Ўзбек ҳарбийлари Қизил майдон бўйлаб ўтади

573
(Янгиланган 18:55 18.06.2020)
Эслатиб ўтамиз: тантана 24 июнь куни Москванинг бош майдонида бўлиб ўтади. Аввалроқ Россия етакчисининг матбуот котиби Дмитрий Песков Ўзбекистон президенти Шавкат Мирзиёев ҳам Ғалаба парадига ташриф буюришини маълум қилган эди.

ТОШКЕНТ, 18 июн - Sputnik. Бу йил Буюк Ғалабанинг 75 йиллиги муносабати билан парад ўзгача миқёсда ўтказилади. Гап нафақат юбилей санада, балки яқинлашиб келаётган байрам миқёсида ҳам.

Бу йил Россия Қизил майдондаги парадга 19 давлатнинг парад бўлинмаларини иштирок этишга таклиф қилди.

Бугунги кунга келиб, Москвага камида 12 мамлакатнинг, шу жумладан, Ўзбекистон ва Марказий Осиёнинг бошқа давлатларидан ҳарбий хизматчилар етиб келди.

Буюк Ғалабада Ўзбекистоннинг ҳиссаси

Иккинчи Жаҳон уруши йилларида Ўзбекистон фронтни қурол-яроғ ва озиқ-овқат билан таъминлади.

Шунингдек, уруш йилларида шарққа, шу жумладан Ўзбекистонга, фашизм устидан умумий Ғалабани тоблаган минглаб корхоналар эвакуация қилинди.

Республика Совет Иттифоқининг босиб олинган ҳудудларидан бир ярим миллионга яқин эвакуация қилинганларни қабул қилди.

Бир неча юз минг етим болалар бу меҳмондўст заминда иккинчи уйларини ва янги ота-оналарини топдилар. 15 болани боқиб олган темирчи Шомаҳмудов оиласининг машҳур намунаси бунга ягона далил эмас.

Икки миллионга яқин ўзбекистонлик фронтга кетди, уларнинг деярли ярми жангларда ҳалок бўлди.

573
Мавзу:
Ғалабанинг 75 йиллиги (59)
Сбор урожая хлопка в Изобильненском районе Ставропольского края. Впервые за 50 лет на Ставрополье собирают урожай хлопка.

Бу йил пахта теримчиларининг маоши қандай бўлади?

58
(Янгиланган 11:19 22.09.2020)
Пахта қўлда териш неча пул? Шартнома ким билан имзоланади? Мажбурий меҳнатга йўл қўйиладими? Меҳнат вазирлиги вакили пахта терими мавсумида ҳар йили кўплаб муҳокамаларга сабаб бўлаётган энг муҳим саволларга жавоб берди.

ТОШКЕНТ, 22 сен – Sputnik. Ўзбекистонда пахта терими мавсуми бошланмоқда. Кеча Бандлик ва меҳнат муносабатлари вазирлиги Бош давлат меҳнат ҳуқуқ инспектори Гулрух Ниёзметова иштирокида ушбу долзарб мавзуга бағишланган брифинг бўлиб ўтди. Унда бир қатор муҳим масалалар ёритилди.

Шартнома ва маош

Пахта даврида ёлланма теримчилар ҳамда пахта-тўқимачилик кластерлари ёки фермер хўжалиги ўртасида фуқаролик ҳуқуқий шартнома тузилади. Пахта тўқимачилик кластерлари ёки фермер хўжалигида доимий ишлаб келаётган ишчилар билан ҳам пахта териш бўйича қўшимча меҳнат шартномаси тузилиши мумкин. Шартномада меҳнат шароитлари ва иш ҳақи аниқ кўрсатилган бўлиши шарт.

Ўзбекистонда пахтани қўлда териш учун энг кам маош қонун томонидан белгиланган. 

Хусусан, ёлланма теримчиларга терим учун пуллар пахтанинг килограмми учун 1-теримда 1000 сўмдан, 2-теримда 1400 сўмдан кам бўлмаслиги керак. Ушбу нархлар шартномада белгиланади. 

Ундан ташқари, қўйидаги ҳудудларда терилган ҳар бир килограм пахта учун Давлат бюджети ҳисобидан қўшимча 200 сўм устама тўланади:  Жиззах, Сирдарё ва Тошкент вилоятларининг барча туманларида ҳамда Қорақалпоғистон Республикасининг Қонликўл, Қораўзак, Кегейли, Қўнғирот, Тахтакўпир, Хўжайли, Шуманай, Чимбой ва Нукус туманлари, Қашқадарё вилоятининг Косон, Муборак, Миришкор, Нишон, Касби, Қарши туманларида, шунингдек, Сурхондарё вилоятининг Қизириқ, Бандихон, Музработ ва Шеробод туманларида.

Теримчиларнинг ойлик маошлари ҳар 5 кунда (дам олиш кунларидан қатъий назар), зарурат бўлганда ҳар куни даланинг ўзида тарқатилади.   

Мажбурий меҳнатга йўл қўйилмайди

Бандлик ва меҳнат муносабатлари вазирлиги тмонидан 2020 йилнинг сентябрь ойи бошланишига қадар “Мажбурий меҳнатдан огоҳ бўлинг!” номли услубий қўлланмалар республиканинг барча маҳалла ходимларига тарқатилган. Бундан кўзланган асосий мақсад – махалла фуқаролар йиғини ходимларининг мажбурий меҳнат тўғрисидаги ҳабардорлигини оширишдир.

Албатта ишсиз фуқаролар қўшимча даромад топиш мақсадида ўз хоҳишларига кўра пахта теришга жалб қилиниши мумкин. Бунда уларга барча меҳнат шароитлари ва маош тўланади.

Шунингдек, бюджет ташкилотларида ишловчи ходимлар ҳам ишдан бўш вақтларида, яъни шанба ва якшанба кунлари қўшимча даромад топиш мақсадида фақатгина ўз ҳохишларига кўра пахта теримида иштирок этишлари мумкин.

58

Ўзбекистонда 1,5 миллион бола мактабга қатнаб ўқий бошлади - ХТВ

43
(Янгиланган 10:35 22.09.2020)
Мактаб фаолияти тикланмаган ўқувчиларнинг таълим олиши эса "Онлайн-мактаб" лойиҳаси доирасидаги телевизион дарслар орқали таъминланмоқда.

ТОШКЕНТ, 22 сен - Sputnik. Ўзбекистон бўйича анъанавий таълим жараёнлари бошланган мактаблар сони 4 379 тага етди, деб хабар бермоқда Халқ таълими вазирлиги матбуот хизмати.

Қайд этилишича, ҳудудлардаги эпидемиологик вазият, таълим даргоҳи ва соғлиқни сақлаш тизимининг вазиятга тайёрлигидан келиб чиққан ҳолда 21 сентябрдан бошлаб республика бўйича жами 4 379 та (43,9 фоиз) мактаб тўлақонли равишда ишламоқда.

Мазкур мактабларда 2,1 миллион нафар (34 фоиз) ўқувчи таҳсил олаётган бўлиб, улардан 1,5 миллион нафари (72 фоиз) анъанавий, қолган 595 минг нафари (28 фоиз) онлайн шаклда таълим олмоқда.

Мактаб фаолияти тикланмаган ўқувчиларнинг таълим олиши эса "Онлайн-мактаб" лойиҳаси доирасидаги телевизион дарслар орқали таъминланмоқда.

Деновда очилган 9 та мактаб яна фаолиятини тўхтатди >>>

Аввалроқ Тошкент шаҳар Халқ таълими бош бошқармаси 14 сентябрдан бошлаб 139 та мактаб ўз фаолиятини анъанавий шаклда бошлагани тўғрисида хабар берганди. Дарслар бошланганидан бир кун ўтиб, яъни 15 сентябрь куни Шайхонтоҳур туманидаги 40, 262-сонли мактабларда анъанавий ўқув жараёни коронавирус инфекцияси бўйича эпидемик вазият барқарор бўлгунга қадар вақтинчалик тўхтатилганди. Орадан икки кун ўтиб тумандаги яна бир мактабда анъанавий ўқув жараёни вақтинча тўхтатилди.

Кейинроқ Тошкент шаҳар халқ таълими бош бошқармаси 2020 йил 21 сентябрда фаолиятини анъанавий тарзда бошлайдиган мактаблар рўйхатини келтириди. Фарғонада 162 та, Самарқандда эса 38 та мактабда анъанавий дарслар бошланган.

43
Сотрудница лаборатории проводит испытания вакцины от COVID-19 в центре Гамалеи

Россияда яна бир COVID-19 га қарши вакцина синовига рухсат берилди

29
Россияда коронавирусга қарши учинчи вакцинанинг клиник синовларига рухсат берилди. У Чумаков номидаги Илмий марказ томонидан яратилган.

ТОШКЕНТ, 22 сен — Sputnik. Россия Соғлиқни сақлаш вазирлиги Чумаков номидаги Илмий марказ томонидан яратилган коронавирусга қарши вакцинанинг клиник синовларига рухсатнома берди. Бу ҳақда идора матбуот хизмати хабар қилди.

Таъкидланишича, вакцина синовларида уч мингдан зиёд кўнгилли иштирок этади ва бу Жаҳон соғлиқни сақлаш ташкилоти талабларига мувофиқ келади.

Вакцинанинг клиник синовлари яқин кунларда Киров, Санкт-Петербург ва Новосибирскда бошланади. Кўнгиллилар эмлангандан сўнг 16 кун стационарда бўлади.

Вакцинанинг клиник синовлари жорий йилнинг ноябрь ойида якунланиши кутилмоқда.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда.

Шунингдек, Россияда “Вектор” маркази томонидан яратилган вакцина клиник синовдан ўтмоқда. Куни кеча Ўзбекистон айнан “Вектор” маркази томонидан яратилган коронавирусга қарши вакцина синовларида иштирок этишга қизиқиш билдиргани маълум бўлган эди.

29
Теглар:
коронавирус, вакцина, Россия
Мавзу бўйича
Ғарб нега вакцина пойгасида ютқазмоқда: Россия аллақачон фош қилинди
Қирғизистон Россия билан вакцина етказиб беришга доир музокара олиб бормоқда
ЖССТ коронавирусга қарши вакцина учун Россияга миннатдорчилик билдирди
Беларусь коронавирусга қарши Россия вакцинаси синовларини бошламоқда
Россиянинг коронавирусга қарши вакцинаси иштирокчиларига тавсиялар эълон қилинди
Ўзбекистон COVID-19 га қарши Россия вакцинаси синовида иштирок этишга қизиқиш билдирди