Cамолет Boeing 767 авиакомпании Uzbekistan в аэропорту Внуково имени А. Н. Туполева.

Ўзбекистонда йирик халқаро авиафорум ўтказиш режалаштирилган

157
(Янгиланган 15:10 14.01.2020)
Ўзбекистонда халқаро авиафорумда хорижий авиакомпаниялар ўз самолётлари билан иштирок этиши режалаштирилмоқда.

ТОШКЕНТ, 14 янв – Sputnik. Ўзбекистонда йирик халқаро авиация форумини ўтказиш режалаштирилган, деб маълум қилинди Sputnik мухбирига Транспорт вазирлигида.

Аввалроқ ОАВда ушбу тадбир феврал ойида бўлиб ўтиши ва унга дунёнинг етакчи авиакомпаниялари таклиф қилиниши ҳақида хабарлар тарқалган эди.

Суҳбатдошнинг сўзларига кўра, форум  ўтказиш вақти ва иштирокчилар рўйхати ҳозирча аниқланмаган.

Барча таклиф қилинган авиакомпаниялар тадбирда ўз техникаси билан иштирок этади, деб аниқлик киритилди вазирликда.

Ўзбекистон авиация саноати жадал ривожланмоқда. Хусусан, 2019 йил 1 октябрдан республиканинг 4 та шаҳарида - Нукус, Қарши, Термиз, Бухоронинг халқаро аэропортларида "очиқ осмон" режими жорий этилди. Бу хорижий самолётларга бу аэропортларга парвоз чекловларини олиб ташлашни кўзда тутади.

157

Ўзбекистонда коронавирус: 25 сентябрь асосий хабарлари

462
Сутка давомида 426 кишида коронавирус аниқланди, Ўзбекистонда коронавирус инфекцияси қайд этилганлар сони 54 392 нафарни ташкил қилмоқда.

ТОШКЕНТ, 25 сен — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 426 кишида коронавирус аниқланди, Ўзбекистонда коронавирус инфекцияси қайд этилганлар сони 54 392  нафарни ташкил қилмоқда.

Янги касалланиш ҳолатларининг 200 нафари Тошкент шаҳрида, 11 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 438 нафар бемор тузалиб, ўз уйларига кузатилди. Республика бўйлаб жами соғайганлар сони 50 879 нафарга етди. Соғайиш кўрсаткичи 93 фоиз.

Айни пайтда 3 064 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 2 нафар бемор вафот этди.

Ўзбекистонда жами 449 киши пандемия қурбони бўлди.

35 миллион доза вакцина

Россия тўғридан-тўғри инвестициялар фонди (РФПИ) ва Ўзбекистоннинг LAXISAM фармацевтика компанияси 35 млн доза "Спутник V" вакцинаси етказиб беришга келишиб олишди. 

Ўзбекистон ваколатли органлари вакцинани белгиланган тартибда рўйхатдан ўтказганидан сўнг, 2020 йилда республикага 10 миллион доза вакцина ва 2021 йилда яна 25 миллион доза вакцина етказиб берилади.

Дунё саломатлиги

Дунё бўйлаб инфекцияни юқтириб олган кишиларнинг сони 32,4 миллиондан ошди, 987 минг киши вафот этди, 23,9 миллион киши тузалди. Энг кўп ҳолатлар АҚШда (7,2 млн), Ҳиндистонда (5,8 млн), Бразилияда (4,7 млн).

462
Мавзу:
COVID-19 умумжаҳон пандемияси
Письменные принадлежности

Бир қатор ҳудудий божхона бошқармаларига бошлиқлар тайинланди

315
(Янгиланган 18:55 25.09.2020)
Ўзбекистон Республикаси президентининг фармойишига биноан бир қатор ҳудудий божхона бошқармаларида тайинловлар амалга оширилди.

ТОШКЕНТ, 25 сен — Sputnik. Ўзбекистон Республикаси президентининг фармойишига биноан бир қатор ҳудудий божхона бошқармаларида тайинловлар амалга оширилди, деб хабар қилди Давлат божхона қўмитаси матбуот хизмати.

Божхона хизмати полковниги Саидов Толибжон Багадырович Тошкент шаҳар божхона бошқармаси бошлиғи этиб тайинланди.

Божхона хизмати подполковниги Умаров Қаҳрамон Акбарович Сурхондарё вилояти божхона бошқармаси бошлиғи этиб тайинланди.

Божхона хизмати подполковниги Мусамухамедов Нодир Камалитдинович Жиззах вилояти божхона бошқармаси бошлиғи этиб тайинланди.

315

Мирзиёев ва Назарбоев учрашуви бўлиб ўтди

49
Икки мамлакат етакчилари Ўзбекистон-Қозоғистон стратегик шериклик муносабатларининг бугунги ҳолати ва истиқболларини муҳокама қилиб, минтақавий ва халқаро аҳамиятга молик долзарб масалалар юзасидан фикр алмашдилар.

ТОШКЕНТ, 26 сен - Sputnik. Ўзбекистон президенти Шавкат Мирзиёев ва Қозоғистоннинг Биринчи Президенти – Элбоши Нурсултон Назарбоевнинг амалий учрашуви бўлиб ўтди. Бу ҳақда Ўзбекистон президенти матбуот-хизмати хабар қилмоқда.

Учрашув Қозоғистон томонининг таклифига биноан Туркистон вилоятининг Ўзбекистон билан чегарадош ҳудудидаги Сариағаш шаҳрида ўтказилди.

Икки мамлакат етакчилари Ўзбекистон-Қозоғистон стратегик шериклик муносабатларининг бугунги ҳолати ва истиқболларини муҳокама қилиб, минтақавий ва халқаро аҳамиятга молик долзарб масалалар юзасидан фикр алмашдилар.

Коронавирус инфекцияси глобал миқёсда тарқалишининг оқибатларини тез фурсатда енгиб ўтиш мақсадида ҳукуматлар даражасида яқиндан мувофиқлашув ва самарали ҳамкорликни давом эттиришга алоҳида эътибор қаратилди.

Икки томонлама савдо ҳажмини ошириш ва товар айирбошлашнинг ўзаро келишилган кўрсаткичларига эришиш учун қулай шароитлар шакллантиришни давом эттириш, қабул қилинган қўшма "Йўл харитаси" доирасида саноат, энергетика, қишлоқ хўжалиги ва транспорт соҳаларида кооперация бўйича устувор лойиҳаларни амалга оширишга кўмаклашиш, ҳудудлараро алоқалар ва гуманитар алмашинувларни қўллаб-қувватлаш муҳимлиги қайд этилди.

Шунингдек, минтақавий шерикликни, жумладан, 2019 йил ноябрь ойида Тошкент шаҳрида ўтказилган Марказий Осиё давлатлари раҳбарларининг иккинчи Маслаҳат учрашуви якунида эришилган келишувлар асосида илгари суриш масалаларига тўхталиб ўтилди.

Бундан ташқари, МДҲ доирасидаги ўзаро манфаатли ҳамкорликнинг асосий йўналишлари кўриб чиқилди.

Суҳбат чоғида Шавкат Мирзиёев ва Нурсултон Назарбоев қардош Ўзбекистон ва Қозоғистон халқлари ўртасида яхши қўшничилик ришталари ва ҳар томонлама алоқаларни мустаҳкамлашда доимо қатъий эканликларини яна бир бор таъкидладилар.

Учрашув ҳар доимгидек очиқ ва дўстона руҳда ўтди.

49