Ўзбекистондаги биринчи океанариум қаерда барпо этилиши маълум бўлди
ТОШКЕНТ, 12 янв — Sputnik. Ўзбекистондаги биринчи океанариум Алишер Навоий номидаги Ўзбекистон Миллий боғида барпо этилади. Президент Шавкат Мирзиёев боғда амалга оширилаётган ишлар билан танишди. Бу ҳақда давлат раҳбари матбуот хизмати хабар қилди.
Қайд этилишича, бу ерда замонавий маданият ва истироҳат боғи барпо этилмоқда. Вазирлар Маҳкамасининг 2017 йил 4 сентябрдаги қарори асосида бунёдкорлик ишлари икки босқичда амалга оширилмоқда. Биринчи босқичда 9 гектар майдонда океанариум, амфитеатр, кинотеатр, кўнгилочар ўйингоҳ, эртакнамо қаср, мусиқали фаввора, автомобиллар тураргоҳи қурилади. Иккинчи босқичда 12 гектар ҳудудда мавзули парк, болалар учун автодром ва аттракционлар, аквапарк бунёд этилади.
Ўзбекистондаги биринчи океанариум Алишер Навоий номидаги Ўзбекистон Миллий боғида барпо этилади.
Шунингдек, кафе ва ресторанлар, савдо дўконлари ташкил қилинади. Ҳаво мусаффолигини таъминлаш мақсадида каштан, қарағай, япон софораси, магнолия, эман, қайин каби дарахтлар экилади.
Истироҳат боғи тўлиқ модернизация қилингач, бир кунда 10 минг кишигача хизмат кўрсатиш имконияти яратилади. Бу аҳолининг мазмунли ҳордиқ чиқаришини таъминлаш билан бирга Тошкент шаҳрининг туристик жозибадорлигини ҳам оширади.
Давлат раҳбари истироҳат боғининг йил давомида ишлашини таъминлаш, одамлар оилавий дам олиши учун кенг имконият яратиш бўйича кўрсатмалар берди. Боғда Самарқанд, Бухоро, Хива каби шаҳарларимиздаги қадимий обидалар макетини ўрнатиб, ёшлар ва сайёҳларнинг тарихимизга қизиқишини ошириш муҳимлиги таъкидланди.
Теглар:
Тожикистонда Ўзбекистон бунёд этган мактаб очилди
ТОШКЕНТ, 27 сен — Sputnik. Тожикистоннинг Сўғд вилояти Спитамен туманида Ўзбекистон ҳисобидан қурилган янги мактаб очилди. Бу ҳақда Халқ таълими вазирлиги матбуот хизмати хабар қилмоқда.
630 ўринга мўлжалланган умумтаълим мактаби Ўзбекистон президентининг 2018-2019 йилларда Ўзбекистон ва Тожикистон ўртасидаги кўп қиррали ҳамкорликни янада кенгайтириш бўйича келишувларни амалга ошириш бўйича ишлаб чиқилган "Йўл харитаси"га мувофиқ бунёд этилган.
В Спитаменском районе Согдийской области Таджикистана состоялась торжественная церемония сдачи в эксплуатацию новой школы.
Мактабнинг тантанали очилиш маросимида Ўзбекистон халқ таълими вазири Шерзод Шерматов бошчилигидаги мамлакатимиз делегацияси иштирок этди.
В Спитаменском районе Согдийской области Таджикистана состоялась торжественная церемония сдачи в эксплуатацию новой школы.
Замон талаблари асосида бунёд этилган таълим масканида сифатли таълим олиш учун барча имкониятлар яратилган. Мактаб физика, кимё, астрономия, биология, чизмачилик бўйича ихтисослаштирилган фанлардан амалий машғулотларни, шунингдек, ўғил болаларни металл ва ёғочни қайта ишлаш, қизларни уй хўжалиги, ошпазлик санъати ва ҳунармандчилиги бўйича меҳнат кўникмаларига ўргатиш учун индивидуал шартларга биноан амалга оширилди. Мактаб ёпиқ спорт зали, очиқ стадион, замонавий кутубхона билан тўлиқ жиҳозланган.
Йўл ҳаракати қоидаларининг янги таҳрири ишлаб чиқилади
ТОШКЕНТ, 27 сен — Sputnik. Ўзбекистонда 2021 йил 1 январига қадар Йўл ҳаракати қоидаларининг янги таҳрири ишлаб чиқилади. Бу ҳақда Сенат матбуот хизмати хабар қилмоқда.
Вазирлар маҳкамаси томонидан парламент сўровига биноан “Ўзбекистон Республикасида йўл ҳаракати хавфсизлигини таъминлаш, йўл-транспорт ҳодисаларининг олдини олиш бўйича амалга оширилиши лозим бўлган комплекс чора-тадбирлар дастури” ишлаб чиқилган. Унда “Ҳаётий фаолият хавфсизлиги” мажбурий фанини жорий этиш, тегишли дастурларни ишлаб чиқиш ва тасдиқлаш белгиланган. Бу масала бўйича норматив-ҳуқуқий ҳужжат лойиҳасини 1 октябргача ишлаб чиқиш режалаштирилган. Шунингдек, 2021 йил январь ойидан ўқитувчилар малакасини ошириш дастурига йўл ҳаракати қоидаларининг киритилиши кўзда тутилган.
©
ГУВД г. Ташкента.
Таъкидланишича, Вазирлар маҳкамасининг 2015 йил 24 декабрдаги тегишли қарори билан тасдиқланган янги таҳрирдаги “Йўл ҳаракати қоидалари”ни такомиллаштириш зарур. Жумладан, мазкур Қоидалардаги баъзи бандларнинг ўрни алмаштириб юборилгани оқибатида тегишли бандлардаги ҳаволалар мутлақо бошқа бандларга тааллуқли бўлиб қолмоқда.
“Бундан ташқари, Қоидаларнинг ўзбек ва рус тилларидаги матнларида ҳам катта тафовутлар мавжуд. Бу масала бўйича юқоридаги дастурда 2021 йил 1 январига қадар Йўл ҳаракати қоидаларининг янги таҳририни ишлаб чиқиш вазифаси белгиланди”, - дейилган хабарда.
Шунингдек, 2021 йилнинг 1 июнига қадар тест саволларини қайта кўриб чиқиш ва такомиллаштириш кутилмоқда.
1 ноябрга қадар гувоҳномасини йўқотган ҳайдовчилар аризасини қабул қилиш ва ички тизим орқали маъмурий амалиёт бўлимидан зарур маълумотларни электрон олиш дастурини жорий этиш назарда тутилмоқда. Бунда Ички ишлар вазирлигининг ягона автоматлаштирилган ҳисобга олиш тизими маъмурий амалиёт тизими билан интеграция қилинади.