Бананы и фрукты

Кайфиятни яхшилайдиган озиқ-овқат маҳсулотлари невролог тавсияси

1067
Москва минтақавий илмий-тадқиқот клиник институтининг неврология кафедраси профессори Ринат Богданов кайфиятни кўтарадиган маҳсулотларни айтди.

ТОШКЕНТ, 23 мар — Sputnik. Москва вилояти Соғлиқни сақлаш вазирлигининг неврологи, М.Ф. Владимирский номидаги Москва минтақавий илмий-тадқиқот клиник институтининг неврология кафедраси профессори Ринат Богданов РИА Новости’га берган интервюсида кайфиятни яхшилайдиган маҳсулотларни айтди.

“Кайфиятга таъсир қилувчи маҳсулотлар – бу серотонин моддали маҳсулотлар. Серотонин ижобий ҳис-туйғулар учун жавобгар эканлигини биласиз. Ушбу маҳсулотлар орасида - банан, пишлоқ, шоколад, сут маҳсулотлари, курка ва қуён гўшти қайд этилган, чунки уларнинг таркибида кейинчалик серотонинни синтез қиладиган триптофан моддаси мавжуд. Шунингдек, женьшень ва лимон ўтлари адаптогенлар ҳам муҳим.  

Умуман олганда, овқатланиш спектри озуқа моддалари, минерал ва витаминлар миқдори жиҳатидан етарли бўлиши керак. Мева-сабзавотлар кўпроқ бўлиши, тез углеводлар - шакар, шакар ўз ичига олган овқатлар эса камроқ бўлиши керак. Етарли миқдорда оқсилли маҳсулотлар, ёғларни чиқариб ташлаш лозим, уларни ўсимлик мойлари билан алмаштириш маъқул, масалан зайтун, зиғир ёғи, алоҳида ҳолларда, кунгабоқар”, - деди Богданов.

Мутахассиснинг сўзларига кўра, асаб тизимининг нормал фаолияти учун омега-3 ёғ кислоталарига бой бўлган маҳсулотлар : ёғли денгиз балиқ, ўсимлик ёғлари, ёнғоқлар фойдали ҳисобланади.

Бундан ташқари, В гуруҳи витаминлари кўп бўлган - жигар, турли ёрмалар, гречкани қўшиш мумкин.

Безовталаниш даражасини оширадиган турли хил стимуляторлар, масалан, қаҳва ёки жуда кучли чойларни кўп истеъмол қилиш тавсия этилмади. Таркибида ялпиз, лимон ўтини ичида бўлган ўсимлик чойларига ўтиш тавсия этилади.

“Оқсилли овқатлаш борасида ёғли бўлмаган гўшт – қуён, курка, товуқнинг кўкрак қисми тавсия этилади. Турли ярим витаминлар қўшиш мумкин. Безовталанишга қарши бўлган ўсимлик кўриб чиқадиган бўлсак – бу қизилпойча ўсимлиги тавсия қилинади”, - деб қўшимча қилди мутахассис.

1067
Стакан с водой

Кунига 2 литр сув ичаётганлар қўшимча туз ҳам ейиши керак - шифокор

13
(Янгиланган 12:46 25.05.2020)
Биз сувни қанча кўп ичсак, шунча кўп минераллар танадан ювилиб чиқади. Яъни натрий, калий, магний ва кальций ҳужайра ва суяклардан тортиб олинади.

Салла деса, калла олиб келади баъзи одамлар. Тахминан худди шу ҳолат сув истеъмоли билан ҳам содир бўлади. Кўпчилик, сувнинг мўъжизавий кучига ишонган ҳолда ўзларини зўрлаб, кунига 8 стакандан  сув ичмоқда. Биз аниқ фаннинг бу ҳақида нима деб ўйлашини аниқладик.

Эҳтимол, икки литр қоидаси 1945 йилда Америка Озиқлантириш бўйича Комиссияси томонидан эълон қилинган тавсиялардан келиб чиққан. Унда айтилишича, катталарга кунига ўртача икки ярим литр сув керак бўлади. Бироқ, том маънода кейинги жумлада ушбу суюқликнинг катта қисми озиқ-овқат ва бошқа ичимликлар таркибида эканлиги аниқланди, аммо бу изоҳга эътибор берилмади.

Худди шу каби ҳолат деярли 30 йилдан кейин машҳур "Яхши соғлиқ учун овқатланиш" китобида қайтарилди. Унда ҳам диетологлар кунига олти-саккиз стакан сув ичишни тавсия қилишган, аммо бу миқдор нафақат оддий сувни, балки мева, сабзавот, газли ичимликлар, қаҳва ва ҳатто пивони ҳам ўз ичига олган. Аммо яна, жамоатчилик онгида фақат "саккиз стакан" ҳақидаги маслаҳат қолди.

Натижада, сув танқислиги бўлган мамлакатлардан ташқари, бутун сайёрадаги одамлар кўпинча меъёридан ортиқ ичишади ва бу мутлақо зарарсиз эмас. Ортиқча сувнинг танага зарари аста-секин ва сезилмайдиган тарзда пайдо бўлади, аммо вақт ўтиши билан муаммолар остеопороздан, ич қотиши ва бош оғриғи билан бошланади, яъни ҳаммаси аксинча тус олади. Бошқача қилиб айтадиган бўлсак, сувдан заҳарланиш ёки сувдан интоксикация тананинг суюқлик билан тўлиб кетиши натижасида рўй беради, деди терапевт Никита Харлов Sputnik радиосига берган интервьюсида.

"Биз қанча кўп сув ичсак, сув бизни шунча қуритади, янада кўпроқ минераллар танадан ювилиб чиқади, ва натрий, калий, магний ва кальцийни тўлдириш учун тана ушбу минералларни ҳужайралар ва суяклар ўз вазифаларидан маҳрум қилиб тортиб олади. Дарвоқе, бу ҳолат сувни жуда тез ичсак ҳам содир бўлади. Энг оддий мисол – таркибида жуда оз миқдорда тузлар бўлган сувни ичувчи марафончилар.  Таркибида етарли миқдорда минераллар бўлмаганлиги туфайли юрак нормал қисқармаганлигидан тўҳташи ҳавфи бор".

Доктор Харловнинг фикрига кўра, энг юқори даражада шўрланган минерал сув ичиш яхшидир. Аммо турли ҳил минералларни олиш учун сувни вақти-вақти билан ўзгартириш керак. Шунингдек зарар етказиб қўймаслик учун ошқозон-ичак трактининг ҳолатини, ошқозон ва бошқа органларнинг кислоталилигини ҳам ҳисобга олиш керак. Агар сиз фақат оддий сув ичсангиз, унда қўшимча чой қошиқнинг тўрттан бири миқдорида ош тузини истеъмол қилиш яхшироқдир.

Никита Харловнинг сўзларига кўра, ушбу ҳикоянинг энг ёқимсиз томони шундаки, биз танамиз билан бўлган алоқани ҳалокатли равишда йўқотмоқдамиз ва тана сигналларига қулоқ солмаяпмиз. Бу сигналлар эса ҳар доим биз ўйлаганимиздан ҳам ишончлироқдир. Шунинг учун чанқоқлик сув ичиш вақти келганлигининг энг муҳим сигналидир. Чанқаш минглаб йиллар давомида инсон эволюцияси учун жуда яхши ишлади ва ҳеч қачон муваффақиятсиз бўлмаган. Агар чанқаган бўлсангиз – сув ичинг.

Муаллиф Ольга Гаврилова, Sputnik Радиоси

13
Вид на поселок Солнце находящийся недалеко от Паркента

Паркент туманига кириш ва чиқиш чекланди

48
Паркент туманида карантин чоралари кучайтирилиб, шаҳарга кириш чиқиш ва шаҳар ичида ҳаракатланиш чекланди.

ТОШКЕНТ, 25 май - Sputnik. Тошкент вилоятининг Паркент туманига кириш ва чиқиш, туман ичида ҳаркатланиш чекланди, деб хабар қилмоқда вилоят ҳокимлиги матбуот хизмати. 

"Коронавирус инфекцияси тарқалишига қарши чора сифатида, Паркент туманига кириш ва чиқиш чекланди. Бугунги кунгача туман ҳудудини хавфли инфекциядан батамом тозалашда туман ҳокимлиги, СЭОМ, ИИБ, ҳарбийлар ва бошқа мутасадди ташкилотлар томонидан муҳим ишлар амалга оширилмоқда", - дейилган хабарда. 

Шунингдек, Паркент туман марказига олиб кирадиган кўчаларда ортиқча автомобиль ҳаракатини чеклаш ва аҳолини мақсадсиз кўчага чиқишини олди олинмоқда. Ушбу ишларни ташкил этишда туманда бўлиб турган ҳарбийлар ёрдам бермоқда.

"Бугун Паркент тумани ҳокими Ниғмат Муҳамедов томонидан блок-постларда хизмат ўтаётган ҳарбийлар рағбатлантирилди", - дейилган хабарда.

Эслатиб ўтамиз, бироз олдин Самарқанд шаҳрида карантин чоралари кучайтирилиб шаҳарга кириш-чиқиш ва шаҳар ичида ҳаракатланиш чекланган эди. 

48