Умед Мансуров

Ўқишни кўчириш тартиби бузилади: Мансуров Тожикистондан ўзбек талабларининг кетиши ҳақида

1503
(Янгиланган 15:47 13.02.2020)
Рус-тожик Славян университетининг халқаро алоқалар бўйича проректори Умид Мансуров ўзбекистонлик талабаларини ўз ватанига ўқишни кўчириш ҳақидаги хабарни шубҳали янгилик деб атади.

Бундан аввал Тожикистон давлат педагогик университетида таҳсил олаётган ўзбекистонлик талабларини ватанга қайтариш ҳақида маълум бўлди.

Республика президенти Шавкат Мирзиёевнинг ташаббуси билан талаблар Тожикистон педагогика университетидан ҳужжатларини олиб, ўқишни Ўзбекистонда давом эттириши мумкин.

“Олийгоҳлардаги ўқув юкламаси бутун йилга тақсимланган. Эҳтимол, ўзбекистонлик талабалар ўз мамлакати олий ўқув юртларига кўчиришни сўрашлари мумкинлиги назарда тутилган”, - деб ҳисоблайди Мансуров.

“Университетимиздаги қатор ўзбекистонлик талабалар ҳам ўқишни кўчириши умидида Ўзбекистонга жўнаб кетишди, аммо мен улар уддасидан чиқади деб ўйламайман. Бизда Ўзбекистон фуқароларининг 15 фоизига яқини кетган”, - деди проректор Sputnik Тожикистон билан суҳбатда чоғида.

У ўқишни кўчиришнинг маълум тартиби борлигини айтди. Бошқа олийгоҳда ўқишни кўчириш учун икки ректор – Ўзбекистон ва Тожикистон розилиги керак бўлади.  

“"Бошқа университетга ўтиш муносабати билан талабалар сафидан чиқарилсин" – деган формулировка бўлиши керак. Шу ҳолатда бу процедураларга риоя қилинмаяпти, ўқишни кўчириш тартиби бузилмоқда”,  - деб таъкидлади проректор.

Унинг сўзларига кўра, аҳолиси 34 миллион бўлган Ўзбекистонда 60 та олий ўқув юрти бўлган, аҳолиси 9 миллион бўлган Тожикистонда 40 та университет бўлган, Ўзбекистон университетларига абитуриентлар катта танлови бўлган.

Совет Иттифоқи давридан бери Сурхондарё вилоятидан аҳоли таҳсил олиш учун Тожикистонга келган. Ўзбек ёшлари политехника, тиббиёт институтлари ва Миллий университетни танлашган.

Чегаралар очилгандан сўнг, ўзбекистонлик талабалар оқими тикланди, ҳозир улар рус филологияси, тилшунослик, биология, кимё йўналишларини танлашмоқда.

"Славян университети Россия дипломини беради, шунинг учун ўзбекистонлик талабалар бу олийгоҳдан кетишмаса керак ", - деб қўшимча қилди Мансуров.

1503
Рабочие во время строительства

Ишсиз фуқароларни касб-ҳунарга ўқитиш марказлари фаолиятига доир ҳукумат қарори тайёрланди

100
Йил якунига қадар аҳоли бандлигига кўмаклашиш марказлари фаолиятини видеокузатув камералари ва “abkm.mehnat.uz” тизими орқали доимий назорат қилиш имконини берувчи Ситуацион тезкор марказни ташкил этиш режалаштирилган.

ТОШКЕНТ, 29 сен — Sputnik. “Камбағал ва ишсиз фуқароларни касб-ҳунарга ўқитиш тизимини такомиллаштириш ҳамда меҳнат органлари фаолияти самарадорлигини оширишнинг қўшимча чора-тадбирлари тўғрисида” ҳукумат қарори лойиҳаси умумий муҳокамага қўйилди.

Ҳужжатда баён этилишича, Бандлик ва меҳнат муносабатлари вазирлиги тизимидаги Тошкент шаҳри Яшнобод туманидаги банд бўлмаган аҳолига хизмат кўрсатувчи “Ишга марҳамат” мономаркази масъулияти чекланган жамияти Тошкент шаҳридаги “Ишга марҳамат” мономаркази давлат муассасаси этиб қайта ташкил этилади.

Қорақалпоғистон Республикаси ва вилоятларда “Ишга марҳамат” мономарказлари давлат муассасалари шаклида ташкил этилади. Бунда: Тошкент шаҳридаги “Ишга марҳамат” мономаркази бош муассаса сифатида Қорақалпоғистон Республикаси ва вилоятларда ташкил этиладиган “Ишга марҳамат” мономарказларига ўқув-методик жиҳатдан раҳбарлик қилади, улар томонидан аҳолига кўрсатилаётган хизматлар, жумладан, касб-ҳунарга, тадбиркорлик кўникмаларига, хорижий тилларга ўқитиш, ички ва ташқи меҳнат бозорида бандликка кўмаклашиш, касбий малакани баҳолаш бўйича фаолиятни мувофиқлаштиради.

Шунингдек, 2021 йил 1 январгача меҳнат органлари томонидан аҳолига кўрсатилаётган хизматлар сифатини мониторинг қилиш мақсадида вазирлик марказий аппарати ҳузурида аҳоли бандлигига кўмаклашиш марказлари фаолиятини видеокузатув камералари ва “abkm.mehnat.uz” тизими орқали доимий назорат қилиш имконини берувчи Ситуацион тезкор марказни ташкил этиш режалаштирилган.

“Бандлик ва меҳнат муносабатлари вазирлигининг қуйидаги таклифлари маъқуллансин:

а) жамоат ишларида, шунингдек бандликни таъминлаш бўйича субсидия ажратилишида шаффофликни таъминлаш, суистеъмолликларни олдини олиш мақсадида жамоат ишларида иштирок этаётган ва субсидия олаёнган фуқароларнинг биометрик авторизация ва GPS-треккинг тизимларини жорий этиш;  

б) меҳнат органларига мурожаат этаётган, айниқса, ишсиз ёшлар
ва хотин-қизлар, қайтиб келаётган меҳнат мигрантларини меҳнат бозорига мослаштириш (реинтеграция қилиш), жумладан улар билан якка тартибда суҳбатлар ўтказиш асосида ижтимоий, психологик ва бошқа синаб кўриш усулларидан фойдаланган ҳолда ҳар бир шахснинг соғлигини, касбий қизиқишини, қобилиятини, шахсий хусусиятларини ўрганиб, касб-ҳунарга мойиллигини аниқлаш, иш берувчи билан суҳбатга тайёрлаш, меҳнат жамоасида ишлаш кўникмаларига ўргатиш, меҳнат фаоллигини оширишга рағбатлантириш мақсадида аутсорсинг шартларида психолог мутахассисларни жалб этиш;

психолог мутахассислар меҳнатига ҳақ тўлашни Бандликка кўмаклашиш давлат жамғармаси маблағлари ҳисобидан амалга ошириш”, - дейилган лойиҳада.

Қарор лойиҳасига Ўзбекистон Республикаси Бандлик ва меҳнат муносабатлари вазирлигининг “Ишга марҳамат” мономарказлари тўғрисида низом илова қилинган.

100

Минскдаги кўчалардан бири ўзбекистонлик СССР қаҳрамони шарафига номланди

299
Андижонда туғилган Ғулом Якубов шарафига Минскнинг Ленин туманида жойлашган кўчалардан бири номланди. У Беларусдаги жангларда қаҳрамонлик кўрсатган.

ТОШКЕНТ, 29 сен — Sputnik. Улуғ Ватан уруши иштирокчиси ва Совет Иттифоқи қаҳрамони Ғулом Якубов шарафига Минскнинг Ленин туманида жойлашган кўчалардан бири номланди. Бу ҳақда ушбу ташаббусни илгари сурган Ўзбек ҳарбий тарихий жамияти маълум қилди.

Ғулом Якубов 1915 йили 15 майда Ўзбекистонда Мирзаобод қишлоғида дунёга келган. Олтинчи синфни битирган. Совет-фин (1939-140 йиллар) ҳамда Улуғ Ватан уруши қатнашчиси.

1942 йилда фронтга келган, 1944 ёзига келиб автоматчилар ротасига қўмондонлик қилган.

“1944 йили 23 июнь куни Беларусь ҳужум амалиёти бошланди. Могилевшинада Лудчица қишлоғи яқинидаги 150,9 м баландлиги муҳим аҳамиятга эга эди. 1944 йил 24 июнга ўтар кечаси автоматчилар ротаси капитани Якубов учта душман ҳандақларидан кечиб, баландликни эгаллади”, - дейилган хабарда.

Герой Советского Союза Гулям Якубов

Немис душманлари жангчиларни қуршаб олган. Капитан Якубов унинг ўртоқлари пистирмага тушиб қолганини кўриб, мудофаани ташкиллаштириб раҳбарлик қилган. Жанг қарийб 20 соат давом этган, кучлар тенг бўлмаган, аммо совет аскарлари душманнинг барча 40 та ҳужумини қайтаришга муваффақ бўлган.

Бироқ Якубовнинг ўзи жангда ҳалок бўлган.

1945 йил 24 мартда капитан Ғулом Якубовга вафотидан кейин Совет Иттифоқи Қаҳрамони унвони берилган.

Шунингдек, у Ленин, Қизил Байроқ, Ватан уруши (иккинчи даражали), Қизил Юлдуз орданлари ва медаллари билан тақдирланган.

Якубовнинг бюсти Асака ва Андижонда ўрнатилган, унинг шарафига Асака, Биховдаги кўчалар ҳамда Асакадаги 24-мактаб номланган.

299

Британия ва Канада Лукашенкога қарши санкция киритди

128
Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

128