Тожикистон ва Қирғизистон чегара билан боғлиқ келишувларни ОАВга бермайдиган бўлди

323
(Янгиланган 11:29 16.01.2020)
Тожик-қирғиз чегараси борасида узоқ давом этган музокаралардан сўнг томонлар олтита масала бўйича келишиб олдилар ва қўшма протокол имзоладилар.

ТОШКЕНТ, 16 янв - Sputnik. Қизил-Бел ва Гулистон чегара постлари ўртасидаги тожик-қирғиз чегарасида икки давлат ҳукумат делегациялари учрашуви қўшма баённома имзоланиши билан якунланди, дея хабар беради Қирғизистон ҳукумати матбуот хизмати.

Томонлар, хусусан, олтита масала бўйича келишиб олдилар.

Биринчидан, икки мамлакат вакиллари чегара ҳудудининг 114 километрини хатлаб чиқишга ва бир ой ичида ушбу ҳудудларнинг ҳуқуқий ҳолатини асослаб берилишига келишиб олдилар.

Иккинчидан, иккала томон чегара ҳудудидаги шахмат тартибида жойлашган нотинч ҳудудларни аниқлаш ва уларни 2020 йил 1 мартга қадар алмашинуви бўйича таклиф тайёрлашни режалаштирмоқда.

Учинчидан, чегара ҳудудида, айниқса ҳар икки давлат вакиллари бир-бирига яқин яшайдиган жойларда жамоат тартибини биргаликда назорат қилишни кучайтириш режалаштирилган.

Тўртинчидан, эндиликда чегара яқинида жойлашган аҳоли пунктларининг кўчаларида ёритиш ва видеокузатув камералари пайдо бўлади, ҳар қандай можаролар юзага келган тақдирда камералардаги ёзувлар иккала томонга тақдим этилади.

Бешинчидан, кўчалар ёритилиши Ўш-Боткен-Исфана магистралининг Жака-Орук ҳудудидан Исфара-Орук йўли билан кесишган қисмида ўтадиган қисмида пайдо бўлади.

Олтинчидан, томонлар чегарада олиб борилаётган ишлар тўғрисида дастлабки маълумотлар оммавий ахборот воситаларига берилмаслиги тўғрисида келишиб олдилар.

Имзоланган протоколга кўра, томонлар келишувларнинг бажарилиши учун бир хил жавобгарликни ўз зиммаларига оладилар. Белгиланган барча ишлар биргаликда бажарилиши таъкидланган.

Эслатиб ўтамиз, тожик-қирғиз давлат чегарасида кўпинча маҳаллий аҳоли ёки икки мамлакат чегарачилари ўртасида тўқнашувлар бўлиб туради. Бу, асосан, давлатлар ўртасидаги чегара аниқ бўлинмаган ҳудудлар билан боғлиқ.

Чегаранинг узунлиги қарийб 970 километрни ташкил этади, айни пайтда атиги 504 километрли ҳудуд чегараси бўйича келишувга эришилган, ҳудуднинг 70 фоизи баҳсли саналади.

323
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

66
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

66

Ўзбекистонда коронавирус: 7та вилоятда янги ҳолатлар

536
(Янгиланган 13:32 25.11.2020)
Ўзбекистонда яна 59 кишида коронавирус аниқланди, республика бўйлаб коронавирус инфекцияси қайд этилганлар сони 72 098 нафарни ташкил қилмоқда.

ТОШКЕНТ, 25 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

25 ноябрь coaт 13:00 га қадар 59 кишида коронавирус аниқланди, Ўзбекистонда коронавирус инфекцияси қайд этилганлар сони 72 098 нафарни ташкил қилмоқда.

Янги касалланиш ҳолатларининг: Андижон (3 нафар), Бухоро (5), Жиззах (5), Қашқадарё (5), Наманган (6), Сирдарё (12), Тошкент (23) вилоятларида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 69 302 нафарга етди. Соғайиш кўрсаткичи 96 фоиз.

Айни пайтда 2 191 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 605 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 59,8 миллиондан ошди, 1,4 миллиондан ортиқ киши вафот этди, 38,3 миллиондан ортиқ киши тузалди. Энг кўп ҳолатлар АҚШда (12,6 млн), Ҳиндистонда (9,2 млн), Бразилияда (6,1 млн).

536
Мавзу:
COVID-19 умумжаҳон пандемияси