Тиббиёт ходимлари учун ҳам боди камералар синовдан ўтмоқда

106
(Янгиланган 11:17 13.01.2020)
Боди камералар тиббиёт ходимларининг таҳдид ва тажовузга учраши эҳтимолининг олдини олишда хизмат қилади.

ТОШКЕНТ, 13 янв - Sputnik. Шу кунларда тез тиббий ёрдам ходимларини боди камералар билан таъминлаш бўйича тажриба-синов ишлари бошланган бўлиб, боди камералар билан таъминлашнинг тиббий-ҳуқуқий жиҳатлари ўрганилмоқда. Бу ҳақда Соғлиқни сақлаш вазириги ахборот хизмати маълум қилди. 

Қайд этилишича, боди камералар тиббиёт ходимларининг таҳдид ва тажовузга учраши эҳтимолининг олдини олишда хизмат қилади.

“Бундан мақсад тиббий хизмат кўрсатишда очиқлик ва шаффофликни таъминлаш, бемор ҳуқуқи ва манфаатлари ҳимоясини кучайтириш, тиббий хизмат сифатини янада оширишдир. Ушбу боди камералар тиббиёт ходимларининг таҳдид ва тажовузга учраши эҳтимолининг олдини олишда ҳам муҳим ўрин тутади”, – дейилади хабарда.

Эслатиб ўтамиз, 2019 йилнинг 3 июл куни қабул қилинган Вазирлар Маҳкамасининг 556-сонли қарорига мувофиқ, Йўл-патруль хизмати инспекторлари 2020 йилнинг  1 январдан бошлаб боди камералар билан таъминлана бошланди.

Бундан ташқари, Санитар авиация хизмати учун замонавий вертолётлар харид қилиниши кўзда тутилганлиги айтилмоқда.

Шунингдек, айни дамда санитар авиация хизматидан фойдаланиш тартиби тасдиқланиб, санитар вертолётни тиббий анжомлар билан жиҳозлаш спецификацияси ишлаб чиқилган.

106

Ўзбекистонда коронавирус: 28 сентябрь асосий хабарлари

417
Сутка давомида 375 кишида коронавирус аниқланди, Ўзбекистонда коронавирус инфекцияси қайд этилганлар сони 55 776 нафарни ташкил қилмоқда.

ТОШКЕНТ, 28 сен — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 375 кишида коронавирус аниқланди, Ўзбекистонда коронавирус инфекцияси қайд этилганлар сони 55 776  нафарни ташкил қилмоқда.

Янги касалланиш ҳолатларининг: 146 нафари Тошкент шаҳрида, 16 нафари Бухоро вилоятида, 13 нафари Андижон вилоятида, 4 нафари Навоий  вилоятида, 4 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 359 нафар бемор тузалиб, ўз уйларига кузатилди. Республика бўйлаб жами соғайганлар сони 52 324 нафарга етди. Соғайиш кўрсаткичи 94 фоиз.

Айни пайтда 2 992 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 1 нафар бемор вафот этди.

Ўзбекистонда жами 460 киши пандемия қурбони бўлди.

Олиб келинган фуқаролар

Умумий ҳисобда қарийб 13,5 минг нафар ўзбекистонликлар Россиянинг Самара вилоятидан ватанига олиб келинди.

28 сентябрь соат 7:00 ҳолатига кўра Самара вилояти ҳудудида Ўзбекистон Республикаси фуқаролари тўпланиши йўқ. Марказий Осиё фуқароларининг бутун тўпланиш давомида яшаш жойига 13 435 киши жўнатилди. Кинель туманидаги чодирли лагерь йиғиштирилган.

Дунё саломатлиги

Дунё бўйлаб инфекцияни юқтириб олган кишиларнинг сони 33,3 миллиондан ошди, 1 миллиондан ортиқ  киши вафот этди, 24,6 миллион киши тузалди. Энг кўп ҳолатлар АҚШда (7,3 млн), Ҳиндистонда (6,0 млн), Бразилияда (4,7 млн).

417
Мавзу:
COVID-19 умумжаҳон пандемияси

Сал кам 3 минг мактабда ошхоналар ташкил этилади

151
(Янгиланган 16:03 28.09.2020)
Ўзбекистонда овқатланиш тизими мавжуд бўлмаган 2990 та умумий ўрта таълим мактабларида ошхоналар ташкил этилади.

ТОШКЕНТ, 28 сен — Sputnik. “Умумий ўрта таълими муассасаларида соғлом овқатлантиришни ташкил этишни янада такомиллаштириш чора-тадбирлари тўғрисида”ги ҳукумат қарори лойиҳаси тайёрланди.

Ҳужжатга 2021-2025 йилларда овқатланиш тизими мавжуд бўлмаган умумий ўрта таълим мактабларида ошхоналарни ташкил этиш ва жиҳозлаш кўрсаткичлари илова қилинган.

Унга кўра, 4 йил давомида республика бўйлаб овқатланиш тизими мавжуд бўлмаган 2990 та мактабда  ошхоналар ташкил этилади. Шунингдек, ошхоналар  музлатгич, сув қайнатгич, электр плита, идиш-ювиш ванналари  ва бошқалар билан жиҳозланади. Энг кўп – Самарқанд (714 та),  Фарғона (386), Қашқадарё (370) вилоятларидаги мактаблар.

“Шундай тартиб ўрнатилсинки, унга мувофиқ:

а) умумий ўрта таълим мактаблари ошхоналарида овқатлантиришни ташкил этиш жараёнида ошхоналарда фойдаланиладиган коммунал хизматлар учун тўловлар Ўзбекистон Республикаси Давлат бюджети маблағлари ҳисобидан қопланади.

Бунда:

ўқув йили бошлангунга қадар ҳар бир таълим муассасалари бўйича коммунал хизматлар учун чекланган ҳар ойлик кўрсаткичлар халқ таълими ҳамда молия бўлимлари томонидан белгиланади;

чекланган кўрсаткичлардан ортиқ фойдаланилган коммунал хизматлари учун тўловлар ижара олувчилар томонидан амалга оширилади.

б) умумий ўрта таълим мактабларида ошхоналарни қуриш
ва таъмирлаш ишларини олиб борган хусусий тадбиркорларга узоқ муддатли “ноль” ставка билан ижарага берилади”, - дейилган лойиҳада.

151
Евро. Иллюстративное фото.

Россияда евро курси кескин кўтарилди

247
Москва биржаси маълумотларига кўра, Россияда евро курси 2016 йилдан бўён биринчи марта 92 рублдан ошди.

ТОШКЕНТ, 28 сен — Sputnik. Москва биржаси маълумотларига кўра, рубл асосий хорижий валюталарга нисбатан пасайишни тезлаштирди.

Хусусан, евро курси 2016 йил январидан бери биринчи марта 92 рублдан ошди. Москва вақти билан соат 16: 01дан бошлаб "эртага" ҳисоб-китоби билан доллар курси 53 копейкага ошиб, 78,74 рублни ташкил қилди.

Шу ўринда, Brent маркали нефтнинг бир баррели 0,92 фоизга ўсиб, 42,8 долларни ташкил этди.

Бундан аввал экспертлар ташқи сиёсий вазият, жумладан янги санкциялар таҳдиди, Алексей Навальний билан боғлиқ вазият, шунингдек, COVID-19 пандемиясининг иккинчи тўлқини рублга қўшимча босим ўтказаётгани ҳақида огоҳлантирган эди.

Мутахассисларнинг фикрига кўра, бу нефт ва газга бўлган талабга зарба бериш хавфи мавжуд ва бу ўз навбатида Россияда валюта тушумини камайтиради.

247