Ўзбекистон таълим тизимидаги коррупция: сабаблари ва курашиш чоралари – Исмоилов
Прокуратура вакили маълум бир хизматлар учун миннатдорчилик билдиришга одатланган одамларнинг урф-одатлари ва менталитетини республикадаги таълим тизимидаги коррупция гуллаб-яшнашига олиб келадиган асосий ва энг мураккаб муаммо деб атади.
"Бу салбий анъана анчадан бери мавжуд. Одамлар ҳар хил ҳадьялар, турли хил совғалар беришга одатланиб қолишган ва буни жиноий ҳаракат деб ҳисобламайдилар. Бундай жиноятларни яширинча бўлганлиги учун аниқлаш осон эмас, чунки иккала томон ҳам кўпинча "келишув"дан манфаатдордирлар - пора берган ҳам, оладиган ҳам. Шу муносабат билан, аҳоли билан тарғибот ишларини ўтказиб, уларга пора бериш - қонун билан жазоланадиган жиноят эканлигини аниқ тушунтириш керак", - дея таъкидлади Исмоилов.
Исмоилов таълим муассасаларида порахўрликнинг яна бир сабаби - бошқарув механизмларининг самарасизлиги, шунингдек муҳим инсон омили деб таъкидлади.
"Олий ўқув юртларига қабул қилишнинг электрон тизими, синов ва сертификатлаштиришни юқори технологиялардан фойдаланган ҳолда ўтказилиши коррупция хавфини камайтиради", - дея қўшимча қилди прокуратура вакили.
Унинг сўзларига кўра, жамиятдаги барча даражаларда коррупцияга қарши курашни тарғиб қилиш, талабалар ва ўқитувчиларга, агар ушбу ноқонуний ҳаракатларга ҳисса қўшса, уларнинг ҳар бири тўғридан-тўғри жавобгарлигини тушунтириш керак.
Бундан ташқари, Ўзбекистон имиджини ўзгартириш, халқаро рейтинглардаги, шу жумладан коррупцияни тасаввур қилиш рейтингида позицияларни ошириш муҳимдир, деб қўшимча қилди Исмоилов.
Вазиятни қанча вақт мобайнида тубдан ўзгартиришга эришиш мумкинлиги ҳақида гапирганда, Исмоилов постсовет ҳудудида ижобий мисоллар мавжудлигини таъкидлади, аммо ҳар бир алоҳида ҳолатда ёндашув бошқача бўлиши мумкин. Унинг сўзларига кўра, Грузия ва Эстония 5-10 йил ичида таълим тизимидаги тартибни тиклаш ва дунё миқёсидаги таълим сифат стандартларини жорий қилишга муваффақ бўлишди.
Sputnik Ўзбекистон подкастида мутахассиснинг батафсил изоҳини тингланг.
Коррупция в системе образования Узбекистана: причины и меры борьбы - Исмаилов
Япония Ўзбекистонга 2та кредит ажратади
ТОШКЕНТ, 8 мар — Sputnik. “Япония халқаро ҳамкорлик агентлиги иштирокида “Ўзбекистонда шаффоф ва кенг бозор иқтисодиётига ўтишни ривожлантириш сиёсатини қўллаб-қувватлаш” лойиҳасини амалга ошириш
чора-тадбирлари тўғрисида”ги ҳукумат қарори лойиҳаси тайёрланди.
Лойиҳа доирасида ЯХҲА томонидан ажратиладиган қарз маблағлари Ўзбекистон Республикаси республика бюджети харажатларини молиялаштириш учун йўналтирилиши режалаштирилган.
Лойиҳа доирасида ўтказилган қарз музокаралари бўйича эришилган натижалар: музокоралар давомида ЯХҲА ушбу қарз маблағлари иккита траншда ажратилишини маълум қилди:
- Коронавирус пандемиясининг салбий таъсирига қарши курашиш учун тезкор ёрдам сифатида 15,0 миллиард япон йенаси миқдоридаги маблағ 15 йил муддатга 4 йиллик имтиёзли давр билан ажратиш учун Жахон банки ЯХҲА билан биргаликда ислоҳотлар матрицаси ишлаб чиқилиб, Ўзбекистон Республикасида амалга оширилди;
- Ривожлантириш сиёсатини қўллаб-қувватлаш учун 195,0 миллион АҚШ доллар миқдоридаги маблағ 25 йил муддатга 7 йиллик имтиёзли давр билан ажратилиш мақсадида ЯХҲА томонидан энергетика соҳасида ислоҳотлар матрицаси ишлаб чиқилган бўлиб, Энергетика вазирлиги томонидан ҳамда “Иссиқлик электр станциялари” АЖ томонидан бажарилиши кутилмоқда.
Теглар:
Шайх Абдулазиз Мансурнинг ўғли вафот этди
ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.
Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.