В Узбекистане выздоровело еще четыре пациента с коронавирусом

Ўзбекистонда 84 ёшли онахон ва 2 ёшли бола коронавирусдан шифо топди

220
(Янгиланган 21:36 30.04.2020)
Бугун Ўзбекистонда 37 киши коронавирусни енгди. Мамлакат бўйлаб бутунлай соғайганлар 1133 нафарга етди.

ТОШКЕНТ, 30 апр — Sputnik. Бугун, 30 апрель куни Ўзбекистонда 37 бемор коронавирусдан фориғ бўлди. Андижонда тузалган беморлар орасида 84 ёшли онахон ва 2 ёшли бола ҳам бор. Бу ҳақда Соғлиқни сақлаш вазирлиги хабар қилди.

Кун давомида Тошкент тиббиёт академияси кўп тармоқли клиникасида 6 нафар, шаҳар 3-сонли туғруқ мажмуасидан 1 нафар  бемор, жами 7 нафар бемор бутунлай  соғайди.

Шаҳар 3-сонли туғруқ мажмуасида тузалган 29 ёшли ҳомиладор аёл Тошкент шаҳридан бўлиб, жорий йил 26 март куни Туркиядан чартер рейс билан келган ва карантинга олинган. Касаллик аниқлангач, мазкур туғруқ мажмуасига ётқизилган. Сўнгги текширувлар унда инфекция йўқлигини кўрсатди, ҳомиласи эса ривожланиш босқичида.

Шунингдек, Самарқанд ва Сурхондарё вилоятларида 5 нафар, Андижон вилоятида 18 нафар, пойтахтдаги Вирусология илмий-текшириш институти клиникасидан 5 нафар, Эпидемиология, микробиология ва юқумли касалликлар илмий-текшириш институти клиникасидан 2 нафар бемор коронавирусдан бутунлай соғайди ва реабилитацияга кузатилди.

Андижонда тузалганлар орасида 84 ёшли онахон ва 2 ёшли бола ҳам бор. Самарали даволаш муолажаларидан кейин сўнгги текширув натижалари уларда инфекция йўқлигини кўрсатди.

Шундай қилиб, бугун 37 нафар бемор тузалиб, мамлакат бўйлаб коронавирус инфекциясидан бутунлай соғайганлар 1133 нафарни ташкил этмоқда. Касалланишнинг умумий сони 2017 та.

220
Вакцина против новой коронавирусной инфекции

Роспотребнадзор турли хил вакциналар ютуқ ва камчиликларини санаб ўтди

75
(Янгиланган 13:23 24.09.2020)
Вакциналарнинг қандай турлари бор? Улар бир-биридан нимаси билан фарқ қилади? COVID-19 га қарши яратилган биринчи вакцина "Спутник V" қандай технология асосида яратилган?

ТОШКЕНТ, 24 сен — Sputnik. Бугунги кунда дунё олимлари COVID-19га қарши яратаётган вакциналар 5та асосий турга бўлинади. Вакцина ишлаб чиқариш технологик платформалар турига қараб уларнинг ҳар бирининг ўзига хос бўлган ютуқ ва камчиликлари бор. РИА Новости хабарига асосан. 

  • Синтетик вакциналар
  • Вирусга ўхшаш вакциналар
  • РНК ва ДНК-вакциналар
  • Вектор вакциналари
  • Заифлаштирилган тирик ва инактив вакциналар

Вакциналарнинг аксарияти синтетик вакциналар бўлиб, улар ўзининг “технологик хавфсизлиги” билан ажралиб туради. Уларни ишлаб чиқариш жараёнида тирик вирусдан фойдаланилмайди. Вакцина таркибида фақат вирусга хос бўлган оқсиллардан иборат бўлади. Лекин бундай вакцина тўлақонли иммунитет ҳосил қилиши учун уни бир неча бор киритиш керак бўлади.

Вирусга ўхшаш моддалардан ташкил топган вакциналар фақатгина вирус оқсилидан иборат бўлади, лекин уларни оммавий равишда ишлаб чиқариш – технологик жиҳатдан жуда қийин бўлиб, катта молиявий харажатлар талаб қилади.

ДНК ва РНК вакциналарни ишлаб чиқариш – назарий жиҳатдан энг осон вакцина яратиш услуби ҳисобланади. Лекин бугунги кунда генетик моддани ҳужайра ичига етказиб бериш технологияси етарли яхши ишлаб чиқилмаган. Шу сабабли амалда бирорта ҳам нуклеин кислотаси асосида ишлаб чиқарилган вакцина қўлланилмайди.  

Бугунги кунда кўплаб вакциналар вектор услубида ишлаб чиқарилади. Бунда вирусни вектор геномига одамда касаллик уйғотмайдиган бошқа вирус оқсили киритилади. Бундай вакциналарни қўллашда инсон организмидаги антитаначалар халал бериши мумкин. У ҳолда одамга тўлиқ иммунитет пайдо бўлмаслик эҳтимоли бор.

Заифлаштирилган тирик ва инактив вирус вакциналар – бу вакцина яратишнинг классик услуби ҳисобланади ва нисбатан узоқ вақт давомида қўлланиб келинмоқда. Инактивация қилинган препарат узоқ муддатли иммунитет пайдо бўлиши учун уни такроран киритиш талаб қилинади. Заифлаштирилган тирик вакциналар эса бир маротаба киритилади, лекин баъзи ҳолларда улар асл ҳолига қайтиши ва одамда касаллик уйғотиши хавфи сақланиб қолади.

Эслатиб ўтамиз, Россия Соғлиқни сақлаш вазирлиги Гамалея номидаги НИЦЭМ томонидан "Спутник V" номли дунёда биринчи вакцинани август ойида рўйхатдан ўтказган эди. Бир вақтнинг ўзида Россияда "Вектор" вирусология маркази ҳамда Санкт-Петербургдаги Чумаков номили илмий марказ вакциналари синовдан ўтмоқда.

"Спутник V" - аденовируснинг 2та турли хил вектори асосида ишлаб чиқилган вакцина ҳисобланади. Эмлаш икки босқичда ўтказилади. Биринчи босқичда AD26-S вектори киритилади. Ундан 21 кун ўтиб AD26-S вектори киритилади. Стастистик ўрганишларга кўра, иккинчи босқичдан сўнг инсон организмида COVID-19га қарши мустаҳкам иммунитет пайдо бўлади.

75
Афросиаб

Тошкент-Самарқанд йўналишида қўшимча “Афросиёб” қатнови йўлга қўйилди

52
(Янгиланган 10:36 24.09.2020)
26 сентябрдан бошлаб ҳафтасига икки маротаба Тошкент-Самарқанд-Тошкент йўналишида “Афросиёб” поездининг қўшимча қатнови йўлга қўйилади.

ТОШКЕНТ, 24 сен — Sputnik. Тошкент-Самарқанд-Тошкент йўналишида "Афросиёб" поездлари қатнови кўпаймоқда. Бу ҳақда “Ўзтемирйўлйўловчи” АЖ матбуот хизмати хабар қилмоқда.

26 сентябрдан бошлаб ҳафтасига икки маротаба шанба ва якшанба кунлари Тошкент-Самарқанд-Тошкент йўналишида “Афросиёб” поездининг қўшимча қатнови йўлга қўйилади.

Бу йўловчиларга кўпроқ транспорт хизматларини кўрсатиш мақсадида амалга оширилмоқда.

Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олиш мумкин.

52

Путин Нобел тинчлик мукофотига номзод этиб кўрсатилди

47
(Янгиланган 15:04 24.09.2020)
Нобель тинчлик мукофоти - Альфред Нобель фонди томонидан ҳар йил топшириладиган нуфузли 5та мукофотлардан бири бўлиб, дунёда тинчликни мустаҳкамлаш учун қўшган ҳиссаси учун берилади.

ТОШКЕНТ, 24 сен - Sputnik. Россия президенти Владимир Путин Нобель тинчлик мукофотига номзод этиб кўрсатилди, РИА новости хабарига асосан. 

Ушбу ташаббус Россиялик журналист ва ёзувчи Сергей Комков томонидан амалга оширилган. Комков Путин номзодини 2021 йил нобель тинчлик мукофотига номзод сифатида расмий аризани 10 сентябр куни Осло шаҳрига юборган. 

Маълумот учун, Россия президентини биринчи маротаба ушбу мукофотга номзод этиб кўрсатилаётгани йўқ. 2013 йилда ҳам Владимир Путин Дунё халқлари бирлиги академияси президенти томонидан ушбу мукофотга номзод этиб кўрсатилган эди. 

Нобель тинчлик мукофоти - Альфред Нобель фонди томонидан ҳар йил топшириладиган нуфузли 5та мукофотлардан бири бўлиб, дунёда тинчликни мустаҳкамлаш учун қўшган ҳиссаси учун берилади.

Турли йилларда ушбу мукофотга Барак Обама, Альберт Гор, Кофи Анан, Ким Де Жун, Нельсон Манделла, Михаил Горбачев ва бошқалар муносиб деб топилган. 

 

47