Реанимобили марки Ford

Тошкент тез ёрдам хизматига 150та Ford русумли реанимобил топширилди

355
Автомобиллар салонларида замонавий ускуналар ўрнатилган бўлиб, тиббий ходимлар керак бўлганда Республика фавқулодда ёрдам марказлари билан маслаҳат учун боғланишлари мумкин.

ТОШКЕНТ, 10 янв - Sputnik. Тошкент шаҳар тез тиббий ёрдам хизматига 150та Ford русумли замонавий реанимация автомобиллари топширилди, деб хабар қилмоқда ССВ матбуот хизмати.

Янги автомобиллар Хитойнинг Henan Costar Group компанияси томонидан янги лойиҳа доирасида тақдим этилган.  Янги лойиҳа тез ёрдам хизмати соҳасига замонавий ахборот-коммуникация технологияларини жорий этишни назарда тутган.

Автомобиллар салонларида замонавий ускуналар ўрнатилган бўлиб, тиббий ходимлар керак бўлганда Республика фавқулодда ёрдам марказлари билан маслаҳат учун видеоалоқа услубида боғланишлари мумкин.

Эслатиб ўтамиз, 2017-2018 йилларда Ўзбекистон тарихида биринчи марта 1500 та тез тиббий ёрдам хизмати учун янги ихтисослашган автомашиналар харид қилинди. Бугунги кунда тизимда 2500га яқин замонавий тез ёрдам машиналари аҳолига хизмат кўрсатмоқда.

355
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

41
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

41

Ўзбекистонда коронавирус: 7та вилоятда янги ҳолатлар

474
(Янгиланган 13:32 25.11.2020)
Ўзбекистонда яна 59 кишида коронавирус аниқланди, республика бўйлаб коронавирус инфекцияси қайд этилганлар сони 72 098 нафарни ташкил қилмоқда.

ТОШКЕНТ, 25 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

25 ноябрь coaт 13:00 га қадар 59 кишида коронавирус аниқланди, Ўзбекистонда коронавирус инфекцияси қайд этилганлар сони 72 098 нафарни ташкил қилмоқда.

Янги касалланиш ҳолатларининг: Андижон (3 нафар), Бухоро (5), Жиззах (5), Қашқадарё (5), Наманган (6), Сирдарё (12), Тошкент (23) вилоятларида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 69 302 нафарга етди. Соғайиш кўрсаткичи 96 фоиз.

Айни пайтда 2 191 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 605 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 59,8 миллиондан ошди, 1,4 миллиондан ортиқ киши вафот этди, 38,3 миллиондан ортиқ киши тузалди. Энг кўп ҳолатлар АҚШда (12,6 млн), Ҳиндистонда (9,2 млн), Бразилияда (6,1 млн).

474
Мавзу:
COVID-19 умумжаҳон пандемияси