Евгений Примаков

“Россотрудничество’ни катта ўзгаришлар кутмоқда” янги раҳбар келгуси вазифалар ҳақида

189
(Янгиланган 16:06 29.06.2020)
Россия идораси фаолиятининг натижадорлиги оширилиб, унинг обрўси яхшиланади. Бу ҳақда Россия Федерацияси президенти томонидан янги тайинланган агентлик раҳбари Евгений Примаков Sputnik’га берган блиц-интервьюда айтди.

ТОШКЕНТ, 29 июн — Sputnik, Мария Науменко. Ташқи ишлар вазири Сергей Лавров 26 июн куни “Россотрудничество” янги раҳбари Евгений Примаковни қабул қилиши керак.

“Агентлик дуч келган муаммолар ҳақида, турли хил сабабларга кўра, обрўдан тортиб, унинг самарадорлиги ва юмшоқ кучи ҳақида ҳамма эшитган. У ерда (агентлик – таҳр.) нима қилиш кераклигини билганим учун бу лавозимга ўтишга қарор қилдим. ", Спутник." Албатта, режаларим бор, улар раҳбарият билан муҳокама қилинган. Россотрудничество’ни албатта катта ўзгаришлар кутмоқда, лекин ҳозирча бу режалар ҳақида айтишга тайёр эмасман” - деди Евгений Примаков.

Примаковни "Россотрудничество" раҳбари этиб тайинлаш тўғрисидаги фармонни Россия президенти Владимир Путин имзолади. Ишга киришидан олдин Примаков Давлат Думасининг Халқаро ишлар бўйича қўмитаси аъзоси эди.

Агентликнинг янги раҳбари - совет ва Россия дипломати, собиқ Россия ташқи ишлар вазири ва ҳукумат раиси Евгений Примаковнинг набираси.

Евгений Примаков узоқ вақт Евгений Сандро тахаллуси остида ишлаган халқаро-журналист. 2018 йилда у Россия Федерацияси президентлигига номзод Владимир Путиннинг ишончли вакили эди.

Ташкилотнинг расмий веб-сайти маълумотига кўра, МДҲ ишлари бўйича Федерал агентлик, чет элда яшаётган ватандошлар ва халқаро гуманитар ҳамкорлик (Россотрудничество) бўйича ҳозирда 80 мамлакатда 97 ваколатхонасига эга.

Бундан аввал давлат тузилмасини Элеонора Митрофанова бошқарган.

189
Младенцы

Август ойида энг кўп туғилиш қайси вилоятда қайд этилди

15
2020 йилнинг 8 ойида республика бўйича 525 280 та тирик туғилиш ҳолатлари ФҲДЁ органларида қайд этилган. Бу кўрсаткич ўтган йилнинг мос даври билан солиштирилганда 18 912 тага кўп.

ТОШКЕНТ, 30 сен — Sputnik. Жорий йилнинг август ойида Ўзбекистон бўйича 83 925  та тирик туғилиш ҳолатлари қайд этилган. Республика бўйича энг кўп туғилиш Самарқанд вилоятида (9 585 та) кузатилди.

Давлат статистика қўмитаси маълумотларига кўра, 2020 йилнинг 8 ойида республика бўйича 525 280 та тирик туғилиш ҳолатлари ФҲДЁ органларида қайд этилган. Бу кўрсаткич ўтган йилнинг мос даври билан солиштирилганда 18 912 тага кўп.

Ўтган 8 ой мобайнида ФҲДЁ органларида қайд этилган тирик туғилишлар сони бўйича Самарқанд – 63 573 та, Фарғона – 58 774 та, Қашқадарё – 55 774 та ва 50 601 та билан Андижон вилоятлари юқори ўринни эгаллаган.

Таъкидланишича, 1897 йилда Ўзбекистон ҳудудида аҳоли сони 3,9 млн. кишини ташкил этган бўлиб, бу ҳозирги Самарқанд вилояти аҳолиси (3,9 млн. киши) сонига тенг дегани.

Эслатиб ўтамиз, аввалроқ август ойида республика бўйича энг кўп никоҳ 5035 та қайд билан Фарғона вилоятида кузатилгани хабар қилинган эди.

15
Рабочие во время строительства

Ишсиз фуқароларни касб-ҳунарга ўқитиш марказлари фаолиятига доир ҳукумат қарори тайёрланди

120
Йил якунига қадар аҳоли бандлигига кўмаклашиш марказлари фаолиятини видеокузатув камералари ва “abkm.mehnat.uz” тизими орқали доимий назорат қилиш имконини берувчи Ситуацион тезкор марказни ташкил этиш режалаштирилган.

ТОШКЕНТ, 29 сен — Sputnik. “Камбағал ва ишсиз фуқароларни касб-ҳунарга ўқитиш тизимини такомиллаштириш ҳамда меҳнат органлари фаолияти самарадорлигини оширишнинг қўшимча чора-тадбирлари тўғрисида” ҳукумат қарори лойиҳаси умумий муҳокамага қўйилди.

Ҳужжатда баён этилишича, Бандлик ва меҳнат муносабатлари вазирлиги тизимидаги Тошкент шаҳри Яшнобод туманидаги банд бўлмаган аҳолига хизмат кўрсатувчи “Ишга марҳамат” мономаркази масъулияти чекланган жамияти Тошкент шаҳридаги “Ишга марҳамат” мономаркази давлат муассасаси этиб қайта ташкил этилади.

Қорақалпоғистон Республикаси ва вилоятларда “Ишга марҳамат” мономарказлари давлат муассасалари шаклида ташкил этилади. Бунда: Тошкент шаҳридаги “Ишга марҳамат” мономаркази бош муассаса сифатида Қорақалпоғистон Республикаси ва вилоятларда ташкил этиладиган “Ишга марҳамат” мономарказларига ўқув-методик жиҳатдан раҳбарлик қилади, улар томонидан аҳолига кўрсатилаётган хизматлар, жумладан, касб-ҳунарга, тадбиркорлик кўникмаларига, хорижий тилларга ўқитиш, ички ва ташқи меҳнат бозорида бандликка кўмаклашиш, касбий малакани баҳолаш бўйича фаолиятни мувофиқлаштиради.

Шунингдек, 2021 йил 1 январгача меҳнат органлари томонидан аҳолига кўрсатилаётган хизматлар сифатини мониторинг қилиш мақсадида вазирлик марказий аппарати ҳузурида аҳоли бандлигига кўмаклашиш марказлари фаолиятини видеокузатув камералари ва “abkm.mehnat.uz” тизими орқали доимий назорат қилиш имконини берувчи Ситуацион тезкор марказни ташкил этиш режалаштирилган.

“Бандлик ва меҳнат муносабатлари вазирлигининг қуйидаги таклифлари маъқуллансин:

а) жамоат ишларида, шунингдек бандликни таъминлаш бўйича субсидия ажратилишида шаффофликни таъминлаш, суистеъмолликларни олдини олиш мақсадида жамоат ишларида иштирок этаётган ва субсидия олаёнган фуқароларнинг биометрик авторизация ва GPS-треккинг тизимларини жорий этиш;  

б) меҳнат органларига мурожаат этаётган, айниқса, ишсиз ёшлар
ва хотин-қизлар, қайтиб келаётган меҳнат мигрантларини меҳнат бозорига мослаштириш (реинтеграция қилиш), жумладан улар билан якка тартибда суҳбатлар ўтказиш асосида ижтимоий, психологик ва бошқа синаб кўриш усулларидан фойдаланган ҳолда ҳар бир шахснинг соғлигини, касбий қизиқишини, қобилиятини, шахсий хусусиятларини ўрганиб, касб-ҳунарга мойиллигини аниқлаш, иш берувчи билан суҳбатга тайёрлаш, меҳнат жамоасида ишлаш кўникмаларига ўргатиш, меҳнат фаоллигини оширишга рағбатлантириш мақсадида аутсорсинг шартларида психолог мутахассисларни жалб этиш;

психолог мутахассислар меҳнатига ҳақ тўлашни Бандликка кўмаклашиш давлат жамғармаси маблағлари ҳисобидан амалга ошириш”, - дейилган лойиҳада.

Қарор лойиҳасига Ўзбекистон Республикаси Бандлик ва меҳнат муносабатлари вазирлигининг “Ишга марҳамат” мономарказлари тўғрисида низом илова қилинган.

120
Добыча нефти в США

Нефт қачон тугаши маълум бўлди

7
Нефт даври қачон тугаши, ундан кейин инсоният қандай ёнилғига ўтиши ва энг истиқболли энергия манбаалари ҳақида Total экспертлари нима деди.

ТОШКЕНТ, 29 сен — Sputnik. Франциянинг нефт-газ компанияси Total 2030 йилдан сўнг нефт даври тугашини маълум қилди. Бу ҳақида Bloomberg хабар қилмоқда.

Total экспертлари ишонч билдиришига кўра, инсоният секин аста бошқа энергия манбааларига ўта бошлайди. Хусусан - табиий газ. Ушбу ёнилғи - жаҳон бозорида асосий рол ўйнайди.

Шунингдек, 2050 йилга келиб электр энергиясига бўлган талаб ошади. Ўша вақтга электр энергияси инсониятнинг энергияга бўлган талабининг 40%ини қондиради. Ҳозир унинг улуши 20%ни ташкил қилмоқда.   

Total компанияси ўз ресурсларини қуёш ва шамол энергияси соҳасига йўналитиришни режалаштирмоқда. Шунингдек аккумуляторлар ишлаб чиқариш ва электромобиллар учун қувватлаш станциялари қуриш соҳаларига ҳам инвестиция киритишни устувор вазифа сифатида белгилаган. 

7