Ноқонуний равишда “мигалка” ўрнатган ҳайдовчилар жаримага тортилмоқда

178
(Янгиланган 09:54 14.01.2020)
ИИББ ЙҲХББ ноқонуний равишда "мигалка" ва "сирена" ўрнатган автомобилларни жарима майдончасига жойлаштиришни бошлади.

ТОШКЕНТ, 14 янв - Sputnik. Тошкент шаҳар ИИББ махсус товуш чиқарувчи ва ёритувчи қурилмаларни тегишли рухсатсиз ўрнатиш қонунга зид эканлигини эслатиб ўтди. Бу ҳақдаги огоҳлантириш Тошкент шаҳар ИИББ расмий сайтида эълон қилинди. 

Қайд этилишича, охирги пайтларда пойтахтда  ҳайдовчиларнинг автомобилларга “мигалка” ва “сирена”лар ўрнатганликлари ҳолати тез-тез кузатилмоқда. Шу боис ушбу ҳаракатларнинг жарималарга сабаб бўлиши ИИББ томонидан қайта огоҳлантирилди.

Незаконная установка мигалок

Хусусан, жорий йилнинг 10-январь куни соат 12.20 да Минор масжиди ёнида махсус ёритувчи қурилма ўрнатилган “Spark” русумли автомобиль шу ҳудудда хизмат олиб борган ЙҲХБ ЙПХ инспектори томонидан тўхтатилган. Аниқланишича, автомобилга ўрнатилган махсус ёритувчи қурилмалар учун ҳайдовчи тегишли рухсатга эга бўлмаган. Ҳолат юзасидан МЖТКнинг 127-моддаси бўйича баённома расмийлаштирилган.  

Маълумот учун, тегишли рухсатсиз транспорт воситаларига товуш чиқарувчи ва ёритувчи махсус қурилмаларни ўрнатиш, давлат рақам белгиларини кўриш имкониятини чекловчи, уларни англашга тўсқинлик қилувчи турли ашёлар ўрнатиш ва қоплама суртиш ана шу қурилмаларнинг мусодара қилинишига сабаб бўлади. Мазкур ҳаракатларни содир этган фуқарога нисбатан эса базавий ҳисоблаш миқдорининг 1 бараваридан 3 бараваригача, мансабдор шахсларга эса — 3 бараваридан 5 бараваригача миқдорда жарима солинишига сабаб бўлади.

Бундан ташқари, мазкур қоидабузарлик ҳолларида автомобиль МЖТКнинг 291-моддасига мувофиқ жарима майдончасига жойланади.

178
Флаг Туркменистана

БССТ Туркманистонда COVID-19 ни аниқлаш учун мустақил тест ўтказади - Бердимуҳаммедов рози

8
Ташкилот вакиллари баёнотига кўра, Туркманистонда пневмония касаллиги билан боғлиқ ҳолатларни қайта текшириш зарур

ТОШКЕНТ, 8 авг — Sputnik. Туркманистон президенти Гурбангули Бердимуҳамедов Бутунжаҳон соғлиқни сақлаш ташкилотига янги турдаги COVID-19 коронавируси бор-йўқлигини аниқлаш учун саралаш методи билан тест ўтказишга розилик берди, деб хабар қилди БССТ Европа минтақавий бюроси директори Ханс Клюге.

"Бугун мен ва (БССТ бош директори ) Тедрос Адханом Гебрейесус Туркманистон президенти билан мамлакатдаги COVID-19 билан боғлиқ вазият юзасидан учрашув ўтказдик. БССТ COVID-19сиз кечаётган пневмония ҳолатлари кўпайиб бораётганидан ташвишдалигини билдирди ва ташкилот ходимлари мамлакатда COVID-19 бор-йўқлигини аниқлаш учун мустақил равишда таҳлилларни йиғиб, уларни БССТнинг референт лабораторияларига юбориш таклифи билдирилди. Президент рози бўлди", - деб ёзган Клюге Facebookдаги саҳифасида.

Эслатиб ўтамиз, сал олдин Туркманистон президенти, БССТ билан ўтказилган онлайн-музокаралар давомида коронавирус геномини ўрганиш бўйича БССТнинг махсус дастурини тайёрлаш таклифини билдиргани ҳақида хабар қилинган эди. Бердимуҳамедовнинг сўзларига кўра, COVID-19га доир қатор ўз ечимини топмаган масалалар мавжуд, хусусан, унинг келиб чиқиши, тарқалиш йўллари ва мутация каби.

Ҳукумат хабарига кўра, Туркманистонда янги турдаги коронавирус билан касалланиш ҳолатлари қайд этилмаган. Шунга қарамай, мамлакатда ниқоб режими ва сервис, савдо ҳамда странспорт соҳасидаги фаолият турларига қатор чекловлар жорий этилган.

8
Мавзу:
COVID-19 умумжаҳон пандемияси

МТВ ўз фарзандларига бақирган тарбиячига интизомий чора қўлланилганини маълум қилди

159
(Янгиланган 14:11 08.08.2020)
Июл ойи охирида ижтимоий тармоқларда машғулотни тасвирга олиш жараёни якунланай деган бир вақтда фарзандлари жараёнга ҳалақит берганидан сўнг, болакайларни баланд овозда қўпол сўзлар билан койиган тарбиячи акс этган видеоролик тарқалган эди

ТОШКЕНТ, 8 авг - Sputnik. Мактабгача таълим вазирлиги ижтимоий тармоқларда тарқалган ва кенг муҳокамаларга сабаб бўлган боғча тарбиячиси ўз фарзандларини уришаётгани акс этган видеоролик бўйича расмий изоҳ берди.

Эслатиб ўтамиз, июл ойи охирида ижтимоий тармоқларда машғулотни тасвирга олиш жараёни якунланай деган бир вақтда фарзандлари жараёнга ҳалақит берганидан сўнг, болакайларни баланд овозда қўпол сўзлар билан койиган тарбиячи акс этган видеоролик тарқалган эди.

Юқоридаги ҳолат акс этган ролик тайёрланган видеомашғулот ўрнига, янглиш равишда МТТ телеграм гуруҳига жойланган бўлиб, тезда ўчириб ташланган бўлган. Аммо шунга қарамай, ролик орадан 11 кун ўтиб ижтимоий тармоқларда тарқалиб кетган.

Мактабгача таълим вазирлиги изоҳига кўра, роликдаги аёл Наманган вилояти, Чортоқ туманидаги МТТлардан бирида фаолият юритувчи тарбиячи Ҳилола Нурматова эканлиги аниқланган. Нурматова олий маълумотли, мактабгача таълим тизимида бир неча йилдан бери ишлаши, ўтган давр мобайнида у томонидан ҳеч қандай ножўя ҳаракатлар амалга оширилмагани қўшимча қилинган.

Маълум бўлишича, карантин шароитида Нурматова масофадан ўқитиш усулини ўзлаштирган ҳолда, бир неча ой мобайнида, ҳафтасига 4-5 мартадан тарбияланувчилар учун видеомашғулотлар ўтиб келган.

Ёз мавсуми бошланиши МТТ ларда соғломлаштириш даври ҳисобланиб, тартибга кўра бу вақтда фаол таълим жараёни тўхтатилади. Аммо бир неча ташаббускор тарбиячилар, улар қаторида Нурматова ҳам, тарбияланувчиларнинг бўш вақти мазмунли ва фойдали ўтиши учун видеомашғулотларни давом эттиришга қарор қилган.

Ҳолатни ўрганиш жараёнида ўша куни Нурматова видеомашғулотни бир неча марта ёзиб олишга урингани маълум бўлди. Аммо иш билан уй вазифаларини бир вақтда бажариш мажбурияти, жумладан болалар ҳархашаси ҳиссий мувозанатдан чиқиб кетиши, натижада назоратни йўқотган ҳолда овозини баландлатишига сабаб бўлган.

Бу воқеа Чортоқ тумани мактабгача таълим бўлими ҳамда Наманган вилояти Мактабгача таълим Бошқармаси томонидан атрофлича ўрганиб чиқилган ва маълум хулосаларга келинган.

Тарбиячи Нурматова касбий этика қоидаларини бузгани учун унга нисбатан интизомий жазо чораси қўлланилган. Карантин якунланиб, МТТ лар фаолияти тиклангач Чортоқ тумани мактабгача таълим бўлими томонидан бу тарбиячининг педагогик фаолияти мониторинг қилиб борилиши белгиланган. МТТ раҳбарига эса огоҳлантириш берилган.

Туман МТБсига ўзига тегишли ҳудудда масофадан мактабгача таълим хизматини кўрсатиш жарёни устидан кузатишни кучайтириш, унинг сифатини яхшилаш, мактабгача таълим тизими ходимлари учун қулай шароитлар яратиш бўйича тавсиялар берилди.

Мактабгача таълим вазирлиги болаларга нисбатан ҳар қандай қўпол муносабатга қарши эканлигини маълум қилган ҳолда, фуқаролардан коронавирус пандемияси натижасида ўзи учун янги ва ноодатий бўлган - масофадан таълим жараёнини олиб бораётган педагоглар шароити ва ҳолатини тушунишга ҳаракат қилишни сўраб қолган.

159