Узбекский рынок Чорсу

Бозор яқинида ва ер ости йўлларида маҳсулот сотиш тақиқланади ҳукумат қарори

381
(Янгиланган 16:47 25.12.2019)
Ер ости йўлларида, кўприкларда, автомобиль йўлларининг қатнов қисмларида, автотранспорт воситаларини вақтинча сақлаш жойларида cотиш тақиқланади.

ТОШКЕНТ, 25 дек – Sputnik. “Ўзбекистон Республикаси Ҳукуматининг айрим қарорларига қўшимча ва ўзгартиришлар киритиш тўғрисида”ги ҳукумат қарори лойиҳаси умумий муҳокамага қўйилди.

Ҳужжат Давлат солиқ қўмитаси томонидан тайёрланган.

Вазирлар Маҳкамасининг 2003 йил 13 февралдаги 75-сон қарори (15-модда) билан тасдиқланган Ўзбекистон Республикасида чакана савдо қоидаларида қуйидаги мазмундаги 42 кичик банд билан тўлдириш таклиф этилган:

“42. Товарлар, маҳсулотларни (хизматларни) ер ости йўлларида, кўприкларда, автомобиль йўлларининг қатнов қисмларида, автотранспорт воситаларини вақтинча сақлаш жойларида cотиш тақиқланади”;

Шунингдек, Вазирлар Маҳкамасининг 2012 йил 28 августдаги 253-сон қарори билан тасдиқланган Ўзбекистон Республикаси бозорларида савдо фаолиятини ташкил этиш қоидалари (61-модда)нинг 13-бандини қуйидаги мазмундаги учинчи хатбоши билан тўлдирилсин:

“товарлар (маҳсулотлар) ва хизматларни бозорга кириш ва чиқиш йўлакларида, бозор ҳудудидаги автотранспорт воситаларини вақтинча сақлаш жойларида сотиш тақиқланади”.

381