Шерзод Қудратхўжаев

Қудратхўжаев инстаграм юлдузларини озода турмуш тарзини тарғиб қилишга чақирди

849
(Янгиланган 20:27 15.01.2020)
Шерзод Қудратхўжаев фақат кийимини ва ейиш-ичишини кўз-кўз қилаётган, экологияга бефарқ юлдузларни танқид қилди. 

ТОШКЕНТ, 15 янв – Sputnik. Қудратхўжаев ёш ижтимий тармоқ юлдузларини нафақат брендли либослар балким тўғри турмуш тарзини ҳам тарғиб қилишга чақирди, Sputnik мухбири хабарига асосан.

Бугун, 15 январ куни Тошкент вилоятида жойлашган “Амирсой” тоғ-чанғи курортида Халқаро пресс-клубиининг навбатдаги сессияси бўлиб ўтди. Унда пресс-клуб раиси айрим ёш машҳурларнинг келмаганидан таъна қилди.

Сессияда шунингдек, тоғ-чанғи курортларида одамлар хавфсизлигининг қай даражада таъминланганлиги, охирги бир ойда  тоғ-чанғи курортларида қанча одам эҳтиётсизлик қурбони бўлгани, саёҳат ва дам олиш тушунчаси ҳамда тоғ-чанғи курортига дам олишга чиққанлар чиқиндини қаерга ташлаётганликлари юзасидан атрофлича тўхталиб ўтилди.

Сессияни жонли тарзда эфирга узатиш мақсадида бир қанча телеканаллар ташриф буюрди.  

Шерзод Қудратходжаев Амирсой тоғ-чанғи курортида ўтказилаётган сессияга айрим ёш эстрада юлдузларининг чақирилганликлари, аммо уларнинг кўрсатувга келмаганликларини таъна килди. Уларни экологик муаммоларга бефарқ бўлмасликка чақирди.

“Бугун ёш юлдузларимиз инстаграммда икки миллиондан кузатувчиларга эга. Лекин улар фақат ўзи, ўз фойдаси учун ишлайди. Нима ейишидан тортиб, либосигача реклама қилишади. Майли, қилаверишсин ўша рекламани, лекин табиатга нисбатан масъулиятни ҳам унутишмасин” дейди Қудратхўжаев машҳурларнинг айнан исмини сир тутган ҳолда.

Шунингдек, Қудратхўжаев юлдузларга тана аъзоларини, бренд либосларини реклама қилишдан кўра, тўғри яшаш тартиби, озодаликка риоя этиш каби ғояларни ўз саҳифаларида тарғиб қилиб, уларни севувчи ёшларга ижобий ўрнак бўлишга чақирди.

Сессияга таклиф этилган Ўзбекистонда хизмат кўрсатган артист Саида Раметова эса 1988 йилда ҳамкасблар билан биргаликда Англияга боргани, ушбу шаҳарнинг озодалигига барча ҳамкасблари қаторида ҳавас қилганлигини сўзлаб берди.

“Самолётдан тушишимиз билан ҳайратдан оғзимиз очилиб қолди. Ернинг бирон бир бурчагида ё пўчоқ ё тамаки, ҳеч нарса йўқ, ҳаммаси қутига ташланган. Англиянинг 13 та шаҳрига бориб ҳам ана шундай озодаликка дуч келганмиз. Буни кўрган раҳматли Обид Юнусов “Вое-й, буларнинг “мусор”лариям чиройли-ей!” деб юборган” дея эслайди Саида Раметова.

“Аммо бир нарсани айтишим керак, Ўзбекистондаги ҳозирги даврни олиб қарайдиган бўлсак,  озодаликка эришиш масаласида 70 фоиз ўсиш бор” дейди яна у.

849

МТВ ўз фарзандларига бақирган тарбиячига интизомий чора қўлланилганини маълум қилди

133
(Янгиланган 14:11 08.08.2020)
Июл ойи охирида ижтимоий тармоқларда машғулотни тасвирга олиш жараёни якунланай деган бир вақтда фарзандлари жараёнга ҳалақит берганидан сўнг, болакайларни баланд овозда қўпол сўзлар билан койиган тарбиячи акс этган видеоролик тарқалган эди

ТОШКЕНТ, 8 авг - Sputnik. Мактабгача таълим вазирлиги ижтимоий тармоқларда тарқалган ва кенг муҳокамаларга сабаб бўлган боғча тарбиячиси ўз фарзандларини уришаётгани акс этган видеоролик бўйича расмий изоҳ берди.

Эслатиб ўтамиз, июл ойи охирида ижтимоий тармоқларда машғулотни тасвирга олиш жараёни якунланай деган бир вақтда фарзандлари жараёнга ҳалақит берганидан сўнг, болакайларни баланд овозда қўпол сўзлар билан койиган тарбиячи акс этган видеоролик тарқалган эди.

Юқоридаги ҳолат акс этган ролик тайёрланган видеомашғулот ўрнига, янглиш равишда МТТ телеграм гуруҳига жойланган бўлиб, тезда ўчириб ташланган бўлган. Аммо шунга қарамай, ролик орадан 11 кун ўтиб ижтимоий тармоқларда тарқалиб кетган.

Мактабгача таълим вазирлиги изоҳига кўра, роликдаги аёл Наманган вилояти, Чортоқ туманидаги МТТлардан бирида фаолият юритувчи тарбиячи Ҳилола Нурматова эканлиги аниқланган. Нурматова олий маълумотли, мактабгача таълим тизимида бир неча йилдан бери ишлаши, ўтган давр мобайнида у томонидан ҳеч қандай ножўя ҳаракатлар амалга оширилмагани қўшимча қилинган.

Маълум бўлишича, карантин шароитида Нурматова масофадан ўқитиш усулини ўзлаштирган ҳолда, бир неча ой мобайнида, ҳафтасига 4-5 мартадан тарбияланувчилар учун видеомашғулотлар ўтиб келган.

Ёз мавсуми бошланиши МТТ ларда соғломлаштириш даври ҳисобланиб, тартибга кўра бу вақтда фаол таълим жараёни тўхтатилади. Аммо бир неча ташаббускор тарбиячилар, улар қаторида Нурматова ҳам, тарбияланувчиларнинг бўш вақти мазмунли ва фойдали ўтиши учун видеомашғулотларни давом эттиришга қарор қилган.

Ҳолатни ўрганиш жараёнида ўша куни Нурматова видеомашғулотни бир неча марта ёзиб олишга урингани маълум бўлди. Аммо иш билан уй вазифаларини бир вақтда бажариш мажбурияти, жумладан болалар ҳархашаси ҳиссий мувозанатдан чиқиб кетиши, натижада назоратни йўқотган ҳолда овозини баландлатишига сабаб бўлган.

Бу воқеа Чортоқ тумани мактабгача таълим бўлими ҳамда Наманган вилояти Мактабгача таълим Бошқармаси томонидан атрофлича ўрганиб чиқилган ва маълум хулосаларга келинган.

Тарбиячи Нурматова касбий этика қоидаларини бузгани учун унга нисбатан интизомий жазо чораси қўлланилган. Карантин якунланиб, МТТ лар фаолияти тиклангач Чортоқ тумани мактабгача таълим бўлими томонидан бу тарбиячининг педагогик фаолияти мониторинг қилиб борилиши белгиланган. МТТ раҳбарига эса огоҳлантириш берилган.

Туман МТБсига ўзига тегишли ҳудудда масофадан мактабгача таълим хизматини кўрсатиш жарёни устидан кузатишни кучайтириш, унинг сифатини яхшилаш, мактабгача таълим тизими ходимлари учун қулай шароитлар яратиш бўйича тавсиялар берилди.

Мактабгача таълим вазирлиги болаларга нисбатан ҳар қандай қўпол муносабатга қарши эканлигини маълум қилган ҳолда, фуқаролардан коронавирус пандемияси натижасида ўзи учун янги ва ноодатий бўлган - масофадан таълим жараёнини олиб бораётган педагоглар шароити ва ҳолатини тушунишга ҳаракат қилишни сўраб қолган.

133
Сотрудник лаборатории

Ўзбекистонда коронавирус: 7 август асосий хабарлари

757
(Янгиланган 20:08 07.08.2020)
Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

ТОШКЕНТ, 7 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

Янги касалланиш ҳолатларининг 197 нафари Тошкент шаҳрида, 23 нафари Тошкент вилоятида, 15 нафари Хоразм вилоятида ҳамда 13 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 472 нафар бемор тузалиб, ўз уйларига кузатилди. Республика бўйлаб жами соғайганлар сони 20 059 нафарга етди.

Айни пайтда 8 817 нафар беморга белгиланган стандартлар бўйича даво чоралари кўрилмоқда. Улардан 728 нафари оғир, 217 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор – Тошкент шаҳар  Олмазор туманида яшаган 39 ёшли Б.С. (эркак) ҳамда Учтепа туманида яшаган 68 ёшли Л.К. (аёл), Мирзо Улуғбек туманида яшаган 71 ёшли Н.И. (аёл), Қибрай туманида яшаган 69 ёшли С.Б. (эркак) вафот этди.

Ўзбекистонда жами 181 киши пандемия қурбони бўлди.

Фуқароларни олиб келиш

Россия-Қозоғистон чегарасида тўпланган 1850 нафар фуқаро қайтарилади.

6 август куни Оренбург вилоятининг “Бузулук” станциясидан 920 нафар фуқаро биринчи поезд Ўзбекистонга жўнаб кетди. Иккинчиси 7-август куни Самара вилоятининг “Кинел” станциясидан 930 нафар фуқаро билан жўнайди. Россия-Қозоғистон чегарасида тўпланган жами 1850 нафар Ўзбекистон фуқаролари қайтарилади.

7 август ҳолатига кўра Оренбург ва Самара вилоятларида Россия-Қозоғистон давлатлараро чегараси яқинида Ўзбекистон фуқароларининг тўпланиши кузатилмаяпти.

Кенияга саёҳат

Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Тест синовлари

ОТМларга кириш имтиҳонлари 2 сентябрдан бошлаб, 2 ҳафта давомида ўтказилади. Тест синовлари очиқ стадионларда, кунига 2 сменада ташкил этилади. Натижаларни эълон қилишда ўзгариш бўлмайди. Худди ҳар йилгидек тест синовлари ўтказилган кунининг эртасига абитуриентнинг шахсий саҳифасида эълон қилинади.

Тест синовлари учун 155 стадиондан 40 га яқин стадион жалб этилиши режалаштирилган. Стадионнинг соялик даражалари ва бошқа шароитларга эътибор қаратилган. Соябонлар қўйилиши маласига ҳам эътибор қаратилади. Ота-оналар учун кутиш жойлари, шифокорларга шароит яратиш каби ташкилий масалалар ҳал қилинмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,1 миллиондан ошди, 715 минг киши вафот этди, 11,6 киши тузалди. Энг кўп ҳолатлар АҚШда (4,9 млн), Бразилияда (2,9 млн), Ҳиндистонда (2,0 млн).

 

757
Мавзу:
COVID-19 умумжаҳон пандемияси
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

32
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

32