ТОШКЕНТ, 2 июн – Sputnik. Кадрлар соҳасида мутахассислар тайёрлаш институти директори Валентина Митрофанова Ўзбекистонда ишсизлик муаммосини ҳал қилиш борасида ўз фикрлари билан бўлишди.
Митрофанова фикрига кўра, ҳар бир мамлакат ўзининг ҳудудий ва саноат устуворликларини англаб етиши ва уларни ривожлантириши керак. Ишсизлик муаммосини ҳал қилиш учун эса, мамлакатда аҳоли қандай тақсимланганини тўғри тушуниш керак.
“Ўзбекистонда аҳолининг ярми қишлоқ ҳудудларида ва ярми шаҳарларда яшайди. Шунинг учун янги иш ўринлари яратишда қишлоқ аҳолисини қўллаб-қувватлаш, қишлоқ хўжалигини ривожлантириш керак. Бугун барча прогнозчилар ҳам қишлоқ хўжалигига сармоя киритиш – устувор соҳага айланиши мумкинлигини қайд этишмоқда”, - дейди Митрофанова.
Маълумот учун, пандемия туфайли Ўзбекистон меҳнат бозори кучли босим ҳис қилмоқда. Ишсизлик сони ошмоқда. Хориждан уйига қайтган 498 минг меҳнат мигрантлари – доимий даромадга эга бўлмаган фуқаролардир. Бундай шароитда Ўзбекистон имкон қадар кўпроқ иш ўринлари яратишга ҳаракат қилиши керак, деган эди Меҳнат муносабатлари вазири ўринбосари Эркин Муҳитдинов.
