Боинг 767-300 авиакомпании Uzbekistan Airways

“Москва-Тошкент” авиачипта нархи 700 доллардан ошгани рад этилди

336
(Янгиланган 17:18 25.06.2020)
Интернетда Uzbekistan Airways авиакомпанияси Москвадан Ўзбекистонга қайтиш авиачиптаси нархини кўтаргани, чипталар ҳатто 700 доллардан ортиқ нархларда сотилаётгани ҳақида хабарлар тарқалди.

ТОШКЕНТ, 25 июн — Sputnik. Ижтимоий тармоқларда Uzbekistan Airways авиакомпанияси Москвадан Ўзбекистонга қайтиш авиачиптаси нархини кўтаргани, чипталар ҳатто 700 доллардан ортиқ нархларда сотилаётгани ҳақида хабарлар тарқалди. Транспорт вазирлиги матбуот котиби Наврўз Ашурматов ушбу масала юзасидан изоҳ берди.

“Дастлаб Ўзбекистон фуқароларини хориждан олиб келиш учун чартер рейслар учун авиачипталар нархи минимал тарифдан ошмаслиги белгиланган эди. 2020 йилнинг апрель-май ойларида Ўзбекистонга парвоз учун чипталарни минимал тарифларда сотиш молиявий зарарга олиб келди. Чунки йўловчиларни ташиш фақат қайтиш йўналишида бир томонга амалга оширилишини ҳисобга олган ҳолда, чипталарни минимал тарифлар бўйича сотиш икки йўналишдаги рейсларнинг харажатларини қопламайди. Шундай бўлсада авиакомпания томонидан 2020 йилнинг 23 майига қадар амалга оширилган рейсларга чипталар минимал тарифлар бўйича сотилган.

“Москва-Тошкент” йўналиши учун чипталар нархи апрель–май ойларида 148 АҚШ долларини ташкил этган бўлса, 2020 йилнинг 23 майидан 1 июнига қадар 204 АҚШ долларини, 1 июндан 7 июнга қадар 289 АҚШ долларини, 8 июндан 21 июнга қадар 322 АҚШ долларини ташкил этган.

Нархлар ошиб борган бўлсада, уларнинг 700 АҚШ долларидан ошиб кетгани бўйича маълумотлар асоссиз”, - деб таъкидлади авиакомпания вакили.

 

336
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

81
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

81
Студенты в аудитории

Энди контракт тўлай олмаган талаба ўқишдан четлатилмаслиги мумкин

187
Эндиликда контрактни тўлай олмамаган талаба ўқишдан четлатилмайди, балки курсдан-курсга қолдирилиши мумкин.

ТОШКЕНТ, 9 авг — Sputnik. Ўзбекистонда энди контракт тўлай олмаган талаба ўқишдан четлатилмаслиги мумкин. Бу ҳақда АОКАдаги матбуот анжуманида олий ва ўрта махсус таълим вазири Иномжон Мажидов маълум қилди.

Вазирнинг сўзларига кўра, агар талабанинг контрактни тўлашга қурби етмаса, олий ўқув юрти вазиятни ўрганиб чиқади. Кейин шу талабага ёрдам бериб, контрактни қоплаш чорасини кўради.

“Талаба эндиликда контрактни тўлай олмаса, у четлатилмайди, балки курсдан-курсга қолдирилиши масаласи кўриб чиқилади", - деди у.

Мажидов бунда ОТМ томонидан вазият тўлиқ ўрганилгач, қарор қабул қилишини қўшимча қилди.

Шунингдек, вазир 2020-2021-ўқув йилида контракт тўлови миқдори ўзгаришсиз қолишини маълум қилди.

187

Сўх аҳолиси учун Фарғонанинг беш туманида ер ажратилади

233
Сўхликлар учун Фарғона вилоятининг Ёзёвон, Қўштепа, Бағдод, Риштон ва Бувайда туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади.

ТОШКЕНТ, 9 авг — Sputnik. Сўх тумани аҳолиси учун Фарғона вилоятининг 5 та туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади. Бу президент қарорида кўзда тутилган.

Ер вилоятнинг Ёзёвон, Қўштепа, Бағдод, Риштон ва Бувайда туманлари ҳудудида ажратилади.

Сўх тумани ҳокимига Фарғона вилояти ҳокимлиги билан келишган ҳолда 2022 йил 1 январга қадар туманни ижтимоий-иқтисодий ривожлантириш дастурига киритилган лойиҳалар учун, истисно тариқасида, суғориладиган ер майдонларидан ташқари ер участкаларини тўғридан-тўғри ажратиш ҳуқуқи берилади.

Фарғона вилояти ҳудудида марказлаштирилган маблағлар ҳисобидан амалга оширилаётган қурилиш-таъмирлаш ишларига, шунингдек, саноат корхоналарида янги ташкил этилаётган иш ўринларига Сўх тумани аҳолисини кенг жалб қилиш белгиланган.

Фарғонадан Сўхга кичик авиация транспортида қатнов йўлга қўйилади

Шунингдек, президент туманнинг иш билан бандлиги таъминланмаган аҳолисининг бир қисмини Тошкент шаҳрида йирик объектларда амалга оширилаётган қурилиш-таъмирлаш ишларига тизимли равишда жалб қилиш вазифасини топширди.

233