ТОШКЕНТ, 13 янв – Sputnik. “Тошкент-Москва” йўловчи поезди Астрахан вилоятидаги Россия-Қозоғистон чегараси яқинида 44 дақиқага кечикди. Сабаби - туя темир йўл қисмига чиқиб, поезд ҳаракатланишига тўсқинлик қилган. Бу ҳақда РИА Новости хабар қилди.
Бундан аввал Pikabu порталида поезд олдидан темир йўлдан туя югураётгани акс этган видео пайдо бўлди. Машинист бир неча марта овозли сигналлар берган бўлсада, туя йўлдан чекинмаган.
Кадр ортидан гапираётган эркакнинг сўзларига кўра, туя соатига 22 км тезликда ҳаракатланган, кейинчалик секинлашади.
“Астархан Кигаш-Разъезд №2 йўлида “Тошкент-Москва” поезди туя темир йўлга чиқиши оқибатида поезд ушланиб қолди. Ҳайвон поезд билан бир хил йўналишда ҳаракатланган. Ҳайдовчи овозли сигналларни берган ва поезд тезлигини секинлаштиришга мажбур бўлган, натижада поезд 44 дақиқага кечикиб келган”, - деб таъкидлади суҳбатдош.
Бу ҳолат 5 январ куни содир бўлган ва бошқа йўловчи поездлар ҳаракат жадвалига таъсир қилмади.
