Коронавирусдан нима ҳимоя қилиши мумкин? шифокорлар тавсияси

1958
(Янгиланган 15:13 20.03.2020)
Россиялик шифокорлар коронавирусдан ҳимояланиш, иммунитетни мустаҳкамлаш юзасидан ўз тавсияларини беришди.

ТОШКЕНТ, 20 мар — Sputnik. Гриппга қарши эмланган одамларда коронавирусни юқтириш хавфи камроқ, чунки вакцинация иммун ҳимояни яхшилайди. Бу ҳақда РИА Новости'га шифокорлар маълум қилишди.

Уларнинг сўзларига кўра, ҳозир иммунитетни мустаҳкамлаш ва касал бўлмаслик учун тўғри овқатланиш, лактобактрияларни қабул қилиш ва бурунни зайтун мойини суртиш керак.

“Айниқса шамоллаш ва яллиғланиш касалликларидан ҳаёт давомида азият чекадиганларга эмланиши керак. Гриппга қарши эмлаш нафақат грипп вирусларидан ҳимоя қилишга ёрдам беради, балки ҳар қандай бошқа инфекциялар, шу жумладан коронавирусдан ҳам ҳимоя қилади, чунки одамнинг табиий иммунитети яхшиланади”, - дейди Россияда хизмат кўрсатган доктор, тиббиёт фанлари доктори, профессор Александр Карабиненко.

У яхши иммунитети яхши бўлган одамлар ташвишланмаса ҳам бўлади, улар коронавирус инфекцияси билан касалланиш хавфи паст даражада.

Иммунитетни мустаҳкамлаш учун тўғри овқатланиш керак, фаст-фуддан воз кечиш керак, аммо чиниқиш ҳозир керак эмас, буни ёзда қилиш керак эди.

Ўз навбатида шифокор-терапевт Людмила Лапа, иммунитетни мустаҳкамлаш учун лактобактериялар ёки ферментларни қабул қилиш кераклигини таъкидлади. Уларни ҳамма дорихоналарда сотиб олиш мумкин.

Бундан ташқари, оксолин малҳами ёки оддий зайтун мойи ёрдамида ўзи коронавирусдан ҳимоя қилишингиз мумкин, агар бурунга суртилса, вируслар ва бактерияларнинг инсон танасига киришига йўл қўймайди, дея қўшимча қилди Лапа.

Экспертлар коронавирус туфайли ваҳима қилиш керак эмаслигини алоҳида таъкидлашди.

Таъсирчан одамлар ўз иммунитетларини текширишлари мумкин.

"Иммунологда иммунитет паспортлари бор, марҳамат, агар улар иммунитет йўқ деган хулоса берса, унда одам ўзини изоляция қилиши зарур", - дея тушунтирди Карабиненко.

1958
Единая карта оплаты

Биринчи февралдан қоғоз кўринишидаги ойлик йўл чипталари сотувга чиқарилмайди

8
Шунингдек, 2021 йил 1 февралдан бошлаб имтиёзли электрон ойлик йўл чипталари учун белгиланган кунлик тарифлар ишга туширилади.

ТОШКЕНТ, 25 янв — Sputnik. 2021 йил 1 февралдан бошлаб барча турдаги (талаба, ўқувчи, нафақа ҳамда аҳоли учун) мўлжалланган қоғоз кўринишидаги ойлик йўл чипталари  сотувга чиқарилмайди. Бу ҳақда “Тошшаҳартрансхизмат” матбуот хизмати хабар қилди.

Шунингдек, 2021 йил 1 февралдан бошлаб имтиёзли электрон ойлик йўл чипталари учун белгиланган кунлик тарифлар ишга туширилади.

Шу билан бирга, электрон ойлик йўл чипталарини биринчи бор харид қилаётган йўловчиларнинг транспорт карталарида 30 кунлик тариф автоматик тарзда ёқилади.

Таъкидланишича, сотиб олинган электрон ойлик йўл чипталаридаги тарифлар биринчи тўловни амалга оширган кундан бошлаб, тарифда белгиланган кунга қадар амал қилинади.

Барча турдаги транспорт карталари 3 йил муддат фойдаланиш учун тақдим этилади.

"Ҳар ой янги электрон ойлик йўл чипталари ҳарид қилиш лозим бўлмайди. Фақатгина ўзингизга қулай тарифларни юклаб олиш кифоя бўлади", - дейилган хабарда.

8
Паспорт и бланк в руках избирателя во время выборов президента Узбекистана

Президент сайловини октябрда ўтказиш учун Конституцияни ўзгартириш керак

74
(Янгиланган 17:33 25.01.2021)
Олий Мажлис депутатлари декабрда бўлиб ўтиши белгиланган президент сайловини октябрда ўтказиш масаласини муҳокама қилишди.

ТОШКЕНТ, 25 янв - Sputnik. Ўзбекистон Олий Мажлиси Қонунчилик палатасида жорий йилда бўлиб ўтиши режалаштирилган президент сайловлари санасини ўзгартириш масаласи муҳокама қилинди. Бу ҳақида "Юксалиш" партияси матбуот хизмати хабар қилмоқда.  

"Ўзбекистонда Президент сайловлари октябрь ойи учинчи ўн кунлигининг биринчи якшанбасида ўтказилиши мумкин. Ушбу масала Қуйи палатадаги сиёсий партиялар фракциялари йиғилишида муҳокама қилинди", - дейт

Сайлов санасини ўзгартириш борасида ҳеч қандай хулосага келинмаган ва Олий Мажлиснинг навбатдаги сессиясида муҳокама қилиш учун қолдирилган. 

Эслатиб ўтамиз, Ўзбекистон Республикаси Конституциясининг 117-моддасига мувофиқ "Президент сайлови <...> конституциявий ваколат муддати тугайдиган йилда — декабрь ойи учинчи ўн кунлигининг биринчи якшанбасида ўтказилади".

74
Государственные флаги стран ЕАЭС

Ўзбекистон илк бор ЕОИИ ҳукуматлараро кенгаши йиғилишида иштирок этади

7
Ўзбекистон ва Куба илк бор Евроосиё иқтисодий иттифоқи ҳукуматлараро кенгашининг мажлисида иштирок этади.

ТОШКЕНТ, 25 янв — Sputnik. Евроосиё иқтисодий иттифоқи (ЕОИИ) ҳукуматлараро кенгашининг навбатдаги йиғилиши 2021 йил 5 февралда Олмаотада бўлиб ўтади, деб хабар қилди Sputnik Қозоғистон мамлакат ташқи ишлар вазирлигига асосан.

Йиғилишда Арманистон, Беларусь, Қозоғистон, Қирғизистон, Россия ҳукумат раҳбарлари ва Евроосиё иқтисодий комиссияси Ҳайъати раиси иштирок этади.

Бундан ташқари, тадбирда ЕОИИда кузатувчи-давлатлар - Молдова, Ўзбекистон ва Куба иштирок этиши кутилмоқда.

Йиғилишлар тор ва кенгайтирилган таркибда бўлиб ўтади. Савдо-иқтисодий ҳамкорликни кенгайтириш, ички бозор фаолиятидаги тўсиқларни бартараф этиш, шунингдек иқтисодиётнинг айрим тармоқларида интеграцион салоҳиятни ривожлантириш масалалари муҳокама қилинади.

Эслатиб ўтамиз, бугун Олий Мажлис Қонунчилик палатасининг Ўзбекистоннинг ЕОИИ билан ҳамкорлигини йўлга қўйиш масаласини ўрганишни ташкил этиш бўйича ишчи гуруҳининг йиғилиши бўлиб ўтди.

Дастлаб йиғилишда Ўзбекистон Республикаси президенти Шавкат Мирзиёев томонидан 2020 йил 29 декабрь куни Олий Мажлисга йўлланган Мурожаатномадан келиб чиқиб, 2021 йилда ЕОИИ билан ҳамкорликни йўлга қўйиш масаласини ўрганишни ташкил этиш, Ўзбекистоннинг ЕОИИга кузатувчи мақомида ушбу миинтақавий тузилманинг кенг имкониятларидан ҳар томонлама фойдаланиш йўлларини қидириш Қонунчилик палатасида тузилган мазкур ишчи гуруҳнинг асосий вазифаларидан бири эканлиги таъкидланди.

Йиғилиш иштирокчилари Ўзбекистон ЕОИИда кузатувчи мақомини олганлиги ҳамда ушбу ташкилотга аъзо бўлган давлатлар бозорларида тўлақонли иштирок этиши учун ҳамкорликнинг ҳуқуқий тартибга солиш механизмларини чуқур ўрганиш, миллий техник тартибга солиш меъёрларини ЕОИИ талабларига мослаштириш бўйича ишларни жадаллаштириш зарурлигини таъкидлашди. ЕОИИ билан Ўзбекистон ўртасида ҳамкорлик ишларини самарали ташкил этиш мақсадида 2021 йилга мўлжалланган “Йўл харитаси” лойиҳаси атрофлича муҳокама қилиниб, тасдиқланди.

7
Мавзу:
Ўзбекистон ва ЕОИИ – интеграция истиқболлари
Мавзу бўйича
Оверчук: ЕОИИ Ўзбекистоннинг иттифоққа қўшилишига умид қилмоқда
2025 йилда ЕОИИ интеграциясининг биринчи босқичи якунланади – Путин
ЕОИИ ичида транспорт қатнови қачон тўлақонли тикланади - Малкина изоҳи
ЕОИИ-Ўзбекистон ҳамкорлик “Йўл харитаси” тасдиқланди
Ўзбекистон ЕОИИга қўшилса, Тожикистонда танлов қолмайди – Мигранян