Ўзбекистон фуқароси чет элда коронавирусга чалинса ким даволайди?

826
(Янгиланган 17:23 24.03.2020)
Халқаро тартиб-қоидаларга биноан юқумли касалликлар, жумладан коронавирус инфекцияси аниқланган мамлакатда даволаниши керак. Беморни бошқа давлатга кўчириш мумкин эмас.

ТОШКЕНТ, 24 мар - Sputnik. Ўзбекистон фуқароси чет элда коронавирусга чалинса ўша давлатда даволаниши керак. Бу ҳақида Санитария-эпидимиологик осойишталик агентлиги директори Баҳром Алматов АОКАда бўлиб ўтган онлайн брифингда хабар қилди.

"Халқаро тиббий-санитария қонун-қоидаларига асосан, юқумли касаллик қайси давлатда қайд этилган бўлса, ўша давлатнинг соғлиқни сақлаш тизими хизмати томонидан даволаш йўлга қўйилган. Беморни бошқа давлатларга юбориш мумкин эмас.

Агарда чегарадан ўтиш жараёнида аниқланса, у ердаги санитария-карантин постларидаги тиббиёт ходимлари томонидан касалликда гумон қилинган беморлар, фуқаролиги ким бўлишидан қатъий назар, вақтинчалик «изолятор»ларга жойлаштирилади. Ва тиббиёт муассасасига телефон орқали мурожаат қилиб, белгиланган юқумли касалликлар шифохонасига госпитализация қилинади ва ўша ерда ўз вақтида ташхис қўйиш, даволаш тадбирлари давом эттирилади", -  деди Алматов. 

Эслатиб ўтамиз, коронавирус эпидемияси бошланганидан буён Ўзбекистон Ташқи ишлар вазирлиги фуқароларга ватанига қайтишга шошилмасликка, ўзлари вақтинча бўлиб турган мамлакатда эълон қилинган карантин қоидаларига амал қилишга ва эҳтиёж туғилганда маҳаллий шифохоналарга мурожаат қилишни маслаҳат берган эди. Шунингдек, Жанубий Кореяда коронавирус ташхиси қўйилган Ўзбекистон фуқаросига ҳам ушбу мамлакатда қолиб даволаниш қатъий тавсия қилинган эди. 

 

826
Футбол. ЧМ-2010. Матч Аргентина – Нигерия

Диего Марадонанинг ўлими: Месси, Ҳабиб, Тайсон ва бошқалар нима деди

159
(Янгиланган 10:04 26.11.2020)
Марадона билан хайирлашув маросими Буэнос-Айресдаги Каса Росада  президент саройида бўлиб ўтади. Унга бир миллиондан ортиқ киши келиши кутилмоқда.

ТОШКЕНТ, 26 ноя - Sputnik. Кеча, 25 ноябр куни, футбол тарихида энг ёрқин юлдузлардан бири - Диего Армандо Марадона 60 ёшида вафот этди. 

Шифокорлар унинг ўткир юрак етишмовчилигидан вафот этганини қайд этишди. Аргентинада 3 кунлик мотам эълон қилинди. Марадона билан хайирлашув маросими Буэнос-Айресдаги Каса Росада  президент саройида бўлиб ўтади. Унга бир миллиондан ортиқ киши келиши кутилмоқда. "Наполи" стадионига Марадона номи қўйилиши мумкин. 

Марадонанинг ўлимига кўп спорт юлудзлари, сиёсатчилар ва бошқа машҳур кишилар муносабат билдирди. 

Майк Тайсон: "Марадона - сен менинг қаҳрамоним ва дўстим эдинг. Бизни ўхшатишарди. Энди мен сени соғинаман"

Пеле: "Мен катта дўстимни йўқотдим, дунё эса - афсонани", "Бир кун келиб биз осмонларда бирга ўйнаймиз"

Месси: "У биз билан қолади, чунки у абадий"

Роналду: "Тарихда энг яхши футболчилардан бири. У ҳақиқий сеҳргар эди. Афсуски жуда эрта кетди"

Ҳабиб: "Энг буюклардан бири. Миллионлаб одамлар футболни ўшани учун севиб қолишган"

Станислав Черчесов: "Марадонанинг тенги йўқ ўйини абадий эсимизда  қолади. Футбол даҳоси"

Посмотреть эту публикацию в Instagram

Публикация от Leo Messi (@leomessi)

159
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

175
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

175
Собранный урожай помидоров

Россияга Фарғона вилоятидан помидор ва қалампир олиб кириш таъқиқланди

94
(Янгиланган 11:16 26.11.2020)
Ўзбекистондан олиб келинган маҳсулотларда ЕОИИ карантин объектлари рўйхатида бўлган - помидорлар жигарранг бурушиқлик вируси (ToBRFV))вируси аниқланган.

ТОШКЕНТ, 26 ноя - Sputnik. Россияга Ўзбекистоннинг Фарғона вилоятидан помидор ва қалампир олиб кириш таъқиқланди, чунки уларда юқумли вирус борлиги аниқланган. 

"Россиянинг Ветеринар ва фитосанитар назорат бўйича Федерал хизмати 2020 йилнинг 26 ноябридан бошлаб Россия ҳудудига Ўзбекистоннинг Фарғона вилоятидан помидор ва қалампирларни олиб киришни таъқиқлайди. Бундай чора Ўзбекистоннинг ушбу ҳудудидан олиб келинган помидор ва қалампирларда жигарранг бурушиқлик вируси (Tomato brown rugose fruit virus (ToBRFV))аниқланиши муносабати билан амалга оширилган", - дейилган расмий хабарда. 

Россельхознадзор ушбу зараркунанданинг Россия Федерацияси ҳудудида тарқалишини олдини олиш мақсадида Фарғона вилоятида етиштирилган помидор ва қалампирларни олиб киришга чеклов ўрнатди. 

Помидорлар жигарранг бурушиқлик вируси (Tomato brown rugose fruit virus (ToBRFV)) - ЕОИИ комиссияси томонидан тасдиқланган Карантин объектлар Ягона рўйхатига киритилган. Россельхознадзор 2020 йилнинг 27 июлидан бошлаб ушбу вирусларнинг маҳсулот уруғлари ва кўчатлари таркибида бўлишига ҳам таъқиқ киритган эди.

94