Военнослужащие возвращают деньги и драгоценности, которые были утеряны во время наводнения

Сирдарёда топилган тилла ва пуллар ўз эгаларига қайтарилмоқда

780
Ҳарбий хизматчилар талафот етган ҳудудни тартибга келтириш вақтида топилган тилла ва пуллар ўз эгаларига қайтармоқда.

ТОШКЕНТ, 12 май — Sputnik. Сирдарёда ҳарбий хизматчилар талафот етган ҳудудни тартибга келтириш вақтида топилган тилла ва пуллар ўз эгаларига қайтармоқда. Бу ҳақда Мудофаа вазирлиги матбуот хизмати хабар қилди.

Ҳарбий хизматчилар талафот етган ҳудудларда тозалаш, тартибга келтириш ишларини жадаллик билан олиб бормоқда. Одамлар уйи атрофида тўпланиб қолган сув, чиқиндилар ва бошқа кераксиз буюмлар олиб чиқиб кетиляпти.

Шарқий ҳарбий округнинг шартнома бўйича ҳарбий хизматчиси, оддий аскар  Элмурод Норматов ҳам сафдошлари билан Сирдарё вилояти, Мирзаобод туманида тозалаш ишларида унинг диққатини сув ичидаги қути ўзига тортди. Бу қутида уй эгасининг тилла буюмлари бор экан. Элмурод ушбу ҳолат юзасидан командирларига хабар берди ва қимматбаҳо буюмлар ўз эгаларига етказилди.

Шунингдек, шартнома бўйича ҳарбий хизматчи, оддий аскар Комил Чориев ҳам Мирзаобод туманининг Навбаҳор маҳалласида тозалаш ишларини олиб бораётганида сув босган буюмлар орасидан хонадон эгасига тегишли бўлган моддий бойлик, яъни 720 минг сўм пул топиб олди ҳамда эгаларига қайтарилишини таъминлади.

Военнослужащие возвращают деньги и драгоценности, которые были утеряны во время наводнения
Министерство обороны Узбекистана
Военнослужащие возвращают деньги и драгоценности, которые были утеряны во время наводнения

Давергеодезкадастр қўмитаси томонидан Сирдарё вилояти Сардоба сув омборида рўй берган сув тошқини натижасида сув босган ҳудудлардаги турар ва нотурар кўчмас мулк объектлари томонидан ўрганиб чиқилди.

10 май ҳолатига кўра, 10 та маҳалла фуқаролар йиғинининг 20 та аҳоли яшаш пунктида жами 5969 та турар ва 277 та нотурар жой объектлари зарарланганлиги аниқланди.

5969 та турар жойларнинг 4587 таси якка тартибдаги уй жой, 1337 таси кўп қаватли хонадон ва 45 таси қурилиши тугалланмаган уй жойлар.

Ушбу зарарланган турар ва нотурар жойларининг кадастр ҳужжатлари ва кадастр паспортларидан 3599 тасига дубликат ҳужжатлари кўчмас мулк эгалари ва фойдаланувчиларига тақдим этиш учун тайёрланди.

Сув тошини оқибатида талофат кўрган аҳоли уйларининг кадастр ҳужжатлари бепул тайёрлаб берилиши ташкил этилди.

780
Мавзу:
“Сардоба” тўғони ёрилиши (55)

Ўзбекистонда коронавирус: 29 май асосий хабарлари

447
Бугуннинг ўзида 34 нафар бемор тузалиб, реабилитацияга кузатилди. Республика бўйлаб жами соғайганлар сони 2 728 нафарга етди.

ТОШКЕНТ, 29 май — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.

Бир сутка давомида 31 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3 468  нафарни ташкил қилмоқда.

Даволаниш кўрсаткичи

Бугуннинг ўзида 34 нафар бемор тузалиб, реабилитацияга кузатилди. Жами соғайганлар сони  2 728 нафар.

Айни пайтда 731 нафар беморга белгиланган стандартлар бўйича даво чоралари кўрилмоқда.

Навоий – кучли карантинда

Навоийда карантин қоидалари кучайтирилди. Юқори малакали шифокор-олимлар, эпидемиолог, инфекционист, оториноларинголог, реаниматолог, пульмонолог, хирург ҳамда врач-лаборант каби қатор  мутахассислардан иборат махсус гуруҳ вилоятга юборилди.

Ҳудудда карантин қоидаларини янада  кучайтириш мақсадида Давлат хавфсизлик хизмати, Миллий гвардия, Ички ишлар, прокуратура  ходимлари билан биргаликда коронавирус инфекцияси тарқалишининг олдини олиш, беморларни даволаш ҳамда карантиндаги фуқароларни тиббий кузатувга олишни янада самарали йўлга қўйиш борасида изчил фаолият олиб борилмоқда. Эпидемик вазиятдан келиб чиқиб, асосий учоқ бўлмиш, Зарафшон шаҳри “қизил” ҳудуд тоифасига киритилган.

Вилоятнинг яна қатор туман ва шаҳарларида ҳам юзлаб фуқаролар уй ва стационар карантинга олиниб, қатъий тиббий кузатувга олинган.

Яна бир “қизил” туман

Бухоро вилоятининг Шофиркон тумани "қизил" ҳудудга киритилди ва 28 майдан ушбу ҳудудга кириб-чиқиш тўхтатилди.

27 май куни Шофиркон туманида битта оилага мансуб 7 нафар фуқарода короновирус инфекцияси аниқланганди. Беморлар билан мулоқотда бўлганлардан дастлабки тест намуналари олинмоқда.

Ички туризм

Ўзбекистонда 1 июндан ички туризм фаолияти қайта тикланишни бошлайди. Белгиланган санитария-гигиена меъёрлари ва талабларига қатъий риоя этган ҳолда 2020 йилнинг 1 июнидан “яшил” ва “сариқ” тоифадаги ҳудудларда ички туризмни қайта йўлга қўйиш билан биргаликда ёндош ташкилотларнинг (туроператорлар, турагентликлар, жойлаштириш воситалари, маданият ва маданий мерос объектлари ҳамда бошқалар) фаолиятини бошланади.

Дунё саломатлиги

COVID-19 дунёнинг деярли барча давлатга етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 5,59 миллиондан ошди, 353 минг киши вафот этди. Жонс Хопкинс университети маълумотларига кўра, 5,81 миллион киши коронавирус инфекциясини юқтириб олди, вафот этган сони эса 360 минг киши.

447
Город Навои

Навоийда карантин қоидалари кучайтирилди

343
Сўнгги кунларда республиканинг бир қанча ҳудудлари қатори, Навоий вилоятида ҳам аҳоли орасида касалликка чалинаётганлар кўпаймоқда.

ТОШКЕНТ, 28 май — Sputnik. Соғлиқни сақлаш вазирлиги билдиришича, сўнгги кунларда республиканинг бир қанча ҳудудлари қатори, Навоий вилоятида ҳам аҳоли орасида касалликка чалинаётганлар кўпаймоқда.

Юқори малакали шифокор-олимлар, эпидемиолог, инфекционист, оториноларинголог, реаниматолог, пульмонолог, хирург  ҳамда врач-лаборант каби қатор  мутахассислардан иборат махсус гуруҳ вилоятга юборилди. Улар маҳаллий мутахассисларга яқиндан амалий ёрдам кўрсатмоқда.

Айни пайтда вилоятда 119 нафар фуқарода коронавирус инфекцияси аниқланган. Бугунги кун ҳолатига кўра, улардан 12 нафари соғайган бўлса, қолган 107 нафар беморга шифокорлар томонидан самарали даволаш муолажалари олиб борилмоқда.

Таҳлилларга кўра, вилоятда касаллик, асосан, бешта ўчоқ орқали тарқалганини кўриш мумкин. Жумладан, биринчи катта ўчоқ Зарафшон шаҳрида, иккинча ва учинчи ўчоқлар Хатирчи туманида, тўртинчи ўчоқ Конимех туманида ҳамда бешинчи ўчоқ Томди туманида юзага келган.

Шундан келиб чиққан ҳолда, худудда карантин қоидаларини янада  кучайтириш мақсадида Давлат хавфсизлик хизмати, Миллий гвардия, Ички ишлар, прокуратура  ходимлари билан биргаликда коронавирус инфекцияси тарқалишининг олдини олиш, беморларни даволаш ҳамда карантиндаги фуқароларни тиббий кузатувга олишни янада самарали йўлга қўйиш борасида изчил фаолият олиб борилмоқда.

Жумладан, эпидемик вазиятдан келиб чиқиб, асосий учоқ бўлмиш, Зарафшон шаҳри “қизил” ҳудуд тоифасига киритилган. Бундан ташқари, жорий йил 26 май кунида касаллиги аниқланган беморлар (31 нафар) билан мулоқотда бўлган 300 нафарга яқин фуқаро карантинга олинган: шундан 104 нафари уй карантини, 182 нафари эса стационар карантинга жойлаштирилган. Вилоятнинг яна қатор туман ва шаҳарларида ҳам юзлаб фуқаролар уй ва стационар карантинга олиниб, қатъий тиббий кузатувга олинган.

Шунингдек, эпидемиологик вазиятдан келиб чиқиб, тегишли махсус комиссия қарори билан жорий йил 8 майдан бошлаб, босқичма-босқич Зарафшон шаҳридаги 11 та маҳаллада кучайтирилган карантин қоидалари сақлаб қолиниб, транспорт воситаларининг ҳаракатланиши чекланиши белгиланди. Бундан ташқари, Хатирчи туманидаги 6 та маҳаллада ҳам карантин қоидалари кучайтирилган.

343
Мавзу:
COVID-19 умумжаҳон пандемияси

Путин Суриядаги Россия ҳарбий базасини кенгайтириш бўйича топшириқ берди

368
Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

ТОШКЕНТ, 29 май - Sputnik. Россия президенти Владимир Путин РФ Мудофаа вазирлиги ва Ташқи ишлар вазирлигига Сурия томони билан ҳарбий базани кенгайтириш борасида музокаралар ўтказиш бўйича топшириқ берди. Бу ҳақда давлат раҳбари фармойишида айтилган.

"Россия Федерацияси ҳукуматининг Россия Федерацияси ва Сурия Араб Республикаси ўртасида Россия Федерацияси Қуролли Кучларининг авиация гуруҳини 2015 йил 26 августда Сурия Араб Республикаси ҳудудида қўшимча кўчмас мулк ва акваторияни топшириш тўғрисидаги Битимга 1-сонли Баённомани имзолаш бўйича таклифи қабул қилинсин", - дейилган ҳуқуқий-ахборот интернет-порталида эълон қилинган ҳужжатда.

Қонунчилик лойиҳасига принципиал характерга эга бўлмаган тузатишлар киритилиши мумкин.

Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

Сурияда Россия ҳарбийлари Хмеймим авиабазасида ва Тартус портидаги ҳарбий-денгиз базасида жойлашган.

368