Ўзбекистон коронавирусни аниқлайдиган ўзининг тест тизимини ишлаб чиқди

556
Илғор технологиялар марказининг биотехнологлари ишлаб чиққан ушбу тест тизимининг афзаллиги унинг тезкорлигидадир.

ТОШКЕНТ, 25 мар — Sputnik. Ўзбек олимлари COVID-19 коронавирусини аниқлаш бўйича тест тизимини ишлаб чиқди. Бу ҳақда Инновацион ривожланиш вазирлиги хабар қилди.

Илғор технологиялар марказининг биотехнологлари ўз ишларини инновацион ривожланиш вазири Иброҳим Абдураҳмоновнинг топшириғига биноан бир ой олдин бошлашган эди.

“Тест системаси COVID-19 вируси геномининг уч участкасининг ПЦР усулидаги таҳлилга асосланган ва бу ўзбек олимлари томонидан ишлаб чиқилган тест системасининг хусусияти бўлиб, ҳозирги кунда хизматларимиздаги мавжуд бўлган тестлар фақат бир участка таҳлилига асосланган”, - дейилган хабарда.

Узбекские ученые разработали тест-системы для диагностики коронавируса

Таъкидланишича, тест ЖССТ ҳамда Касалликларни назорат қилиш ва олдини олиш маркази тавсиялари асосида ишлаб чиқилган.

“ЖССТ тавсияларига кўра, биринчи навбатда коронавирус тести асосий синов сифатида амалга оширилади ва кейин уни тасдиқлаш учун COVID-19 геномининг яна иккита қисмида тест ўтказилиши керак. Якуний босқич аниқланган штаммни тартиблашдан иборат, бу вируснинг мутация даражасини аниқлаш учун муҳимдир, чунки бошқа тез тарқаладиган вируслар туфайли COVID-19 вируси мутацияларга учрайди”, - дейди ишлаб чиқарувчилардан бири, биология фанлари доктори Алишер Абдуллаев

Кейинги босқичда тест тизимини рўйхатдан ўтказиш керак. Ундан кейин ишлаб чиқаришни йўлга қўйиш мумкин бўлади.

“Бизнинг марказимиз диагностика тест системаларини ишлаб чиқариш учун махсус участкасига эга. У ерда бизнинг стартапчиларимиздан бири —“Биотестлаб“ жамоаси ишлайди. Стартап ёш, лекин биз бундай ишлаб чиқаришда тажрибага эгамиз”, - дейди Илғор технологиялар маркази директори Шаҳло Турдиқулова.

Ушбу тест тизимлардан қандай фойдаланилади?

Касалликка ташхис қўйиш учун инсон димоғидан намуна олинади, негаки айнан унда катта қисмда вирус тўпланади.

Сўнгра вирус РНКси олинади, ДНК шаклига ўтказилади ва ПЦР таҳлили амалга оширилади — бутун жараён тахминан 5-6 соат вақтни олади.

Олимларнинг таъкидлашича, бу экспресс тест эмас, балки фақат махсус лабораторияларда фойдаланиш мумкин бўлган тўлақонли тест бўлади.

Эслатиб ўтамиз, Ўзбекистонда коронавирус инфекцияси аниқланганлар сони 55 нафарга етган.

556
Мавзу:
COVID-19 умумжаҳон пандемияси (868)
Специалисты министерства здравоохранения в аэропорту Ташкента

Москвадан яна 275 нафар фуқаро олиб келинди

39
Москвадан Тошкентга 275 нафар оғир аҳволда қолган фуқаролар олиб келинди. улар 14 кун давомида карантинда бўлади.

ТОШКЕНТ, 27 май - Sputnik. Кеча 26 май куни Москвадан Тошкентга Ўзбекистон Ҳаво йўллари самолётида 275 нафар фуқаролар олиб келинди, деб хабар қилди Транспорт вазирлиги ахборот хизмати. 

Ўзбекистонга қайтган барча фуқаролар белгиланган тартибда 14 кундан кам бўлмаган муддатга карантин марказига жойлаштирилади.

Тасдиқланган парвозлар жадвалига кўра, 27 Май куни "Тошкент - Санкт-Петербург - Тошкент", 28 май куни Тошкент - Истамбул - Тошкент" ва "Тошкент - Ростов-на Дону - Тошкент" ҳамда 29 май куни "Тошкент - Санкт-Петербург - Тошкент" ва "Тошкент - москва - Тошкент" йўналишларида парвозлар амалга оширилиши кутилмоқда. 

 

 



39
Посторонним въезд воспрещен: как Ташкент противостоит COVID-19

Ўзбекистонда аниқланган коронавирус ҳолати 3333 тага етди

54
Тун давомида яна 43 кишида коронавирус тасдиқланди. Янги ҳолатлар Навоий, Тошкент шаҳри ва вилояти ҳамда Наманганда аниқланган.

ТОШКЕНТ, 27 май — Sputnik. Ўзбекистонда қайд этилган коронавирус ҳолати 43 тага кўпайди.

“2020 йил 27 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 3333 (+43) нафарни ташкил этмоқда”, - дейилади Соғлиқни сақлаш вазирлиги хабарида.

Янги касалланиш ҳолатларининг 31 таси Навоий вилоятидан, 6 таси Тошкент вилоятидан, 4 таси Тошкент шаҳридан ҳамда 2 таси Наманган вилоятида аниқланган.

Уларнинг барчаси коронавирусга чалинганлар билан мулоқотда бўлгани учун гумонланиб, карантинга олинган фуқаролар орасида аниқланган.

Айни пайтда мамлакатда 2636 нафар коронавирусга чалинган фуқаролар бутунлай соғайган.

683 нафар бемор даволанмоқда. Улардан 4 нафарининг аҳволи оғир. Кеча ўн тўртинчи бемор вафот этган эди.

54
Добыча золота

ОКМКда 3 баравар кўпроқ олтин ишлаб чиқариш режалаштирилмоқда

32
(Янгиланган 10:40 27.05.2020)
Олмалиқ кон-металлургия комбинатида олтин ишлаб чиқариш ҳажми 3 бараварга оширилиб, унинг кўрсаткичи 50 тоннагача етказилади.

ТОШКЕНТ, 27 май — Sputnik. Ўзбекистон президенти Шавкат Мирзиёев инвестиция масалалари бўйича видеоселектор йиғилиши ўтказди. Унда Олмалиқ кон-металлургия комбинатида олтин, кумуш ва мис ишлаб чиқариш ҳажми 3 бараварга оширилиши режалаштирилаётгани маълум бўлди.

Давлат раҳбари матбуот хизмати хабарига кўра, 26 май куни Олмалиқ кон-металлургия комбинатида рангли ва қимматбаҳо металлар ишлаб чиқаришни кенгайтириш тўғрисида президент қарори қабул қилинди.

“Унга кўра, металлургия комплекслари ва 2 та мис бойитиш фабрикаси барпо этиш орқали мис ва олтин ишлаб чиқариш ҳажми 3 бараварга оширилиб, мис ишлаб чиқариш кўрсаткичлари 400 минг тонна, олтин – 50 тонна ва кумуш 270 тоннагача етказилади”, - дейилган хабарда.

Президент заргарлик ва электр техникаси каби тармоқлар бундан фойдаланиб, ишлаб чиқариш ҳажми ва иш ўринларини кўпайтириши зарурлигини таъкидлади.

32