Қорақалпоғистон ва Тошкент вилояти чегара божхона пости ходимида коронавирус аниқланди

© Sputnik / Павел Лисицын / Медиабанкка ўтишПризыв на военную службу в городах России
Призыв на военную службу в городах России - Sputnik Ўзбекистон
Oбуна бўлиш
Сўнгги соатларда Ўзбекистонда 16 кишида коронавирус тасдиқланди. Жумладан, икки нафар чегара божхона пости ходимларида, икки нафар украиналик ҳайдовчида аниқланди.

ТОШКЕНТ, 25 май — Sputnik. Ўзбекистонда коронавирус билан боғлиқ яна 16 янги ҳолат қайд этилди.

“2020 йил 25 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 3180 (+16) нафарни ташкил этмоқда”, - дейилади Соғлиқни сақлаш вазирлиги хабарида.

Сотрудник в лаборатории - Sputnik Ўзбекистон
Россияда COVID-19га қарши самарали дори пайдо бўлди

Янги касалланиш ҳолатларининг 4 таси Қорақалпоғистон Республикасида аниқланган. Улардан 3 таси хориждан келган халқаро юк ташувчи автомобил ҳайдовчилари (улардан 2 нафари украиналик), 1 таси чегара божхона пости ходимида аниқланган.

5 таси эса Самарқанд вилоятида аниқланган. Уларнинг 4 нафари касалликка чалинганлар билан мулоқотда бўлиб юқтирган. 1 таси эса аҳоли орасида аниқланган. Ҳозирда эпидемиологик суруштирув ишлари олиб борилмоқда.

Бундан ташқари, яна 1 та ҳолат Тошкент вилоятида чегара божхона пости ходимида аниқланган. Қолган 6 нафари Карантин марказидаги фуқаролар орасида қайд этилди.

Айни пайтда мамлакатда 2565 нафар коронавирусга чалинган фуқаролар бутунлай соғайган. Ҳозирда 602 нафар бемор даволанмоқда. 3 нафар беморнинг аҳволи оғир.

Янгиликлар лентаси
0