Бугунги кундаги вазиятга қарамай, 9 май кунги Россиядаги парадни МДҲ мамлакатлари ҳам қўллаб-қувватлайди. “Офицеры России” умумроссия ташкилоти президиуми раиси, Россия қаҳрамони, генерал-майор Сергей Липовойнинг сўзларига кўра, барчани бирлаштирадиган жиҳат шу.
"Ҳаво парадларини қуруқдаликларсиз ўтказиш - парад иштирокчиларини, айниқса фахрийларни хавф остига қўймаслик имконини беради", - деди Липовой Sputnik радиоси эфирида.
Унинг фикрича, ҳаво парадининг формати, шунингдек, Россия армиясининг қудратини намойиш этиш имконини беради.
Генерал-майор шунингдек, ҳарбий самолётларнинг намойиш парвозларини ўтказиш ёш авлодда қизиқиш уйғотиши мумкинлигини қўшимча қилди.
Эслатиб ўтамиз, 9 май куни Ўзбекистон бутун дунё билан биргаликда замонавий тарихдаги энг муҳим сана - фашистлар Германияси устидан қозонилган ғалабани нишонлайди. Республикада 9 май - Хотира ва қадрлаш куни.
Фашизмга қарши курашда 420 мингга яқин ўзбекистонлик қурбон бўлди, фронтга эса республиканинг бир ярим миллион фуқароси кетган.
Ўзбекистон у воқеалар хотираларига ҳурмат бажо келтиради, ҳар йили давлат ва жамоат ташкилотлари уруш фахрийлари ва фронт орти меҳнаткашларини қутлайди. Бундан ташқари, ҳеч бири эътиборсиз қолмаслиги мақсадида фахрийларга манзилли ёрдам амалга оширилади.
