Автобусы с камерами

Тошкентда 12 та автобус йўналиши вақтинча ўзгарди

139
Метронинг Юнусобод йўналишининг иккинчи босқичини қуриш ишлари доирасида ер ости ўтиш йўли барпо этилиши муносабати билан 12 та автобус йўналиши вақтинча ўзгарди.

ТОШКЕНТ, 2 дек — Sputnik. Тошкентда 12та автобус йўналиши вақтинча ўзгарди. Бу ҳақда “Тошшаҳартрансхизмат” АЖ матбуот хизмати хабар қилди.

Таъкидланишича, бунга Тошкент метрополитени Юнусобод йўналишининг иккинчи босқичини қуриш ишлари доирасида ер ости ўтиш йўли барпо этилиши сабаб бўлган.

Аҳмад Дониш кўчасининг Янги шаҳар кўчаси кесишмаси орасидаги (Юнусобод бозори ёнида) 3 томонлама ҳаракатланиш йўли ҳамда Аҳмад Дониш кўчасининг (“Уч бақалоқ” кафесидан) Юнус ота кўчалари кесишмаси орасидаги йўллар 2019 йил 12 декабрга қадар вақтинча ёпилади.

Мазкур ҳудудлардан ўтувчи 5, 52, 60, 72, 82, 91, 96, 97, 140, 149, 152, 190-сонли йўналишлардаги автобусларнинг ҳаракат йўли вақтинча йўловчиларга қулай ва хавфсиз бўлган ёндош кўчалар орқали ўтказилади.

Хабарда йўналишларнинг ўзгартирилиши муносабати билан ҳаракат хавфсизлиги ва йўловчилар ташиш қоидаларига қатъий риоя этиш юзасидан ҳайдовчи ва чиптачилар ўртасида навбатдан ташқари йўриқномалар ўтказилгани қўшимча қилинган.

139
Теглар:
йўллар, йўналиш, автобус

Ўзбекистонда аниқланган коронавирус ҳолати 3150 тага етди

544
(Янгиланган 16:37 24.05.2020)
Сўнгги соатларда яна 18 кишида коронавирус тасдиқланди. Улардан саккизтаси пойтахт аҳолиси орасида аниқланган.

ТОШКЕНТ, 24 май — Sputnik. Ўзбекистон яна 18 кишининг коронавирусга топширган тести мусбат чиқди.

“Жорий йил 24 май соат 16:00 ҳолатига кўра, Ўзбекистонда коронавирус инфекцияси қайд этилганлар сони 3150 (+18) нафарни ташкил қилмоқда”, - дейилади Соғлиқни сақлаш вазирлиги хабарида.

Янги касалланиш ҳолатларининг  5 таси хориждан келган, яна 4 таси карантин марказидаги фуқаролар орасида қайд этилган.

8 та ҳолат пойтахтда, 1 та ҳолат эса Наманган вилоятида аҳоли орасида аниқланган. Ҳозирда ушбу беморлар билан мулоқотда бўлган барча фуқаролар белгиланган тартибда қатъий карантинга олинган.

Айни пайтда мамлакатда 2565 нафар коронавирусга чалинган фуқаролар бутунлай соғайди. Ҳозирда 572 нафар беморга шифокорлар томонидан белгиланган стандартлар бўйича даво чоралари кўрилмоқда.

544
Мавзу:
COVID-19 умумжаҳон пандемияси
Налоги. Расчеты

ДСҚ ҳузуридаги Малака ошириш маркази ходимида коронавирус аниқланди

169
Оммавий ахборот воситаларида Давлат солиқ қўмитасининг икки ходимида коронавирус инфекцияси аниқлаганлиги ҳақида хабар тарқалди.

ТОШКЕНТ, 24 май — Sputnik. Давлат солиқ қўмитаси ОАВда тарқалган қўмитанинг икки ходимида коронавирус инфекцияси аниқлаганлиги ҳақида хабар юзасидан расмий маълумот берди.

Қайд этилишича, коронавирус хабарда айтилганидек, ДСҚ марказий аппарати бўлим бошлиғи ва унинг ҳайдовчисида эмас, балки ДСҚ ҳузуридаги Малака ошириш маркази ходимида аниқланган бўлиб, марказ пойтахтнинг бошқа туманида жойлашган.

“ДСҚ ходимлари инфекция аниқланган одам билан алоқада бўлишлари мумкинлигини ҳисобга олиб, коронавирус инфекциясининг тарқалишининг олдини олиш мақсадида ҳозирда бутун Марказий аппарат ходимлари COVID19 га тест топширмоқда”, - дейилади хабарда.

Хабарда таъкидланишича, ДСҚда иш жараёни карантин стандартларига қатъий риоя қилинган ҳолда амалга оширилмоқда.

169
Жасур Яхшибоев

Яхшибоев Беларусь чемпионатида яна пешқадамга айланди

132
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

132