КАкая то свадьба

Равшан Йўлдошев - ўз даврининг чинакам афсонаси эди - журналист хотираси

1287
Журналист, шунингдек, ўз хотираларида ўша вақтда "Тарона"да ажойиб муҳит ҳукм сургани, Равшан Йўлдошев эса унинг хотирасида фақат яхши томонлама муҳрланиб қолганлиги ҳақида ёзган.

ТОШКЕНТ, 31 мар - Sputnik. Сценарийнавис, журналист ва бошловчи Руслан Салиев Фейсбукдаги саҳифасида хонанда Лола Йўлдошеванинг отаси, Шаҳзоданинг собиқ турмуш ўртоғи - "Тарона рекордс" асосчиси Равшан Йўлошев ҳақида ўз хотиралари билан ўртоқлашди.

Руслан Салиховнинг ёзишича, Равшан Йўлдошев билан уни ҳаётининг қисқа, аммо жуда бир ёрқин лаҳзаси боғлаб туради.

"Sky, "Ночной Дозор" ва A'Studioнинг "Улетаю" альбомидаги қўшиқлар ҳаммуаллифлигидан омад менга кулиб боққач, яқинларим билан кўришиш ва дам олиш учун бир ойга жонажон ва севимли Тошкентимга келдим. Бир неча кундан сўнг менга "Тарона Рекордс"дан қўнғироқ қилишди, ва Равшан Юлдашев мен билан учрашиб, бир лойиҳани муҳокама қилмоқчи эканлигини айтишди. Биз қисқа вақт ва иш юзасидан мулоқотда бўлдик. Компаниянинг янги лойиҳаси - ёш репер Шаҳриёр пайдо бўлган бўлиб, менга унинг дебют альбоми учун бир нечта трекларга продюсерлик қилиш таклиф этилаётганди. Бу тароналар ўзбек бозоридаги треклардан тубдан ажралиб туриши керак эди. Биз келишдик ва Шаҳрининг дебют пластинкаси устида ишни бошлаб юбордик. Бир иш ортидан иккинчи иш пайдо бўлиб, мен Тошкентда бир йилча қолиб кетдим. Бу орада шов-шув қозонган "Бўрилар" фильмига саундтрекларга продюсерлик қилишга ва Шаҳзоданинг рус тилидаги альбоми учун қўшиқлар ёзишга улгурдим", - дея эсга олади Руслан Салихов.

<...> Журналист, шунингдек, ўз хотираларида ўша вақтда "Тарона"да ажойиб муҳит ҳукм сурганини, Равшан Йўлдошев эса унинг хотирасида фақат яхши томонлама муҳрланиб қолганлиги ҳақида ёзган.

"Равшан Юлдашев менинг хотирамда зиёли, ақлли, худди ҳозиргина ательедан келгандек ораста кийинган, доно ва ақл бовар қилмас даражада вазминлиги билан хотирамда қолади. Унинг юз ифодасига қараб, тинглаётган трекидан қандай ҳиссиётларни бошдан кечираётганини: дейлик, унга ёқяптими, у бефарқми ёки нимадир унга манзур эмасми - билиб бўлмас эди. У ўз фикрини билдирганидагина ҳаммаси аён бўларди. У менинг хотирамда ҳар бир сўз қадрини билган интизомли инсон сифатида муҳрланиб қолади. Бундайлар ҳозир жуда кам. Сўнгги бор у билан 10 йил олдин суҳбатлашганман. Ўшанда менга самимий табассум билан "негадир анча бўлибди, келмаганингга, меҳмонга кел, кутамиз", деган эди. Куни кеча Равшан ака оламдан ўтди. У - ўз даврининг ҳақиқий афсонасидир. Ўзининг камтарлиги туфайли ҳеч қачон саҳна олдида бўлишни истамаган инсон энди Ўзбекистон замонавий мусиқа тарихида айнан пешсаҳнада қолади.

1287
Спецоперация по захвату Сухроба Каримова, угрожавшего взорвать банк в Киеве

"Киевлик террорчи" Суҳроб Каримов ҳақида нималар маълум

54
Террористни қўлга олиш бўйича махсус операция қандай ўтганлиги ва у ҳақида бугунги кунга нималар маълум - бу ҳақда материалимизда.

ТОШКЕНТ, 4 авг - Sputnik. 3 август куни кундузи номаълум шахс “Универсал- банк”нинг Киевдаги "Леонардо" бизнес марказидаги филиалини портлатиш билан таҳдид қилди. Кейинчалик, бу шахс Ўзбекистон фуқароси Суҳроб Каримов эканлиги маълум бўлди.

Банкни қўлга олиш ва СБУнинг махсус операцияси: бу қандай ўтди

Кун ўртасида "Универсал-банк" ходимаси полицияга қўнғироқ қилиб, 35 ёшлар атрофидаги эркак банк бўлимига келганини ва унинг сўзларига кўра, сумкасида бомба борлигини маълум қилди. Жиноятчи ҳуқуқни муҳофаза қилиш идоралари ходимларини чақиришни сўради. У бўлим бошлиғини гаровга олиб, қолган барча ходимларни озод қилди.

Полиция ва хавфсизлик хизматлари бинони ўраб олиб, шаҳар аҳолисидан айланма йўлдан ҳаракатланишни сўради. Аввалига, одам гаровга олинишига қарши "Гром" полиция операцияси режаси киритилди. Кейин операция бошқарувини Украина Хавфсизлик хизмати (СБУ) ўз зиммасига олди, у "Бумеранг" терроризмга қарши кураш режасини жорий этди.

Бинога ҳужум уюштиришга имкон бўлмади: Каримов рюкзакка тортилган ипни оёғига боғлаб олиб, портловчи мосламани ишга тушуриши билан таҳдид қилган. Бу ҳақиқатан ростми-ёлғонми, ўша дақиқаларда маълум бўлмаган. Бундан ташқари, эркакнинг ижтимоий тармоқлардаги саҳифаларини ўрганишдан унинг "руҳий носоғломлиги" маълум бўлди.

Угрожающий взорвать бомбу в Киеве является гражданином Узбекистана
Сухроб Каримов в отделении банка

Хавфсизлик ходимлари музокараларга киришди ва босқинчига таслим бўлишни таклиф қилди. У интервью бериш учун ОАВ вакилларини киритишларини талаб қилди. Бошқа маълумотларга кўра, у қўшимча 40 минг гривна (1,44 минг доллар) талаб қилган.

Спецоперация по захвату Сухроба Каримова, угрожавшего взорвать банк в Киеве
Спецоперация по захвату Сухроба Каримова, угрожавшего взорвать банк в Киеве

Махсус кучлар уни соат 15.00 ларда тўғридан-тўғри эфирда у ўзини телевизорда кўрсатаётганига ишонч ҳосил қилганида кишанладилар. Қўлга олиш жараёнида икки телеканал журналистлари ихтиёрий иштирок этдилар.

Спецоперация по захвату Сухроба Каримова, угрожавшего взорвать банк в Киеве
Спецоперация по захвату Сухроба Каримова, угрожавшего взорвать банк в Киеве

Бино текширилганида, тажовузкорнинг ёлғон гапиргани аниқланди: унда на бомба, на хавфли мослама бўлмаган.

Унга нисбатан Украина Жиноят кодексининг 258-моддаси "Террористик акт" 1-қисми бўйича жиноий иши қўзғатилди. Ҳозирда жиноятнинг сабаблари ва террорчининг эҳтимолий шериклари аниқланмоқда.

Украина пойтахти полицияси раҳбари Виктория Азарованинг сўзларига кўра, Каримов ўзини "муқаддас руҳ" деб атаган.

Спецоперация по захвату Сухроба Каримова, угрожавшего взорвать банк в Киеве
Спецоперация по захвату Сухроба Каримова, угрожавшего взорвать банк в Киеве

Террорчи ҳақида нималар маълум?

Украина СБУ маълумотларига кўра, Суҳроб Раҳматович Каримов 32 ёшда, Ўзбекистон фуқароси, Самарқандда туғилган.

Украина ИИВ раҳбарининг ўринбосари Антон Геращенко ўзининг Facebook'даги саҳифасида шуни маълум қилди: террорчининг ватанидан олинган маълумотларга кўра, Каримов 1998 йилдан бери "Олигофрения" ташхиси билан неврологик-психиатрик ҳисобда турган. Самарқанд психоневрологик диспансери Sputnik Ўзбекистон мухбирига бундай маълумотни ошкор этиш тақиқланганлигига ишора қилиб, маълумотни тасдиқламади, ҳам рад этмади.

Киевда, бу эркак тахминан беш йилдан бери яшаб келмоқда, резидент бўлган. Украиналик блогерларнинг хабар беришича, у пойтахт ресторанларидан бирида официант бўлиб ишлаган ва хостелда яшаб келган, у ердан уни гиёҳванд моддалар - амфетамин ва марихуана истеъмол қилгани учун чиқариб юборишган.

Маҳаллий ОАВлар эркакнинг Украинанинг Запорожье вилояти, Бердянск тумани, Новопетровка қишлоғида қайд этилганини аниқладилар. Шу ерда Каримов билан узоқ вақтдан бери алоқада бўлмаган, унинг собиқ хотини ва фарзанди яшаб келган.

30-чи июл куни, банк филиалига бостириб киришдан бир неча кун олдин, эркак ижтимоий тармоқдаги ўз саҳифасида "жиҳод" эълон қилди ва кофирларни ўлдиришга чақирди.

Тошкент қандай муносабат билдирди

Ўзбекистон томони ҳодиса юзасидан ҳозирча расмий изоҳ бермади. Аммо бу борада ишлар олиб борилмоқда.

54
Купол мечети

Ўзга сайёраликлар билан гаплашган Жуманазар ака вафот этди

432
(Янгиланган 14:49 04.08.2020)
Бу ҳақда марҳумнинг яқинлари хабар берган. Ушбу маълумот турли янгиликлар сайтларида ҳам тасдиқланган

ТОШКЕНТ, 4 авг - Sputnik. Наманган вилояти, Учқўрғон тумандан бўлган Жуманазар Раҳмонов оламдан ўтди, деб хабар бермоқда "Самаркандский вестник" нашри.

Жуманазар Раҳмонов  руҳий касал бўлгани (сал олдин унга галлюцинатор синдроми, рекуррент шизофрения ташхиси қўйилгани) ҳақида хабар берилмоқда. 

Эслатиб ўтамиз, Раҳмонов ўзга сайёраликлар билан учрашгани ҳақидаги гап-сўзлардан кейин Жуманазар ака сифатида бутун Ўзбекистонга машҳур бўлиб кетган эди.

432
Врач во время вакцинации

Коронавирусга қарши қозоқ вакцинаси сентябрда синовдан ўтказилади

48
(Янгиланган 18:18 04.08.2020)
Сентябрда кўнгиллиларда вакцинанинг клиник синовлари бошланиши мумкин, аммо бу босқич аввал Соғлиқни сақлаш вазирлиги томонидан тасдиқланган бўлиши лозим.

ТОШКЕНТ, 4 авг — Sputnik. Коронавирусга қарши вакцинани бешта маҳаллий ишлаб чиқарувчилар ўзларида синаб кўрдилар. Клиник синовларга қадар тажрибалар 20 август куни якунланади, деб хабар берди биологик хавфсизлик масалалари илмий-тадқиқот институтига таянган ҳолда Sputnik Қозоғистон.

Илмий-тадқиқот институти берган хабарга кўра, ишлаб чиқарувчилар кўнгиллилар сафида вакцинани ўзида 26 июль куни синовдан ўтказган.

"Бу жонли вирус билан ишда шахсий хавфсизликни таъминлаш учун амалга оширилди. Орадан бир неча сутка ўтгач ўзини ҳис қилиши яхши, температура ва аллергия йўқ. Клиникга қадар синовлар 20 августга қадар якунланади, натижалар эса Қозоғистон соғлиқни сақлаш вазирлигига топширилади", - дейилади хабарда.

Кутилишича, сентябр ойидан вакцинанинг клиник синовлари бошланади. Синовлар Алмати шаҳрида коронавирусга антитаначалари бўлмаган 44 нафар кўнгиллиларда ўтказилади. Бунинг учун аввало соғлиқни сақлаш вазирлиги рухсатномасини олиш керак бўлади.

Куз фаслининг ўрталарига келиб, олимлар вакцинанинг иккинчи фазасини синовдан ўтказишни режалаштирмоқда. Кўнгиллиларнинг тахминий миқдори - 200 киши. Олимлар прогнозларига кўра, иккинчи фаза жорий йил декабр ойида якунланади.

"Агар БССТ томонидан номзод вакцина клиник синовлари натижаларини тасдиқланса, Қозоғистон НИИПББ қошидаги иммунобиологик дориларни ишлаб чиқарадиган завод негизида вакцинани ишлаб чиқаришни амалга оширишга тайёр бўлади ", - дея таъкидлади институт.

Декабр ойида қуриб битказиладиган завод йилига 60 миллион дозага қадар вакцина ишлаб чиқаришга қодирлигини таъкидлаш керак.

Sputnik Қозоғистон хабарига кўра, янги турдаги коронавирус инфекцияси COVID-19га қарши биринчи қозоқ вакцинаси 9 май куни ишлаб чиқарилган, орадан бир неча кун ўтиб у клиник синовларга қадар тестдан ўтказилиши лозим бўлган вакцина сифатида Бутунжаҳон соғлиқни сақлаш вазирлигида рўйхатдан ўтказилган.

Сал вақт ўтиб, COVID-19га қарши иккинчи қозоқ вакцинаси БССТда рўйхатга олингани маълум бўлди.

48
Мавзу:
COVID-19 умумжаҳон пандемияси