ТОШКЕНТ, 18 дек — Sputnik. Халқаро пресс-клуб раиси, Журналистика ва оммавий коммуникациялар университети ректори Шерзодхон Қудратхўжаев айрим номзодларнинг таржимаи ҳолидаги хатоликлар Марказий Сайлов комиссияси шаънига доғ тушираётганлигига ишора қилган. Бу ҳақда у фейсбукдаги саҳифасида ёзиб қолдирган.

“Ижтимоий тармоқларда гувоҳи бўлмоқдамизки, айрим номзодларнинг таржимаи ҳолида кўп имловий ва фактологик хатолар мавжуд. Бундай ҳолатларда баъзилар Марказий сайлов комиссиясини айблашмоқда”,- дея изоҳ қолдирган у ўз постида.

Шерзодхон Қудратхўжаев, шунингдек, ўз постида номзодларнинг таржимаи ҳолини таҳрир қилиш ва хатосини тўғрилаш МСКнинг вазифасига кирмаслиги, бу номзод ва сиёсий партияларнинг иши эканлигини қайд этган.

“Бу одамларга, сайловчиларга нисбатан ҳурматсизлик. Бу плакатларни қаергадир ёпиштиришдан олдин таҳрир қилиш, кўриш мумкин-ку ахир. Биз мана шундай номзодларни ўз сайловчиларини ва сайловларни ҳурмат қилишга чақирамиз”, -  деди Қудратхўжаев Sputnik Ўзбекистон мухбирига берган изоҳида

Айтиш жоизки, ушбу масалага эътирозлар биринчи маротаба содир бўлаётгани йўқ, ташвиқот плакатлардаги хатоликлар бундан аввалги сайловлар давомида ҳам турли муҳокамаларга сабаб бўлган эди.

Ўзбекистон МСК номзодлар орасида "ўлик жонлар" борлигини рад этди

Эслатиб ўтамиз, ижтимоий тармоқларда айрим партиялар томонидан илгари сурилган номзодларнинг ташвиқот плакатларидаги нафақат имловий, балки йиллардаги чалкашлик жамоатчилик томонидан қизғин муҳокама қилинмоқда.

ТОШКЕНТ, 6 авг — Sputnik. “Миллий тикланиш” демократик партияси Ўзбекистонда автомобиль ойналари тусини ўзгартириш (тонировка) учун белгиланган тўловларни бекор қилиш таклифи билан чиқди.

Тошкент шаҳар Мирзо Улуғбек тумани халқ депутатлари Кенгаши депутати Жаҳонгир Зияевнинг партия сайтида эълон қилинган мурожаатида таъкидланишича, рухсатноманинг қимматлиги сабабли 2019 йил статистикасига кўра, қорайтирилган ойнага рухсат берилган машиналар сони 0,1% дан кам бўлган.

© Sputnik /

“Тонировка” учун янги нархлар

“Ўзбекистон “Миллий тикланиш” демократик партияси юртдошларимизга қулайлик яратиш ҳамда мутахассисларнинг хулосасига кўра фуқароларнинг қуёшнинг ультрабинафша нурларидан тери саратони касалига чалинишларининг олдини олиш, автомобиль кондиционерларини камроқ ишлатилишига ва бунинг натижасида ёнилғи камроқ сарфланиб, атроф-муҳитга зарарли моддаларнинг камроқ чиқишига, пировардида экологияни асрашга эришиш мақсадида автомобиль ойналари тусини ўзгартириш учун белгиланган тўловларни бекор қилиш, зарур деб ҳисоблайди”, - дея ёзган депутат.

Партиянинг Қонунчилик палатасидаги фракцияси ва партиянинг Мирзо Улуғбек вилоятидаги халқ депутатлари Кенгашидаги депутатлик гуруҳи ҳукумат қарорига тегишли ўзгартириш киритиш бўйича таклиф тайёрлаган.

Эслатиб ўтамиз, аввалроқ Ўзбекистон Олий Мажлиси депутатлари Ҳукуматга тонировка нархини пасайтириш таклифи билан чиқишган эди.

Айни дамда Ўзбекистонда тонировка учун йиллик тўлов 11 млн 150 минг сўмни ташкил қилади.