Бананы и фрукты

Парҳезшунос олимлар бананни қишда ейишни тавсия қилишади

123
Парҳезшунос олимларга кўра банан мевасини қиш фаслида истеъмол қилиш мақсадга мувофиқ, банан кишини депрессиядан холос этади.

ТОШКЕНТ, 14 янв – Sputnik. Парҳезшунос олимларга кўра банан мевасини қиш фаслида истеъмол қилиш мақсадга мувофиқдир. Шунингдек, банан кишини депрессиядан холос этади.

Қайд этилишича, таркибидаги триптофан моддаси туфайли пaрҳезшунослар бананни aйнан сoвуқ фаслларда озиқланиш рационига қўшиб туриш кераклигини маслaҳат беришaди.

Чунки ушбу аминокислота кунлар қисқарадиган куз ва қиш фаслида инсон организми учун жуда зарур бўлган серотонин гормонининг ишлаб чиқишига ёрдам беради.

Серотонин инсон учун хуш кайфият улашувчи гормон ҳисобланади. Кунига бир дона банан еган киши ўзини яхши ҳис қилади ва депрессив кайфиятдан холос бўлади. 

Бундан ташқари банан — калийнинг табиий манбаи бўлиб, қондаги кислота-ишқор мувозанати, сув-туз мувозанати, буйракларнинг бир текис ишлашини тартибга солади.

Қон босимини бир меъёрда ушлаб, юрак қисқаришларини тартибга солади.

Шу сабабли ушбу мевани юрак-қон томирларлари касалликларида профилактика сифатида истеъмол қилиш тавсия этилади.

120 г массадаги банан 100-200 қувватга эга. Шунинг учун бу мева ажойиб парҳез нонушта бўла олади.

Банан таркибида қанд моддаси кўп бўлиб, бир дона банан истеъмол қилиш организмнинг углеводларга бўлган кунлик талабини 40 фоизга тўйинтиради.

Шунинг учун паст углеводли парҳез тутаётганларга банан истеъмол қилиш маслаҳат берилмайди.

123
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

16
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

16
Студенты в аудитории

Энди контракт тўлай олмаган талаба ўқишдан четлатилмаслиги мумкин

48
Эндиликда контрактни тўлай олмамаган талаба ўқишдан четлатилмайди, балки курсдан-курсга қолдирилиши мумкин.

ТОШКЕНТ, 9 авг — Sputnik. Ўзбекистонда энди контракт тўлай олмаган талаба ўқишдан четлатилмаслиги мумкин. Бу ҳақда АОКАдаги матбуот анжуманида олий ва ўрта махсус таълим вазири Иномжон Мажидов маълум қилди.

Вазирнинг сўзларига кўра, агар талабанинг контрактни тўлашга қурби етмаса, олий ўқув юрти вазиятни ўрганиб чиқади. Кейин шу талабага ёрдам бериб, контрактни қоплаш чорасини кўради.

“Талаба эндиликда контрактни тўлай олмаса, у четлатилмайди, балки курсдан-курсга қолдирилиши масаласи кўриб чиқилади", - деди у.

Мажидов бунда ОТМ томонидан вазият тўлиқ ўрганилгач, қарор қабул қилишини қўшимча қилди.

Шунингдек, вазир 2020-2021-ўқув йилида контракт тўлови миқдори ўзгаришсиз қолишини маълум қилди.

48