Девушка принимает ванну

Кимларга иссиқ душ қабул қилиш мумкин эмас? - шифокор тавсияси

1260
(Янгиланган 18:42 20.02.2020)
Шифокор-терапевт Виктор Лишин кимларга иссиқ душ қабул қилиш мумкин эмаслиги ҳақида ўз фикрларини айтди.

ТОШКЕНТ, 20 фев – Sputnik. Яуза клиникаси шифокор-терапевти Виктор Лишин қайси касалликларда иссиқ душ ёки ванна қабул қилиш керак эмаслиги ҳақида гапирди.

Дастлабки босқичда юрак-қон томир касалликларига чалинган одамлар бундай сув муолажалари вақтини 20 дақиқага чеклашлари керак. Ўртача ва оғир шаклдаги беморлар эса иссиқ душдан бутунлай воз кечиш керак.

Иссиқ душ қабул қилишга имкон бермайдиган яна бир касаллик – бу диабет.

Бундан ташқари, шифокор тери (дерматит, псориаз, тошмалар ва чандиқлар) касалликлари бўлган одамлар иссиқ сув муолажаларидан воз кечишга чақирди. Лишин ошқозон-ичак тизими касалликлари, биринчи навбатда, ошқозон яраси ёки гастрит, қайноқ сув мутлақо мумкин эмаслиги ҳақида огоҳлантирди.

"Ванна қабул қилаётганда, иссиқ сув қонни ички органларга фаолроқ боришга ундайди ва бу касалликларнинг кучайишига олиб келади", - деб тушунтирди мутахассис.

Варикоз ва тромбоз бўлганда, шунингдек, шамоллашнинг ўткир босқичида иссиқ душдан воз кечиш керак, - деб қўшимча қилди шикофор.

Лишин сўзларига кўра, сув процедуралари учун энг яхши ҳарорат 28-30 даража бўлиши керак.

1260
Паспорт и бланк в руках избирателя во время выборов президента Узбекистана

Президент сайловини октябрда ўтказиш учун Конституцияни ўзгартириш керак

26
(Янгиланган 17:33 25.01.2021)
Олий Мажлис депутатлари декабрда бўлиб ўтиши белгиланган президент сайловини октябрда ўтказиш масаласини муҳокама қилишди.

ТОШКЕНТ, 25 янв - Sputnik. Ўзбекистон Олий Мажлиси Қонунчилик палатасида жорий йилда бўлиб ўтиши режалаштирилган президент сайловлари санасини ўзгартириш масаласи муҳокама қилинди. Бу ҳақида "Юксалиш" партияси матбуот хизмати хабар қилмоқда.  

"Ўзбекистонда Президент сайловлари октябрь ойи учинчи ўн кунлигининг биринчи якшанбасида ўтказилиши мумкин. Ушбу масала Қуйи палатадаги сиёсий партиялар фракциялари йиғилишида муҳокама қилинди", - дейт

Сайлов санасини ўзгартириш борасида ҳеч қандай хулосага келинмаган ва Олий Мажлиснинг навбатдаги сессиясида муҳокама қилиш учун қолдирилган. 

Эслатиб ўтамиз, Ўзбекистон Республикаси Конституциясининг 117-моддасига мувофиқ "Президент сайлови <...> конституциявий ваколат муддати тугайдиган йилда — декабрь ойи учинчи ўн кунлигининг биринчи якшанбасида ўтказилади".

26
В Джизаке сносят дом, часть которого обрушилась

Жиззахда қулаган бинонинг қолган қисми ҳам бузиб ташланмоқда

23
(Янгиланган 17:26 25.01.2021)
Бинонинг қолган қисми ҳам талабга жавоб бермаслиги ва одамлар соғлиғига хавф туғдириши мумкинлиги инобатга олиниб, тадбиркорнинг ўз ҳисобидан бузиб ташланмоқда.

ТОШКЕНТ, 25 янв — Sputnik. Жиззах шаҳрида январь бошида қулаган 6 қаватли бинонинг қолган қисми бузиб ташланмоқда. Бу ҳақда Қурилиш вазирлиги матбуот хизмати хабар қилмоқда.

“Жиззахда қулаган 6 қаватли бинонинг қолган қисми ҳам талабга жавоб бермаслиги ҳамда яқин орада қулаб, одамлар соғлиғига хавф туғдириши мумкинлиги инобатга олиниб, тадбиркорнинг ўз ҳисобидан бузиб ташланмоқда”, - дейилган вазирлик хабарида.

Бино 10 январ куни қулаб тушган эди. Вазирлар Маҳкамасининг тегишли фармойиши билан бош вазирнинг биринчи ўринбосари Очилбой Раматов раҳбарлигида ҳукумат комиссияси тузилган.

Комиссия зиммасига 6 қаватли уйнинг қулаб тушиш сабаблари, бунга омил бўлган ҳолатлар, лойиҳа ҳамда пудратчи ташкилот томонидан уйнинг барпо этилиши даврида шаҳарсозлик норма ва қоидаларига риоя этилгани, шунингдек, бундай ҳолатларнинг олдини олиш бўйича амалдаги норматив-меъёрий ҳуқуқий ҳужжатларни ўрганиб чиқиб, таклиф киритиш вазифаси юклатилган.

Бош прокуратура Жиззах вилояти қурилиш соҳасида ҳудудий назорат инспекцияси мансабдор шахсларига нисбатан Жиноят кодексининг 207-моддаси (Мансабга совуққонлик билан қараш) билан жиноят иши очилганини маълум қилди. 

23
Теглар:
Жиззахда янги қурилаётган кўп қаватли уйнинг қулаши, Жиззах

Россия ҳарбийлари “душман” ҳаво ҳужумини қайтарди - видео

0
Болтиқ флотининг "Ярослав Мудрий" патрул кемасининг экипажи рақиб ҳаво ҳужумини қайтариш бўйича машқ ўтказди.

"Душман" ролини Су-24 бомбардимончилари ва Ка-27 денгиз ости кемаларига қарши вертолётлар ижро этди.

"Кортик" жанговар ракета-артиллерия комплекси ёрдамида ўқув ҳужуми муваффақиятли ўтди.

0