Пострадавшая от домашнего насилия женщина из Узбекистана

Хотин-қизлар қўмитаси садист эр билан яшаб келган Муҳайёни доимий назоратга олди

898
Қонуний турмуш ўртоғини Россиядаги ўрмонзорга олиб бориб, таҳқирлаган ва устидан бензин қуйиб, ёқиб юбориш билан қўрқитган эрга қонун доирасида тегишли чоралар кўрилиши учун Ички ишлар бошқармасига кўрсатма хати юборилди.

ТОШКЕНТ, 26 окт - Sputnik. Хотин-қизлар қўмитаси томонидан жиззахлик М.Муҳайё доимий назоратга олинди, деб хабар берди қўмита матбуот-хизмати.

Жестоко избитая супругом жительница Булунгура Зухра Умарова в больничной палате
Фото представлено родственниками пострадавшей

Эслатиб ўтамиз, сал олдин қарийб ўн йил давомида садист эр билан яшаб келган ва турли таҳқирлашларга учраган жиззахлик Муҳайёнинг бошдан кечирганлари ҳақида мақола эълон қилган эдик. Жорий йил май ойида жуфтлик пул ишлаб келиш мақсадида Россияга йўл олган, октябр ойида Муҳайёни турмуш ўртоғи Россиядаги ўрмонзорга олиб бориб, ўласи қилиб калтаклаган ҳамда устидан бензин қуйиб, ёқиб юбориш билан қўрқитган.

Муҳайёнинг моматалоқ бўлган юзини кўрган уй эгаси, аёлнинг эрини квартирадан қувиб солади. Бундан дарғазаб бўлган эр хотинининг ойлик маошини алдов йўли билан қўлга киритиб, аёлини тақдир ҳукмига ҳавола қилганча Россиядан Ўзбекистонга қайтиб келган.

Хотин-қизлар қўмитаси шуни хабар қилмоқдаки, Sputnik Ўзбекистон мухбири қўнғироғидан сўнг, қўмита матбуот-хизмати раҳбари Ҳасан Тошхўжаев дарҳол Жиззах вилояти хотин-қизлар қўмитаси вакиллари билан боғланиб, уларга мазкур ишни синчиклаб ўрганиш, масалани қонуний асосда ҳал этиш ва бу ҳақда тўлиқ маълумотни жамоатчиликка билдириш тўғрисида топшириқ берган.

Бугунги кунда ҳудудий қўмита вакиллари жиззахлик Муҳайё ишини чуқур ўрганиб чиқишган ва Жиззах вилояти ҳокимининг ўринбосари, вилоят хотин-қизлар қўмитаси раиси Н.Мухторова имзоси билан жавоб хатини йўллашган.

"Жиззах вилояти хотин-қизлар қўмитаси томонидан ички ишлар бошқармасига фуқаро Т.Фахриддинга нисбатан қонун доирасида тегишли чораларни кўриш учун кўрсатма хати юборилди. М.Муҳайёга никоҳни расман бекор қилиш, фарзандларининг таъминоти учун алимент ундириш масаласида фуқаролик ишлари бўйича судга мурожаат қилиши тушунтирилди. Хотин-қизлар қўмитаси томонидан М.Муҳайё доимий назоратга олинди", - дейилади жавоб хатида.

Ўзбекистон Хотин-қизлар қўмитаси бу каби масалаларда мухбирлари билан ҳамиша ҳамкорликда ишлашга тайёрлигини таъкидлаб қолган.

898
Медицинский работник производит экспресс-анализ крови

Қайси қон гуруҳи COVIDга кўпроқ чалиниши маълум бўлди - вирусолог

32
(Янгиланган 16:54 26.10.2020)
Жамланган статистик маълумотларга кўра коронавирус билан касалланганлар орасида энг кўп учрайдигани - II гуруҳ ва энг кам учрайдигани бу - I гуруҳ.

ТОШКЕНТ, 26 окт – Sputnik. Қайси қон гуруҳига мансуб кишилар COVIDга чалиниши аниқланди, деди Sputnik мухбирига тиббиёт фанлари доктори, шифокор- вирусолог, профессор Анатолий Альтштейн.

“Дарҳақиқат иккинчи қон гуруҳи – юқори рискли гуруҳ ҳисобланади: касалликка чалинганларнинг катта қисми – иккинчи қон гуруҳига мансуб кишилардир”, - деди профессор.  

Ўтказилган статистик изланишларга кўра, зараланганлар энг кам учрайдиган қон гуруҳи, бу - биринчи гуруҳ.

Шифокор айтишига кўра, ушбу статистик маълумотлар фақат коронавирусга чалиниш билан боғлиқ ва қон гуруҳларининг бошқа хусусиятларини акс эттирмайди.

Эслатиб ўтамиз, дунёда биринчи ва иккинчи қон гуруҳлари энг кенг тарқалган қон гурҳлари ҳисобланади 35% ва 45 %,  учинчи гуруҳ – 15 %, 4 гуруҳ – 5%.

Шифокор- вирусолог Анатолий Альтштейн билан тўлиқ суҳбатни қуйида тинглаш мумкин.

Пациенты с какой группой крови чаще всего заболевают COVID — ответ вирусолога

32
Волк

Бўрилар галаси улкан айиққа ҳужум қилди видео

276
(Янгиланган 14:25 26.10.2020)
Йеллоустон табиат паркида туристлар бўрилар галаси ўлжага яқинлашган айиққа ҳужум қилиши тасвирга олинди.

ТОШКЕНТ, 26 окт — Sputnik. Йеллоустон табиат паркида туристлар бўрилар галаси айиққа ҳужум қилишига гувоҳи бўлди.

Бу ҳолатни гид Адам Брубейкер тасвирга олди.

Унинг сўзларига кўра, айиқ ўлжанинг ҳидини сезиб қолади ва яқинлашишга ҳаракат қилади, аммо бўрилар бунга имкон бермайди.

“Ўн бошга яқин бўри гризли-айиқни ўраб олади ва ўлжа яқиндан ҳайдаб юборишди”, - дейди Брубейкер.

Йиртқичлар ўртасидаги беллашув бир неча дақиқа давом этди, бўрилар айиқни дарахтзор томон қувиб юборишди.

276
Президент США Дональд Трамп и председатель КНР Си Цзиньпин. Архивное фото

Хитой АҚШ давлат қарзларини сотиб юборишга тайёр

23
(Янгиланган 17:17 26.10.2020)
Хитой ва АҚШ қарама-қаршилиги янги куч билан авж олди: савдо уруши технология урушига айланиб кетди.

ТОШКЕНТ, 26 окт — Sputnik. Наталья Дембинская. Хитой ва АҚШ қарама-қаршилиги янги куч билан авж олди: савдо уруши технология урушига айланиб кетди. Вашингтон Хитой ишланмаларини миллий хавфсизлик таҳдиди сифатида блоклаётган бир пайтда Хитой ўзининг асосий қуроли ҳақида эслатди: триллионли Америка давлат облигацияларини сотиб юбориш ҳам доллар курси, ҳам қимматли қоғозлар бозорини қулатишга қодир. Бу барча жаҳон иқтисодиёти учун ўта хавфли сценарий. Пекин бу ишда қанчалик жиддийлашиши мумкинлиги – РИА Новости материалида.

Технология уруши

Январь ойида дунёнинг энг йирик иккита иқтисодиёти савдо урушини якунлаш сари муҳим қадамни ташлади. Улар аста-секин савдо-сотиқни тиклаш борасида битим имзолашди. Бироқ коронавирус пандемияси барчасини барбод қилди.  Вашингтон Пекинни коронавирусни тарқатишда айблаб, товон талаб қилди. Устига устак америкаликлар Жаҳон соғлиқни сақлаш ташкилотини (ЖССТ) Хитойга эрк беришда таъна қилиб, ундан чиқишларини эълон қилишди.

АҚШда президент сайловлари яқинлашгани сари кескинлик ошмоқда. Трамп яна гўёки Хитой компаниялари Америка иқтисодига етказган иқтисодий зарарни ёдга олди. Улар ишлаб чиқаришни “ўзларига оғдириб”, технология сирларини ўғирлашган эмиш.

Августда Вашингтон Пекинни интернет ва ижтимоий тармоқлар орқали сайловолди курашига аралашишда айблади. Хитой дастури TikTok нишонга олинди. Оқ уй уни тақиқлаш кераклигини маълум қилди, бўлмаса Хитой Америка фуқаролари ҳақидаги маълумотларини қўлга киритади.

TikTok эгаси “ByteDance” компаниясини бизнесини Америка компанияларига сотишга мажбурлашмоқда. Буни 12 ноябрга қадар қилиш керак. Акс ҳолда Трамп уни блоклаш билан таҳдид қилди.

Пекин қай тарзда жавоб қайтариши ҳозирча маълум эмас. Экспертлар Хитой ҳукумати TikTok тарафини олиш учун муҳим бир сабаби йўқ деб ҳисоблашмоқда, чунки уни “зарарли” деб билишади. “Социализм қадриятларига” тўғри келмайди ва Хитой ёшларини бузади.

Бироқ Вашингтон Хитойнинг энг йирик технология компанияларидан бири “Huawei”га ҳам босим ўтказмоқда. Пекин “миллий хавфсизликка таҳдид” туғдирувчи стратегик материллар ва технологиялар экспортини тақиқлаш билан таҳдид қилди.

Жиддий суҳбат

Пекин параллел равишда эслатдики, Хитойнинг жиддийроқ таъсир кўрсатиш дастаклари бор. Гап триллион долларлик АҚШ давлат облигациялари ҳақида бормоқда.

АҚШ билан савдо уруши туфайли Хитой шундоқ ҳам бу қоғозлардан қутулиб келаётганди. 2014 йил ноябрдаги Америка давлат қарзига инвестициялар 1,32 триллион долларлик энг юқори кўрсатгичдан 200 миллиарддан кўпроққа камайди. Натижада 2019 йил июнига келиб хорижлик трежерис эгалари ўртасидаги етакчилик Японияга ўтди: Токиода улар 1,12 триллионлик.

Америка Молия вазирлигининг охирги ҳисоботи сентябрь ўртасига келиб Хитой портфели 1,08 триллионгача қисқарганини кўрсатди. Йилнинг биринчи ярмида Хитой 106 миллиардлик трежерисдан халос бўлди. Бу 2015 йилдан буён энг тез суръатларда сотиш кўрсатгичи.

Аммо гап фақат иқтисодий қарама-қаршиликда эмас. Хитой Америка давлат қарзидан қутулишининг сабабларидан бири бу “печать” дастгоҳининг узлуксиз ишлаши натижасида долларнинг қадрсизланиш хавфидир.

Қарз ҳам ўсиб бормоқда. Саккиз ой ичида Қўшма Штатлар 7,7 триллионлик облигация чиқарди – бу рекорд.

Пекин Вашингтон иқтисодий муаммоларини “печать” дастгоҳисиз ҳал қила олмаслигини кўрмоқда. Шунинг учун Америка давлат қарзига сармоя киритиш жуда хатарли, дея ёзади Хитойнинг “Global Times” нашри.

Сотиб битириладими?

АҚШ ва Хитой можаросининг кучайиши хавфсирашни оширади, холос: тўсатдан америка иқтисодиётининг иккинчи энг йирик хорижлик кредитори бардош бермайди ва кўнг кўламли трежерис сотишини уюштиради. Бундай қарорнинг оқибатлари фалокатли бўлади. Бу қоғозларнинг кўплиги бозорда ваҳимани келтириб чиқаради.

Бунинг устига доллар қулайди. Америка валютасининг қадрсизланиши Хитой экспортини қимматроқ қилади.

Бундан ташқари, АҚШ ғазначилик мажбуриятлридан халос бўлиш Пекиннинг юанни назорат қилиш имконини жидий чеклайди – агарда савдо уруши батамом назоратдан чиқиб кетса. Пировардида, трежерис савдосидан тушган долларни бирор бир нарсага киритишга зарур. Бу ҳам оддий иш эмас.

Биргина Хитойнинг ўзи муаммолар гирдобида қолмайди ва бу ҳали ҳолва бўлади.

“Америка облигациялари пирамидасини қулатиш – демак бутун дунёни молиявий хаос гирифтор айлаш. Шунинг учун шунга ўхшаш нарса яқин келажакда рўй бериши даргумон”,  - дейди “Chatex” криптовалюта банки раҳбари Майкл Росс-Жонсон.

Ҳойнаҳой, доллар ва трежерисдан воз кечиш босқичма-босқиш амалга оширилади. Сўнгги йиллар мобайнида бу рўй бермоқда. Етакчи Хитой иқтисодчиларидан бири, Шанхай молия ва иқтисодиёт университети профессори Си Цзюньяннинг фикрига кўра, Пекин АҚШ ғазначилик облигациялари портфелини “воқеалар нормал равишда ривожида” тахминан 800 млрд долларгача “босқичма-босқич” қисқартиради. Аммо охирги вариант барибир истисно қилинмайди – масалан, ҳарбий можаро юзага келган тақдирда.

23