Акция GM Uzbekistan Автосалон под открытым небом

GMдан машина олмайман: ўзбекистонликлар нарх ошишига қарши флешмоб уюштиришди

1253
Янги #GM_Uzbekistondan_moshina_olmayman хештеги ижтимоий тармоқларда тобора оммалашмоқда. Одамлар шу тариқа ўз норозиликларини намойиш этишмоқда.

ТОШКЕНТ, 11 мар - Sputnik. Ўзбекистонликлар UzAuto Motors компаниясининг автомобиль нархиларини оширганига қарши флешмоб уюштиришди.

Янги #GM_Uzbekistondan_moshina_olmayman хештеги ижтимоий тармоқларда тобора оммалашмоқда. Одамлар шу тариқа ўз норозиликларини намойиш этишмоқда.

Кўпчилик UzAuto Motors (аввалги General Motors Uzbekistan) компанияси умуман ёпилиб кетса, қарши эмаслигини ёзмоқда.

Посмотреть эту публикацию в Instagram

#challenge #gm_uzbekistondan_moshina_olmayman

Публикация от streetracer (@nfd_team_murodil)

“Одамлар машина олиш учун йиллаб пул йиғади. Лекин ҳар доим унинг нархи оширилиши туфайли уни сотиб ололмайди. Ушбу ижтимоий норозилик билан биз бундай нарх оширилишига қарши эканимизни исботламоқчимиз”, - дея ёзади куюниб оддий фуқаролардан бири.

Эслатиб ўтамиз, куни кеча UzAuto Motors компанияси 9 мартдан автомобиллар учун янги нархларни эълон қилган эди. Унга кўра, автомобиллар нархи турига қараб 3 фоиздан 21 фоизгача ошган.

1253

Пандемия шароитида Янги йилни қандай нишонламоқчисиз?

0
0
Картофель

Картошкани қандай тўғри истеъмол қилиш керак шифокор тавсияси

430
Юқори малака тоифадаги эндокринолог Елена Губкина картошкани пишириш ва истеъмол қилиш усуллари юзасидан фикрларини билдирди.

ТОШКЕНТ, 2 дек — Sputnik. Юқори малака тоифадаги эндокринолог Елена Губкина картошкани пишириш ва истеъмол қилиш усуллари юзасидан фикрларини билдирди. РИА Новости хабарига асосан.

Унинг сўзларига кўра, картошкани пўчоғи билан истеъмол қилмаслик керак, чунки унда тупроқ ва ҳаводан зарарли моддалар тўпланади.

"Шунингдек, картошкани жуда юқори ҳароратда пиширмаслик керак", - дейди мутахассис.

Бунда қовурилганидан сўнг сабзавот ёғ ва токсинлар билан тўйинади, тозаланган картошкани қайнатиш ёки буғда пишириш яхшироқ, чунки бу ҳолда сабзавот максимал миқдорда озуқа моддалари - калий, натрий, Б6 витаминини беради.

Шифокор соғлиққа зарар бўлмаслиги учун 200-300 грамм картошкани ҳафтасига 2 марта истеъмол қилишни тавсия қилди.

430
Национальная валюта Узбекистана — сум

Пенсия таъминотига доир қонун лойиҳаси тайёрланди

499
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

499