Сотрудников ГУВД Ташкента строго предупредили об ответственности в случае нарушения законности и дисциплины, а также за грубое обращение с людьми

Қўпол муомалада бўлманг: Тошкент шаҳар ИИББ ходимлари огоҳлантирилди

176
Сергели ва Олмазор туманлари Ички ишлар органлари фаолиятини мувофиқлаштириш бошқармаларида Ўзбекистон ИИВнинг ишчи гуруҳи ва шахсий таркиб учрашуви бўлиб ўтди.

ТОШКЕНТ, 23 июн — Sputnik. Тошкент шаҳар ИИББ ходимлари қонун ва хизмат интизоми бузилиши, шунингдек, фуқаролар билан қўпол муомалада бўлганлик учун жавобгарлик кўзда тутилгани ҳақида огоҳлантирилди.

Пойтахт ИИББ матбуот хизмати хабарига кўра, Сергели ва Олмазор туманлари Ички ишлар органлари фаолиятини мувофиқлаштириш бошқармаларида Ўзбекистон ИИВнинг ишчи гуруҳи ва шахсий таркиб учрашуви бўлиб ўтди.

Тадбир давомида ички ишлар органлари фаолиятида фуқароларнинг ҳуқуқ ва эркинликларини таъминлаш ҳамда хизмат интизоми ва қонунийликни мустаҳкамлаш борасидаги ишлар самарадорлигини янада ошириш масалалари муҳокам қилинди.

Учрашувда ИИВнинг Кадрлар бош бошқармаси, Жиноят қидирув бош бошқармаси, Ҳуқуқбузарликлар профилактикаси бош бошқармаси масъул ходимлари ҳамда Тошкент шаҳар ИИББ Фахрийлар кенгаши раиси – Бош бошқарма бошлиғининг маслаҳатчиси истеъфодаги полковник Муроджон Каримов ва ёш ходимларнинг ота-оналари иштирок этишди.

Йиғилишда 5 ой давомидаги хизмат ҳисоботи ўқиб эшиттирилди. Хизмат интизоми бузилиши сабаблари муҳокама қилинди. Савол-жавоблар орқали шахсий таркибнинг республика ва пойтахтдаги ҳодисалар ҳақида хабардорлиги текширилди. Шахсий таркиб билан хизмат интизомини бузган ходимларнинг ҳатти-ҳаракатлари муҳокама қилинди.

“Тадбир якунида иштирокчиларни қонун ва интизом бузилиши, фуқаролар билан қўпол муомала учун жавобгарлик ҳақида огоҳонлантирилдилар”, - дейилган хабарда.

176
Спецоперация по захвату Сухроба Каримова, угрожавшего взорвать банк в Киеве

"Киевлик террорчи" Сухроб Каримов икки ойга ҳибсга олинди

70
(Янгиланган 12:30 06.08.2020)
Сал олдин, 3 август куни, Каримов Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган. Босқинчи 40 минг гривен ва журналистлар билан мулоқотни талаб қилган.

ТОШКЕНТ, 6 авг — Sputnik. Киевдаги "Универсал-банк" бўлинмаларидан бирини портлатиб юбориш билан таҳдид қилган Ўзбекистон фуқароси Сухроб Каримов теракт бўйича иш юзасидан икки ойга ҳибсга олинди. Уни гаров эвазига қўйиб юбориш чекланган. Бу ҳақда Киев прокуратураси матбуот-хизмати хабар бермоқда.

"Киев шаҳри Печерск туман суди пойтахт прокуратураси илтимосномасини қондирди ва 2020 йил 3 августда Киев марказидаги банк биносида портлаш билан таҳдид қилган Ўзбекистон фуқаросига ҳибсга олиш тарзидаги эҳтиёт чорасини танлади. Уни гаров эвазига қўйиб юбориш чекланган. Тегишли қарор 2020 йилнинг 5 августи, чоршанба куни бўлиб ўтган мажлисда қабул қилинган", - дейилади расмий баёнотда.

Каримовга Украина Жиноят кодексининг 258-моддаси 1-қисми ("Террористик ҳужумни амалга ошириш ёки уни амалга ошириш билан қўрқитиш") бўйича айблов қўйилмоқда. Ушбу моддада гумонланувчилар беш йилдан ўн йилгача озодликдан маҳрум этилиши мумкин.

Эслатиб ўтамиз, 3 август куни, Каримов, Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган.

У банк бўлинмаси раҳбаридан ташқари барча ходимларни қўйиб юборган. Раҳбар аёлни гаров олган.

Сухроб Каримов 40 минг гривен (1,44 минг доллар) ва журналистлар билан мулоқотни талаб қилган.

Амалга оширилган махсус операция натижасида Каримов қўлга олинган, уни тўғридан-тўғри эфирда қўлини қайириб, банк биносидан олиб чиқиб кетишган.

Каримовни қўлга олишда Украина телеканалларининг икки нафар журналисти кўнгилли равишда иштирок этган.

Текширувлардан сўнг Каримов ёлғон гапиргани фош бўлган: унинг рюкзагида бомба ҳам, бошқа портловчи қурилмалар ҳам бўлмаган.

Сал кейин ўзбекистонлик бу йигит психоневрологик ҳисобда туриши аниқланган.

70
Дети в детском саду

Боғчалар фаолиятини тиклашга тайёргарлик кўрилмоқда вазирлик

61
Таъкидланишича, боғчалар фаолияти тикланиши болаларни нормал маиший ҳаёт, ўйинлар ва таълим жараёнига қайтишига ёрдам беради.

ТОШКЕНТ, 6 авг — Sputnik. Мактабгача таълим ташкилотларида коронавирус пандемияси сабабли тўхтатилган фаолият жараёнини тиклашга тайёргарлик ишлари олиб борилмоқда. Бу ҳақда Мактабгача таълим вазирлиги матбуот хизмати хабар қилмоқда.

Боғчалар фаолияти тикланиши болаларни нормал маиший ҳаёт, ўйинлар ва таълим жараёнига қайтишига ёрдам беради.

Таъкидланишича, вирус тарқалиши ва уни юқтириб олиш хавфини бартараф этиш мақсадида жорий этилган тақиқ чораларини ҳисобга олган ҳолда, қўшимча хавфсизлик чоралари ҳам татбиқ этилиши кўзда тутилган.

Аммо болалар ўртасидаги оралиқ масофа, уларнинг ижтимоий фаоллиги, амалий машғулотлари ва ривожлантирувчи ўйинларига халақит бермаслиги лозим.

Вазирлик БМТ Болалар жамғармасининг кўмагида пандемия шароитида МТТларда иш жараёни қандай тамойиллар асосида ташкил этилиши тасвирланган видеоролик тайёрлади. 

61