В Нукусе состоялась военно-спортивная эстафета

“Мен албатта ҳарбий бўламан” номли эстафета ғолиблари аниқланди

112
(Янгиланган 12:41 13.01.2020)
Қорақалпоғистон ва Хоразм ёшлари ўртасида “Мен албатта ҳарбий бўламан” номли ҳарбий-спорт эстафета ўтказилди.

ТОШКЕНТ, 13 янв – Sputnik. Ватан ҳимоячилари куни байрамига бағишлаб Қорақалпоғистон ва Хоразм ёшлари Нукус гарнизонидаги ҳарбий қисмнинг мини полигони базасида Шимоли-ғарбий ҳарбий округ қўшинлари қўмондонининг кубоги учун “Мен албатта ҳарбий бўламан” номли ҳарбий-спорт эстафетасида ўзаро куч синашди.

В Нукусе состоялась военно-спортивная эстафета
© Министерство обороны Узбекистана
В Нукусе состоялась военно-спортивная эстафета

Ҳарбий округ қўшинларида 2019 йилдан анъанага кирган мазкур мусобақада ёшлар разведкачиларнинг тўсиқли йўлагини енгиши, гранатани узоқликка улоқтириши, нишонларга қарата пневматик милтиқдан ўқ узиши ва яна бир қанча синовларга бой бўлган синовларда беллашганди. Ушбу мусобақаларда округ қўшинлари қўмондони полковник Дилшод Чориев қўмондон кубоги учун баҳсларни мунтазам ўтказишни, ҳарбий эстафеталарда иштирок этишлари учун ёшларга ҳамма шароит яратишни ваъда берган эди.

В Нукусе состоялась военно-спортивная эстафета
© Министерство обороны Узбекистана
В Нукусе состоялась военно-спортивная эстафета

Ўтган йили октябрь ойида дастлаб Нукус шаҳридаги 10 та мактаб жамоалари, сўнг декабрь ойида Урганч шаҳридаги 10 та мактаблари ўртасида ташкил этилган ҳарбий-спорт эстафета ёшларни ватанпарварлик руҳида тарбиялаш, уларнинг бандлигини таъминлаш, спортга қизиқишини орттириш ҳамда катта ҳаётга тайёрлаш мақсадларни ўзида мужассамлаштирган. Шунингдек, президент ўтган йили Сурхондарё вилоятида жойлашган ҳарбий қисмга ташрифи давомида ёшлар ўртасида ҳарбий-спорт мусобақаларини Мудофаа вазирлиги томонидан кўпроқ ташкил этиш вазифасини белгилаб берган эди.

В Нукусе состоялась военно-спортивная эстафета
© Министерство обороны Узбекистана
В Нукусе состоялась военно-спортивная эстафета

Бу сафарги беллашув финал баҳси бўлиб, унда Нукус ва Урганч шаҳарларида ўтказилган мусобақаларда энг юқори натижа кўрсатган 5 тадан мактаб жамоалари иштирок этди.

Мусобақани округ қўшинлари қўмондонининг ўринбосари полковник Шавкат Эшчанов очиб берди ва беллашув иштирокчиларини қутлади.

Кичик дала ўқув майдонида қизғин баҳс ва мунозараларга бой ўтган эстафета ёшларнинг жамоа бўлиб ҳаракат қила олишини кўрсатиб берди. Мусобақа шартига кўра иштирокчилар разведкачиларнинг тўсиқли йўлагидан ўтиб, зенит қурилмасининг мўлжалга олиш оптик мосламасини нишонга тўғирлаш, автоматни нотўлиқ қисмларга ажратиш ва йиғиш, гранатани улоқтириш, пневматик милтиқдан мерганлик маҳоратини синовдан ўтказиш, оммавий қирғин қуролларидан ҳимоя воситаларини кийиши, шартли ярадорга тиббий ёрдам кўрсатиши ва радиоалоқани ишга ҳозирлаши зарур эди.

Ҳар бир жамоадан 3 нафар ўғил ва 3 нафар қиз болалар қатнашган баҳслар давомида ҳаво ҳарорати паст бўлишига қарамасдан иштирокчиларнинг ғалабага бўлган ишончи сўнгги дақиқаларгача намоён бўлди.

Якуний натижаларга кўра Шимоли-ғарбий ҳарбий округ қўшинлари қўмондонининг кубоги учун кечган финал беллашувида Урганч шаҳридаги 28-умумтаълим мактаби ўқувчилари ғолибликни қўлга киритди. Иккинчи ва учинчи ўринларни Нукус шаҳридаги 19-сон ва 36-сон мактаб ўқувчилари ўзаро бўлишиб олишди.

Ғолиб ва совриндор жамоалар ҳарбий округ қўшинлари қўмондонининг кубоги ва фахрий ёрлиқлар, Қорақалпоғистон Республикаси Вазирлар Кенгаши ва Хоразм вилояти ҳокимлиги номидан қимматбаҳо эсдалик совғалари билан тақдирланди.

Тадбир якунида Қорақалпоғистон Республикаси Вазирлар Кенгаши томонидан эстафета иштирокчиларига ресторанда байрамона тушлик ҳамда И.В.Савицкий номидаги Қорақалпоғистон Республикаси давлат санъат музейига экскурсия ташкил этилди.

112
ЛЭП

Ўзбекистонда электр энергиясидан қарздорлиги энг катта бўлган вилоятлар рейтинги

116
(Янгиланган 16:26 24.11.2020)
Ўзбекистон бўйлаб 7,4 миллиондан ортиқ истеъмолчиларнинг барчаси электр энергиясини ҳисобга олиш ва назорат қилишнинг автоматлаштирилган тизимига уланиши режалаштирилган.

ТОШКЕНТ, 24 ноя - Sputnik. Самарқанд вилояти - электр энергиясидан қарздорлик бўйича республикада етакчи, деб маълум қилинди бугун "Электр энергиясини ҳисобга олиш ва назорат қилишнинг автоматлаштирилган тизими (АСКУЭ)ни жорий этиш масалаларига бағишланган матбуот-анжуманида.

Sputnik Ўзбекистон мухбири хабари асосида.

Таъкидланишича, Самарқанд вилоятининг электр энергиясидан қарздорлиги 646 миллиард сўмни ташкил қилмоқда. Шундан 553 миллард сўми бу аҳоли қарздорлиги.

Шунингдек, 2 ва учинчи ўриндарда Навоий вилояти (қарз суммаси 410 миллиард) ва Андижон вилояти (қарз 273 миллиард сўмни ташкил этмоқда, шундан 247 милларди аҳолининг қарздорлиги) келмоқда.

Шунингдек, матбуот-анжуманида Ўзбекистонда электр энергияси учун ҳатто 3 йилдан буён тўловни амалга оширмаган истеъмолчилар борлиги ҳам айтилди. 283 минг 489 нафар истеъмолчи 3 йилдан буён умуман электр энергияси учун тўловни амалга оширмаган. Шулардан Самарқанд вилоятида 46 158 нафарни, Тошкент вилоятида 45 685 нафарни, Фарғона вилоятида 28 770 нафарни, Андижон вилоятида 26 867 нафарни ташкил қилган.

Истеъмолчиларнинг қарздорлиги бўйича ўтказилган таҳлилларга кўра, бугунги кунда:

1 миллион сўмдан 3 миллион сўмгача бўлган қарздорлар сони Республикада - 157 839 нафарни ташкил қилади;

3 млн дан -5 млн.гача бўлган қарздолар - 14 890 нафарни;

10 миллион сўмдан юқори бўлган қарздорлар 5499 нафарни ташкил этмоқда.

Бугунги кунда Республикада аҳолининг электр энергиясидан қарздорлиги 2,4 триллиондан ошган.

Эслатиб ўтамиз, айни пайтда Ўзбекистонда "Ҳудудий электр тармоқлар" АЖ томонидан рақамлаштиришнинг асосий йўналишларидан бири - "Электр энергиясини ҳисобга олиш ва назорат қилишнинг автоматлаштирилган тизими (АСКУЭ)ни жорий этиш ишлари изчиллик билан олиб борилмоқда.

"Ҳудудий электр тармоқлари" АЖ ва "KT Corporation" компанияси ўртасида электр энергиясини ҳисобга олишни автоматлаштириш марказини ташқил этиш бўйича 2019 йилда битим имзоланган.

Марказ Корея, Хитой, Сингапур ва АҚШ каби давлатларнинг етакчи компаниялари томонидан ишлаб чиқарилган сервер ускуналар билан жиҳозланган.

Электр энергиясини ҳисобга олишни автоматлаштириш маркази ишга туширилишидан асосий мақсад - республика миқёсида электр энергияси истеъмолчиларининг соатлик, суткалик, ойлик ва йиллик балансларини шакллантириш, кўп тарифлик тизимида ҳисоб-китобларни амалга ошириш, яъни қарздорларни автоматик равишда таъминотдан ўчириш ва фойдаланилган электр энергияси учун тўлов амалга оширилганидан сўнг қайта улаш белгиланган.

Ўзбекистон бўйлаб 7,4 миллиондан ортиқ истеъмолчиларнинг барчаси электр энергиясини ҳисобга олиш ва назорат қилишнинг автоматлаштирилган тизимига уланиши режалаштирилган.

Айни кунгача Жамиятнинг ўз маблағлари ҳамда қатор халқаро ташкилотлар инвестициялари ҳисобидан 4,6 миллиондан ортиқ замонавий ҳисоблагич ўрнатиб бўлинган.

116
Медицинский работник в отделении дезинфекции госпиталя COVID-19

Ўзбекистонда коронавирус: янги ҳолатлар

124
Ўзбекистонда яна 73 кишида коронавирус аниқланди, республика бўйлаб коронавирус инфекцияси қайд этилганлар сони 71 920 нафарни ташкил қилмоқда.

ТОШКЕНТ, 24 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

24 ноябрь coaт 13:00 га қадар 73 кишида коронавирус аниқланди, Ўзбекистонда коронавирус инфекцияси қайд этилганлар сони 71 920 нафарни ташкил қилмоқда.

Янги касалланиш ҳолатларининг: Қорақалпоғистон Республикасида 5 нафар, Жиззах вилоятида 5 нафар, Қашқадарё вилоятида 2 нафар, Сурхондарё вилоятида 4 нафар, Фарғона вилоятида 11 нафар, Тошкент вилоятида 36 нафар, Тошкент шаҳрида 10 нафар коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 69 118 нафарга етди. Соғайиш кўрсаткичи 96 фоиз.

Айни пайтда 2 197 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

1 нафар бемор вафот этди. Ўзбекистонда жами 605 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 59,2 миллиондан ошди, 1,3 миллиондан ортиқ киши вафот этди, 37,9 миллиондан ортиқ киши тузалди. Энг кўп ҳолатлар АҚШда (12,4 млн), Ҳиндистонда (9,2 млн), Бразилияда (6,1 млн).

124
Мавзу:
COVID-19 умумжаҳон пандемияси