволаниш кўрсаткичи

Республика бўйлаб жами соғайганлар сони 6 690 нафарга етди. Айни пайтда 3 858 нафар беморга белгиланган стандартлар бўйича даво чоралари кўрилмоқда.

“Абу Сахий”да коронавирус

“Абу Сахий” савдо маркази ёпилди, бир неча ходимларда коронавирус аниқланди.

6 июль куни Чилонзор туманида жойлашган "Tashkent Trade Center" (Абу Сахий) савдо маркази маъмурияти ишчилари ва бу ерда фаолият кўрсатаётган тадбиркорлардан коронавирус инфекциясига намуна олинди.

Тест таҳлиллари натижасига кўра, бир неча ходимларда коронавирус инфекцияси борлиги аниқланди.

Фарғона ва Жиззах - карантин

Фарғона ва Жиззах шаҳарларида карантин талаблари кучайтирилмоқда.

Фарғона шаҳрига вилоятнинг барча ҳудудларидан кириш ва шаҳардан республиканинг барча ҳудудларига, жумладан, вилоятдаги туманларга чиқиш йўлларида 8 та санитария пости ташкил этилди.

Вилоят ҳудудидаги бозорлар, савдо мажмуалари ва супермаркетларга киришда дезинфекцион туннель ва дезинфекция гуруҳлари ташкил этилиб, улар карантин қоидаларига риоя этилишини назорат қилмоқда.

Жиззах шаҳрига кириш-чиқишни назорат қилиш учун қўшимча йўл-патруль хизмати стационар постлари ва блокпостлари ташкил қилинади.

Ўлим ҳолатлари

Коронавирус инфекциясига чалинган самарқандлик бемор ўткир нафас ва юрак-қон томир етишмовчилигидан вафот этди.

Ургут тумани яшовчи 61 ёшли (эркак) О.Н. жорий йил 27 июнь куни коронавирусга чалинган бемор  билан бирламчи мулоқотда бўлганлиги сабабли вилоят юқумли касалликлар шифохонасига ётқизилган ва даво муолажалари бошланган. Унга “COVID-19” инфекцияси оғир кечиши ташхиси қўйилган. Касаллик икки томонлама пневмония, ўткир нафас етишмовчилигининг 3-даражаси асорати билан кечган.

Бемор бундан аввал сурункали буйрак етишмовчилиги, гипертония касаллиги, юрак ишемик касаллиги, ўткир миокард инфаркти билан ҳам оғриган.

Беморнинг даволаниши давомида кунлик аҳволи Соғлиқни сақлаш вазирлиги, Самарқанд давлат тиббиёт институти мутахассислари томонидан онлайн консультациялар ўтказилиб, доимий назоратга олинган.

Бироқ шифокорларнинг стандартлар асосида ўтказган тезкор реанимацион муолажаларига қарамасдан бемор ўткир нафас ва ўткир юрак қон-томир етишмовчилигидан вафот этди.

Шунингдек, пойтахтлик 79 ёшли бемор ўткир юрак-қон томир ва нафас етишмовчилигидан вафот этди. Юнусобод туманида яшовчи, 79 ёшли Х.Б. (эркак киши) жорий йил 19 июнь кунидан тана ҳарорати кўтарилиб, йўтал безовта қилган. Шунга қарамай, мутахассисларга мурожаат қилмасдан бир ҳафта давомида уйида даволанган.

2 июль куни эса биринчи маротаба оилавий поликлиникага мурожаат қилган. Фуқародан “COVID-19” инфекциясига намуна олинган ва хонадонида дезинфекция ишлари амалга оширилган.  Унга “COVID-19”, юрак ишемик касаллиги, зўриқиш стенокардияси, гипертония, паркинсонизм касаллиги ташхиси қўйилган.

Шифокорларнинг стандартлар асосида ўтказган тезкор реанимацион муолажаларига қарамасдан бемор ўткир юрак қон-томир ва нафас етишмовчилигидан вафот этди.

Навоий шаҳрида яшовчи Х.Ш. 2 июль куни "COVID-19" инфекциясига намуна топширган ва унда касаллик аниқланган. Бемор шу куни вилоят болалар юқумли касалликлар шифохонасига ётқизилган. Унда коронавирус икки томонлама зотилжам, нафас етишмовчилигининг 1-2-даражаси асорати билан кечган. Беморда гипертония 3-даража, артериал гипертензия 2. хавф – III, семизликнинг 1-даражаси каби ҳамроҳ касалликлари бўлган. У 2019 йилдан буён гипертония касаллиги билан назоратда турган.

6 июль куни беморнинг аҳволи ўта оғирлашган. Реанимацион муолажаларига қарамасдан, бемор ўткир юрак қон-томир ва нафас етишмовчилиги, ўткир бош мия ва ўпка шишидан

Дунё саломатлиги

Сўнгги маълумотларга кўра, инфекцияни юқтириб олган кишиларнинг сони 11,7 миллиондан ошди, 541 минг киши вафот этди. Энг кўп ҳолатлар АҚШда (2,9 млн), Бразилияда (1,6 млн), Ҳиндистонда (716 минг).

532
Мавзу:
COVID-19 умумжаҳон пандемияси
Ведущий научный сотрудник Центра Корейских исследований Института Дальнего Востока РАН Евгений Ким

Ўзбекистон ва Жанубий Корея ўзаро савдони 5 миллиард $гача етказиши мумкинми - эксперт

137
(Янгиланган 21:33 07.07.2020)
Россия Фанлар академиясининг Узоқ Шарқ институти Корейс тадқиқотлари марказининг етакчи илмий ходими Евгений Ким икки республиканинг ўзаро ташқи савдосини амалга оширишга нима тўсқинлик қилиши мумкинлиги юзасидан ўз фикрларини айтди.

6 июль куни Сеулда Ўзбекистон бош вазир ўринбосари - Инвестициялар ва ташқи савдо вазири Сардор Умурзоқов ва Жанубий Корея савдо, саноат ва энергетика департаменти раҳбари Сонг Юн Мо музокаралар ўтказди. Учрашув давомида, 2019 йил охирида мамлакатлар ўртасидаги савдо ҳажми 27 фоизга ўсиб, 2,7 миллиард долларни ташкил этгани қайд этилди - бу сўнгги беш йил ичидаги энг юқори кўрсаткич. Томонлар 2023 йилга қадар ўзаро савдо ҳажмини 5 миллиард долларга етказиш учун барча шарт-шароитлар мавжуд, деб ҳисоблашмоқда.

Россия Фанлар академиясининг Узоқ Шарқ институти Корейс тадқиқотлари марказининг катта илмий ходими Евгений Кимнинг таъкидлашича, беш миллиард доллар - Жанубий Кореянинг ташқи савдо айланмасининг 0,35 фоизини ташкил этади.

Унинг сўзларига кўра, савдо ҳажмини ушбу кўрсаткичга етказиш режалари, айниқса Жанубий Корея Ўзбекистон билан ҳамкорлик қилиш йиллари давомида 3 миллиард долларга яқин сармоя киритганини ҳисобга олсак, жуда яхши.

Бироқ, экспертнинг фикрига кўра, ҳамма нарса пандемиядан кейин икки мамлакат иқтисодиёти қанчалик тез тикланишига боғлиқ бўлади.

"Масалан, Жанубий Корея ва Хитой ўртасидаги муносабатлар қандай ривожланиши муҳим. Бу йил коронавирусдан олдин бўлган савдо ҳажмини тиклай олмасликлари эҳтимолидан холи эмас. Бу баъзи бир, Ўзбекистон Жанубий Кореяга етказиб бера оладиган маҳсулотларга талабнинг пасайишига олиб келиши мумкин, чунки Ўзбекистон юқори технологияли саноат маҳсулотларини етказиб берувчиси эмас, балки хом ашёни етказиб беради. Жанубий Кореядан экспорт ҳажми камайса, хом ашёга бўлган талаб ҳам пасаяди", - деди Евгений Ким.

Экспертнинг тўлиқ изоҳини Sputnik подкастида тинглашингиз мумкин.

Смогут ли Узбекистан и Южная Корея довести объем торговли до $5 млрд — мнение эксперта
137