Старинные монеты

Қашқадарёда 21 дона афсонавий тарихий тангалар топилди

295
Қашқадарё вилояти тарихи ва маданияти давлат музейи фондидан 21 дона Нахшаб тангалари ўрин олди. Тангалар эрамизнинг IV-VI асрларига тааллуқли бўлиб, Жанубий Суғд тангалари ҳисобланади.

ТОШКЕНТ, 14 янв – Sputnik. Қашқадарё вилояти тарихи ва маданияти давлат музейи фондидан 21 дона Нахшаб тангалари ўрин олди. Бу ҳақда Маданият вазирлиги ахборот хизмати маълум қилмоқда.

Ўзбекистон ўзининг тарихий ва маданий бойликларга эга эканлиги билан алоҳида ажралиб туради. Айниқса, Қашқадарё вилоятининг турли ҳудудларидан топилаётган тарихий ва маданий бойликлар жамоатчилик ҳамда дунё аҳли вакилларини тез-тез ҳайратга солмоқда.

Қайд этилишича, топилган мазкур тангалар эрамизнинг IV-VI асрларига тааллуқли бўлиб, Жанубий Суғд тангалари ҳисобланади.

Старинные монеты нашли в Кашкадарё
Министерство Культуры Узбекистана
Старинные монеты нашли в Кашкадарё

Бир хил номиналдаги тангаларда ўз даврига хос бўлган тасвирлар туширилган. Масалан, тангалардан  бирининг аверс қисмида Нахшаб ҳокимининг чапга қараб турган тасвирини кўриш мумкин. Юзининг анча чўзиқлигидан у эфталитлар қиёфасига мансуб ҳукмдор деган хулосага келинмоқда.

Шунингдек, яна бир тангада сочи турмакли ҳукмдор орқа оёқларида турган шерга калта қилич санчаётганлигини кўриш мумкин.

Ҳайвон думи юқорига қайрилган, у ҳукмдор қўлидаги калта қилични олд оёқлари билан уриб туширмоқчи бўлиб турибди. Ҳукмдорнинг эгнида тиззагача тушадиган, чамаси, ҳимоя қилувчи ёпинчиғи акс этган.

Тангада шунингдек, яқин Шарқлик Мардук билан Тиаматанинг яккама-якка олишуви манзарасини, подшоҳнинг афсонавий маҳлуқ устидан ғолиб келиши манзарасини кўриш мумкин.

Ушбу тасвир ҳукмдорнинг Нахшабда IV-VI асрларда сиёсий, диний ҳокимиятга эга бўлиш ҳуқуқининг қонунийлигини ифода этган дейилмоқда хабарда.

295
Здание министрества высшего и среднего образования РУз

Қатор ОТМ ётоқхоналари COVID-19 аниқлангани сабаб ёпилгани ҳақидаги хабар рад этилди

38
Олий ва ўрта махсус таълим вазирлиги ЎзМУ, ТДШУ, ФарПИ, ТАТУ Самарқанд филиали талабаларида коронавирус аниқланганини рад этди.

ТОШКЕНТ, 27 янв — Sputnik. Олий ва ўрта махсус таълим вазирлиги ЎзМУ, ТДШУ, ФарПИ, ТАТУ Самарқанд филиали талабаларида коронавирус аниқлангани ҳамда факультет ва ётоқхона қаватлари дезинфекция учун ёпилгани  тўғрисида хабарлар асоссиз эканини маълум қилди.

Таъкидланишича, ушбу олий таълим муассасалари  талабалари орасида айни кунларда коронавирус аниқланмаган ва бирорта ҳам талабалар турар жойи биноси ёпилмаган.

Вазирлик асоссиз ва ёлғон ахборотни тарқатганлик учун Ўзбекистон қонунчилигида маъмурий ва жиноий жавобгарлик белгиланганини эслатган.

“Қолаверса, Олий ва ўрта махсус таълим вазирлиги ҳамда олий таълим муассасалари бу каби (касаллик аниқланиши) ҳолатлар жиддий тус олиб, кенг тарқала бошласа, уларни яширишдан манфаатдор эмас”, - дейилган хабарда.

Аввалроқ Низомий номидаги Тошкент Давлат педагогика университети (ТДПУ) талабасида коронавирус инфекцияси аниқлангани хабар қилинган эди.

38

ЙПХ пиёда хизмат олиб боришдан босқичма-босқич воз кечади

72
ЙПХ ходимларининг фақат қоидабузарликларни автоматик тарзда аниқлаш қурилмалари билан жиҳозланган патруль автомобилларида хизмат олиб боришини йўлга қўйиш режалаштирилмоқда.

ТОШКЕНТ, 27 янв — Sputnik. Ўзбекистон ИИВ Йўл ҳаракати хавфсизлиги бош бошқармаси 2021 йилда давлат йўл ҳаракати хавфсизлиги хизмати соҳасида амалга оширилиши кўзланган режалар тўғрисида маълумот берди.

Маълум қилинишича, бугунги кун талабларини, об-ҳаво шароитини инобатга олган ҳолда хизмат олиб бориш учун қулай, замонавий ва ихчам бўлган, йўл-патруль хизмати ходимларининг фарқловчи белгилари тақилган янги хизмат кийим-бош намуналари синовдан муваффақиятли ўтган тақдирда республикадаги барча ЙПХ ходимларини янги намунадаги кийим-бош билан таъминланади.

Бундан ташқари, ЙПХ ходимларининг пиёда хизмат олиб бориш тизимидан босқичма-босқич воз кечилади.

Бунда ЙПХ ходимларининг фақат қоидабузарликларни автоматик тарзда аниқлаш қурилмалари билан жиҳозланган патруль автомобилларида хизмат олиб боришини йўлга қўйилади.

72
Теглар:
Ўзбекистон янгиликлари, Йўл-патрул хизмати (ЙПХ)
Бывший премьер-министр Мухаммедкалый Абылгазиев. Архивное фото

Қирғизистон собиқ бош вазири ҳибсга олинди

33
2018 йилдан 2020 йил июнига қадар Қирғизистон бош вазири бўлган Муҳаммадкалий Абилгазиев ноқонуний йўллар билан бойлик орттирганликда гумонланиб қамоққа олинди.

ТОШКЕНТ, 27 янв — Sputnik. Қирғизистон собиқ бош вазири Муҳаммадкалий Абилгазиев қўлга олинди.

Абилгазиев Қирғизистон ҳукуматини 2018 йилдан 2020 йил июнь ойига қадар бошқарган. Ўтган йили 15 июнда радиочастоталар билан боғлиқ жанжалдан кейин истеъфо берган эди.

“26 январь куни у сўроққа чақирилган ва шу куннинг ўзида ҳибсга олинган”, - дейилади Sputnik Қирғизистон хабарида.

Собиқ амалдор ноқонуний йўллар билан бойлик орттирганликда гумон қилинмоқда. Қирғизистон миллий хавфсизлик қўмитаси маълумотларига кўра, Абилгазиев давлат хизматида бўлган вақтида ноқонуний равишда ўз активларини кўпайтирган. Улар унинг расмий даромадларидан бир неча бараварга зиёд.

Таъкидланишича, ўз активларини қонунийлаштириш учун собиқ бош вазир Бишкекда, Чуй ва Иссиқ-Кўл вилоятларида қиммат кўчмас мулкларини харид қилган. Бундан ташқари, кўп қаватли элита уйлар қурилишига сармоя киритган. Жиноий жавобгарликдан бўйин товлаш учун бу активлар сохта кишилар номига расмийлаштирилган.

33
Теглар:
Қирғизистон