Самолет во время посадки в сложных метеоусловиях, архивное фото

Ўзбекистондаги ноқулай об-ҳаво яна қатновлар жадвалига таъсир кўрсатмоқда

296
Ўзбекистонда яна туман ва ноқулай об-ҳаво шароитлари кузатилмоқда. Тошкент аэропортидаги кўриниш етарли даражада бўлмаганлиги боис Жидда-Тошкент қатнови Бухоро аэропортида қўнишга мажбур бўлди.

ТОШКЕНТ, 16 дек — Sputnik. Ўзбекистонда яна туман ва ноқулай об-ҳаво шароитлари кузатилмоқда. Шу боис иккита самолётнинг қўниш вақти ва жойи ўзгартирилган. Бу ҳақда “Ўзбекистон ҳаво йўллари” ахборот хизмати хабар қилмоқда.

Қайд этилишича, бугун HY-042 Самарқанд-Тошкент қатнови аэропортида кўриниш қониқарли даражада бўлмаганли сабабли учиш вақти 9:30 га кўчирилган. Шу муносабат билан HY-065 Тошкент-Термиз қатнови вақти соат 10:30 га сурилган.

Шунингдек, соат 7:17 да Тошкент аэропортидаги кўриниш етарли даражада бўлмаганлиги боис HY-3620 Жидда-Тошкент қатнови ҳаво кемаси Бухоро аэропортида қўнишга мажбур бўлган. Бир оз вақтдан сўнг самолёт Тошкентга учишга қарор қилган.

Эслатиб ўтамиз, аввалроқ Наманган ва Фарғонага учган самолёт ноқулай об-ҳаво сабаб Тошкентга қўнгани хабар қилинган эди.

296
Теглар:
туман, самолёт, авиарейс, Ўзбекистон
Шикарный вид на минареты с сада

Ўзбекистонда барча масжидлар фаолияти яна тўхтатилмоқда

8
Республика махсус комиссияси қарори билан Ўзбекистонда 1 августга қадар барча масжидлар фаолияти яна тўхтатилади.

ТОШКЕНТ, 9 июл — Sputnik. Республика махсус комиссияси қарори билан 2020 йил 10 июлдан эътиборан 1 августга қадар диний ташкилотлар, жумладан, масжидлар фаолияти тўхтатилмоқда.

“Вазирлар Маҳкамаси ҳузуридаги Дин ишлари қўмитаси Ўзбекистон мусулмонлари идораси ва бошқа диний конфессияларнинг таклифларини инобатга олган ҳолда республикадаги эпидемиологик вазиятдан келиб чиқиб 2020 йил 10 июлдан 2020 йил 1 августга қадар диний ташкилотлар фаолияти тўхтатилмоқда”, - дейилган хабарда.

Эслатиб ўтамиз, аввалроқ Ўзбекистондаги “яшил” ҳудудларда 8 июндан бошлаб масжидларда қатор қоидаларга риоя қилган ҳолда намоз ўқишга рухсат берилган эди. Бироқ оммавий диний тадбирлар (жума намози, якшанба ибодатлари ва бошқалар) ташкил этиш тақиқланган эди. Кеча ИИВ ахборот хизмати раҳбари Шоҳрух Ғиёсов республикадаги барча ҳудудлар “қизил”га айлантирилишинини маълум қилган эди.

8
Жители Ташкента по возможности приобретают маски для профилактики вируса

Яна тўрт ҳудудда аҳоли орасида коронавирус аниқланди

100
Беморларнинг 31 нафари оғир, 12 нафари эса ўта оғир аҳволда. Вирус қурбонлари сони 47 нафарга етган.

ТОШКЕНТ, 9 июл — Sputnik. Ўзбекистонда тун давомида 167 та янги ҳолат тасдиқланди.

“2020 йил 9 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 11 259 (+167) нафарни ташкил этмоқда”, - дейилади Соғлиқни сақлаш вазирлиги хабарида.

Янги касалланганларнинг 64 нафари карантин марказидаги (барчаси хориждан келган) фуқаролар орасида, 64 нафари Тошкент шаҳрида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 58 нафари аҳоли орасида), 3 нафари Фарғона вилоятида (шундан 2 нафари коронавирусга чалинганлар билан мулоқотда бўлиб, карантинга олинган фуқаролар орасида, 1 нафари аҳоли орасида), 11 нафари Қашқадарё вилоятида (шундан 8 нафари коронавирусга чалинганлар билан мулоқотда бўлиб, карантинга олинган фуқаролар орасида, 3 нафари аҳоли орасида), 9 нафари Наманган вилоятида (барчаси коронавирусга чалинганлар билан мулоқотда бўлиб, карантинга олинган фуқаролар орасида), 16 нафари Жиззах вилоятида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 10 нафари аҳоли орасида) аниқланган.

Шу пайтга қадар 7 060 нафар коронавирус инфекциясига чалинган фуқаролар соғайган.

Ҳозирда мамлакатда 4 152 нафар бемор даволанмоқда. Улардан 31 нафари оғир, 12 нафари эса ўта оғир аҳволда. Вирус қурбонлари сони 47 нафарга етган.

100
Теглар:
карантин, Ўзбекистон, коронавирус

Россияда ишлаб чиқарилган Ил-114-300нинг биринчи парвози сентябрда амалга ошишиши мумкин

7
Россияда илк Ил-114-300 самолётларини йиғиш феврал ойида бошланган эди. Биринчи самолёт 2020 йилда ҳавога кўтарилиши, серияли ишлаб чиқариш эса 2021 йилдан бошланиши режалаштирилган.

ТОШКЕНТ, 9 июл - Sputnik. Россия саноат ва савдо вазирлиги биринчи тажрибали Ил-114 йўловчи самолёти парвозини сентябр ойи охирида кутмоқда, деди йиғилиш давомида вазир ўринбосари Олег Бочаров РИА Новостига.

“Ил-114 га келсак ... Биз сентябр ойи охирида тажриба самолётининг биринчи парвозини амалга оширамиз”, - деди Бочаров. 

Эслатиб ўтамиз, Россияда илк Ил-114-300 самолётларини йиғиш феврал ойида бошланган. Биринчи борт 2020 йилда ҳавога кўтарилиши, Ил-114-300нинг серияли ишлаб чиқарилиши эса 2021 йилдан бошланиши хабар қилинган эди. Ҳар йили РФ корхоналари ушбу самолётларнинг 12 тасини йиғиши режалаштиришмоқда.

Ил-114 конструкторлар томонидан 1980-чи йилларда ишлаб чиқилиб, Тошкент механика заводида (собиқ ТАПОиЧ) ишлаб чиқарилган. Жами 17 та самолёт ишлаб чиқарилди, улардан еттитаси “Ўзбекистон ҳаво йўллари” авиакомпанияси томонидан 2018 йилгача фойдаланилган. 2012 йилда корхона йўналишини ўзгартирганлиги сабабли ишлаб чиқариш тўхтатилган.

2017 йилда Россия президенти Владимир Путин РФ саноат қувватларида истиқболли минтақавий самолётларни серияли ишлаб чиқаришни қайта тиклаш масаласини ишлаб чиқиш топшириғини берган.

Бош вазир ўринбосари Дмитрий Рогозин Тошкентга ташрифи давомида ушбу йўналишдаги ҳамкорлик бўйича музокаралар олиб борди. Москва, шунингдек, кейинчалик ишлаб чиқаришни йўлга қўйиш учун самолётнинг қолган фюзеляжларини сотиб олишга қизиқиш билдирган.

7