Насилие

БМТ карантинда уйдаги зўравонликка эътибор беришга чақирди

367
(Янгиланган 15:13 07.04.2020)
Антонио Гутериш биринчи навбатда зўравон турмуш ўртоқлари билан уйида қамалиб қолган аёлларга ёрдам беришга чақирди. 

ТОШКЕНТ, 7 апр - Sputnik. БМТ бош котиби давлатлар ҳукуматларига уйларда юз бераётган зўравонлик ҳолатларига эътибор беришга чақирди. Антонио Гутерриш  айтишига қараганда COVID-19га чалинганлар сони ортиши билан бир вақтда уйларда юз бераётган зўравонлик ҳолатлари ҳам ошмоқда.

БМТ хабарига кўра, Ер юзидаги ҳар учинчи аёл жисмоний ёки жинсий зўравонликка учрамоқда. Бу инсон ҳуқуқларининг энг кўп содир бўладиган лекин энг кўзга кўринмас бузилишларига олиб келмоқда. Жорий этилган карантин ва ўз-ўзини изоляция қилиш тартиблари вазиятни янада кескинлаштирмоқда.

Ушбу муносабат билан Гутериш биринчи навбатда зўравон турмуш ўртоқлари билан уйида қамалиб қолган аёлларга ёрдам беришга чақирди. 

"Сўнгги ҳафталар давомида иқтисодий ва ижтимоий босим кучайиши билан биз оилаларда юз бераётган зўравонликнинг кескин ошишининг гувоҳи бўлмоқдамиз.Статистик маълумотларга кўра, 1 апрел ҳолатига оилаларда юз бераётган зўравонликлар сони Францияда 30%га, Буюк Британияда 20 %га, Австралияда 75%га ва Хитойда - уч баравар ошган- ", - деди БМТ бош котиби.

Франция, Италия ва Испанияда уй зўравонлигидан азият чекканларга ёрдам беришнинг махсус тизими жорий этилган. Ушбу мамлакатларда уй зўравонлигига дуч келган аёллар аптекага кириб ёрдам сўрашлари мумкин. Очиқчасига ёрдам сўрашига бирор нарса халал берса, улар "Маска 19" деган кодли сўздан фойдаланишлари керак. Аёллар шунингдек ижтимоий тармоқлар орқали ҳам ёрдам сўрашлари мумкин.

Франция ҳукумати жабрланган аёлларнингмеҳмонхоналарда тунаб қолишига пул ажратишини ҳамда супермаркетларда маслаҳат марказлари очишини хабар қилди. Буюк Британияда эса, почта ва курьерлик хизматлари ходимларига кишилар уюларига ташриф буюрганда зўравонлик қурбонига айланган аёлларга ва қизларга ҳамда зўравон эркакларга эътибор бериш тавсия қилинган. 

Ўзбекистон Инсон ҳуқуқлари миллий маркази хабарига асосан. 

367
Рабочие на стройплощадке

Қурилиш ва “яширин иқтисодиёт”: ҳуқумат қарори лойиҳаси тайёрланди

148
“Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси тайёрланди.

ТОШКЕНТ, 29 окт — Sputnik. “Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси умумий муҳокамага қўйилди.

Қурилиш ташкилотлари томонидан ўз яширин фаолиятини ихтиёрий равишда қонунийлаштириши учун 2020 йил 1 декабрдан қуйидаги рағбатлантириш механизмлари жорий қилиш таклиф этилмоқда:

а) норасмий бандлик ҳолатлари кузатилмаган ёки яширин фаолиятни тўлиқ бартараф этган қурилиш ташкилотлари реестри юритилади.

Реестрга кирган қурилиш ташкилотларга қурилиш объектларида бажарилган ишлар учун буюртмачи томонидан маблағ ажратилгунга қадар даромад ва иш ҳақидан бўлган солиқларни тўлаш муддатини мутаносиб равишда узайтиришга рухсат этилади.

б) ўрганиш жараёнида нолегал ходимларни расмийлаштирган қурилиш ташкилотига уларнинг касбий малакасини ошириш, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун Бандликка кўмаклашиш давлат жамғармаси маблағлари ҳисобидан субсидия берилади. Бунда:

субсидия касбий малакани ошириш учун ҳар бир ходим учун 6 ой муддатгача ҳар ойда базавий ҳисоблаш миқдорининг 4 баравари миқдоригача, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун бир марта базавий ҳисоблаш миқдорининг 10 баравари миқдоригача берилади;

ишчи гуруҳлар томонидан аниқланган норасмий ишлаётган ходимларга уларни касбга ўқитиш, қайта ўқитиш, малакасини ошириш учун касб-ҳунарга ўқитиш марказларига йўлланма берилади, бунда иш берувчи томонидан ушбу ходимларни ўқишдан кейин расмий равишда ишга олиш бўйича кафолати олинади.

в) қурилиш ташқилотлари томонидан 2020 йил 1 декабрга қадар ишчиларга норасмий иш ҳақи тўланган холатлар юзасидан ҳуқуқий чоралар қўлланилмайди ва юзага келиб чиқиши мумкин бўлган ҳар қандай солиқ ва мажбурий тўловлардан воз кечилади, бир йил ичида ишчиларига норасмий иш ҳақи тўланган холатлар аниқланган қурилиш ташкилотлар бундан мустасно.

Қурилиш ташкилотларига айрим қурилиш ишлари турлари бўйича ўзини ўзи банд қилган шахсларни хизмат кўрсатиш шартномаси асосида жалб этишга рухсат бериш кўрсатилмоқда.

Бандлик ва меҳнат муносабатлари вазирлиги ва суғурта компаниялари томонидан иш берувчилар, шу жумладан қурилиш ташкилотлари ўз фуқаролик жавобгарликларини мажбурий суғурта қилганлигини биргаликда мониторинг қилиш тажрибаси жорий этиш таклиф қилинмоқда.

Бандлик ва меҳнат муносабатлари вазирлиги Давлат солиқ қўмитаси билан биргаликда икки ой муддатда фаолиятида ходимлар сонини яшириш аниқланган ҳолатлари бўйича мансабдор шахсларга базавий ҳисоблаш миқдорининг йигирма беш бараваридан эллик бараваригача, худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, мансабдор шахсларга эллик бараваридан юз бараваригача миқдорда жарима солинишини назарда тутувчи таклифлар ишлаб чиқиш режалаштирилган.

148
Двери СИЗО

Фарғонада тилла тақинчоқларни ўғирлаган аёллар жиноий уюшмаси қўлга олинди

181
(Янгиланган 19:13 29.10.2020)
Кундуз куни уч аёл бировнинг хонадонига кириб, 56 миллион 100 минг сўмлик тилла тақинчоқларини ўғирлаб кетишган

ТОШКЕНТ, 29 окт - Sputnik. Учкўприк туманида хонадондан 56,1 миллион сўмлик тилла-тақинчоқларни ўғирлаган аёллар аниқланди, деб хабар беради Фарғона вилояти ИИБ ахборот хизмати.

Хабарда айтилишича, Фарғона вилояти Учкўприк туманидаги қишлоқларнинг бирида яшовчи фуқаро ИИБга мурожаат қилиб, 17 октябрь куни кундузи номаълум шахс уйига кириб, ётоқхонасидаги жавондан қиймати 56 миллион 100 минг сўмлик тилла тақинчоқларини ўғирлаб кетганини маълум қилган.

Мазкур ҳолат юзасидан Учкўприк тумани ИИБ ҳузуридаги тергов бўлими томонидан Жиноят кодексининг 169-моддаси 2-қисми "б,г" банди (ўғирлик) билан жиноят иши қўзғатилган.

Олиб борилган тезкор қидирув ҳаракатлари давомида ушбу жиноятни Қ.Ш., Ҳ.Н., ва М.М. исмли аёллар содир этганлиги аниқланган, тергов ҳаракатлари олиб борилмоқда.

Жиноят кодексининг 169-моддаси 2-қисмида кўрсатилган жиноятни содир этган шахс беш йилгача озодликдан маҳрум қилиш билан жазоланади

181