Надпись Карантин

Тоифадаги ҳудудлар рўйхати яна янгиланди

633
(Янгиланган 14:04 06.07.2020)
Республикадаги 28 та туман ва шаҳарлар “қизил” ҳудудга, 57 таси “сариқ” ҳудудга, 118 та туман ва шаҳарлар эса “яшил” ҳудуд тоифасига киритилган.

ТОШКЕНТ, 6 июл — Sputnik. Санитария-эпидемиологик осойишталик агентлиги коронавирус инфекциясининг тарқалиши билан боғлиқ эпидемиологик вазиятдан келиб чиққан ҳолда туман (шаҳар)ларнинг тоифаларини ўзгартирди.

2020 йил 4 июль ҳолатига кўра янгиланган рўйхат:

1.Қорақалпоғистон Республикаси

“Қизил” ҳудуд: Нукус шаҳар, Қўнғирот тумани,  Беруний тумани.

“Сариқ” ҳудуд: Амударё тумани.

“Яшил” ҳудуд: Қанликўл тумани, Қораўзак тумани, Кегейли тумани, Мўйноқ тумани, Нукус тумани, Тўрткўл тумани, Чимбой тумани, Шуманай тумани, Элликқальа тумани, Тахиатош тумани, Тахтакўпир тумани, Бўзатов тумани, Хўжайли тумани.

2.Андижон вилояти

“Сариқ” ҳудуд: Андижон шаҳар, Олтинкўл тумани, Балиқчи тумани, Пахтаобод тумани.

“Яшил” ҳудуд: Хонобод шаҳар, Бўз тумани, Булоқбоши тумани, Қўрғонтепа тумани, Марҳамат тумани, Улуғнор тумани, Хўжаобод тумани, Жалақудуқ тумани, Шаҳрихон тумани,  Асака тумани, Андижон тумани, Избоскан тумани.

3.Бухоро вилояти

“Қизил” ҳудуд: Вобкент тумани, Ғиждувон тумани, Жондор тумани, Шофиркон тумани.

“Сариқ” ҳудуд: Бухоро шаҳар.

“Яшил” ҳудуд: Бухоро тумани, Олот тумани, Когон шаҳар, Қоракўл тумани, Пешку тумани, Ромитан тумани, Когон тумани, Қоровулбозор тумани.

4.Жиззах вилояти

“Қизил” ҳудуд: Ғаллаорол тумани, Дўстлик тумани, Шароф Рашидов тумани.

“Яшил” ҳудуд: Жиззах шаҳар, Анасой тумани, Бахмал тумани, Зомин тумани, Зарбдор тумани, Зафаробод тумани, Мирзачўл тумани, Пахтакор тумани, Фориш тумани, Янгиобод тумани.

5.Қашқадарё вилояти

“Қизил” ҳудуд: Ғузор тумани.

“Сариқ” ҳудуд: Қарши шаҳар, Қарши тумани, Косон тумани, Китоб тумани, Мубоpак тумани, Чироқчи тумани.

“Яшил” ҳудуд: Шаҳрисабз шаҳар, Деҳқонобод тумани, Қамаши тумани, Касби тумани, Миришкор тумани, Нишон тумани, Шаҳрисабз тумани, Яккабоғ тумани.

6.Навоий вилояти

“Қизил” ҳудуд: Заpафшон шаҳар.

“Сариқ” ҳудуд: Навоий шаҳар.

“Яшил” ҳудуд: Кармана тумани, Қизилтепа тумани, Навбаҳор тумани, Нурота тумани, Томди тумани, Конимех тумани, Учқудуқ тумани, Хатирчи тумани.

7.Наманган вилояти

“Қизил” ҳудуд: Наманган шаҳар, Норин тумани, Поп тумани, Уйчи тумани, Учқўрғон тумани, Янгиқўрғон тумани.

“Сариқ” ҳудуд: Наманган тумани, Тўрақўрғон тумани, Чуст тумани.

“Яшил” ҳудуд: Чоpтоқ тумани, Мингбулоқ тумани, Косонсой тумани.

8.Сирдарё вилояти

“Қизил” ҳудуд: Сайхунобод тумани, Гулистон шаҳар.

“Сариқ” ҳудуд: Гулистон тумани, Боёвут тумани, Ховос тумани.

“Яшил” ҳудуд: Ширин шаҳар, Сирдарё тумани, Мирзаобод тумани, Оқолтин тумани, Янгиер шаҳар, Сардоба тумани.

9.Самарқанд вилояти

“Сариқ” ҳудуд: Самарқанд шаҳар, Самарқанд тумани, Пайариқ тумани, Тайлоқ тумани, Каттақўрғон тумани, Ургут тумани,Нарпай тумани.

“Яшил” ҳудуд: Қўшработ тумани,  Нуробод тумани, Булунғур тумани, Пахтачи тумани, Каттақўрғон шаҳар, Пастдарғом тумани,  Иштихон тумани, Оқдарё тумани, Жомбой тумани.

10.Сурхондарё вилояти

“Қизил” ҳудуд: Музробод тумани.

“Сариқ” ҳудуд: Термиз шаҳар, Бойсун тумани, Денов тумани,   Жарқўрғон тумани, Қумқўрғон тумани, Шўрчи тумани.

“Яшил” ҳудуд: Сариосиё тумани, Термиз тумани, Ангор тумани, Узун тумани, Қизириқ тумани, Бандихон тумани,  Олтинсой тумани, Шеробод тумани.

11.Тошкент вилояти

“Қизил” ҳудуд: Чирчиқ шаҳар, Бекобод тумани, Зангиота тумани, Қибрай тумани, Ўрта Чирчиқ тумани, Тошкент тумани.

“Сариқ” ҳудуд: Оҳангарон шаҳар, Бекобод шаҳар,  Янгийўл шаҳар, Оққўрғон тумани, Бўстонлиқ тумани, Паркент тумани, Пискент тумани, Чиноз тумани,  Юқори Чирчиқ тумани, Янгийўл тумани.

“Яшил” ҳудуд: Олмалиқ шаҳар, Ангрен шаҳар, Нурафшон шаҳар, Оҳангарон тумани, Бўка тумани, Қуйи Чирчиқ тумани.

12.Хоразм вилояти

“Қизил” ҳудуд: Урганч шаҳар.

“Сариқ” ҳудуд: Хива шаҳар, Урганч тумани, Хазорасп тумани, Хонқа тумани.

“Яшил” ҳудуд: Хива тумани, Тупроққалъа тумани, Қўшкўпир тумани, Янгиариқ тумани, Шовот тумани, Янгибозор тумани, Боғот тумани, Гурлан тумани.

Фарғона вилоятидаги барча туманлар “яшил”, Тошкент шаҳрида барча туманлар эса “сариқ” ҳудуд саналади.

633
Здание МВД Узбекистана в Ташкенте

ИИВ фуқароларга огоҳлантириш билан чиқди

97
Вазирлик хабарига кўра, ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

ТОШКЕНТ, 29 окт — Sputnik. Ўзбекистон Ички ишлар вазирлиги фуқароларга огоҳлантириш билан чиқди.

Хабарда ёзилишича, айни кунларда ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

“Шу муносабат билан, ижтимоий тармоқ фойдаланувчиларига турли радикал, диний экстремистик ва ислом динига ёт бўлган ғояларни тарғиб қилувчи маълумотларни тайёрлаш, сақлаш ва тарқатиш Ўзбекистон Республикаси Жиноят кодексининг 156-модда (Миллий, ирқий, этник ёки диний адоват қўзғатиш), 244 прим 3-модда  (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) ларида белгиланган жавобгарликка тортилишига сабаб бўлиши ҳақида огоҳлантирамиз”,  - дейилган хабарда.

Ижтимоий тармоқ фойдаланувчиларидан (журналист, блогер ва фуқаролар) омма эътиборига ҳавола қилинаётган маълумотларни аввало қонунга хилоф эмаслигини ўрганиб чиқиш сўралган.

97
Ёдгор Саъдиев стал новым директором Узбекского национального академического драматического театра

Ёдгор Саъдиев миллий академик драма театри директори этиб тайинланди

97
Озодбек Назарбеков Ёдгор Саъдиев Ўзбек миллий академик драма театри директори лавозимига тайинланганини маълум қилди.

ТОШКЕНТ, 29 окт — Sputnik. Ўзбекистон халқ артисти Ёдгор Саъдиев Ўзбек миллий академик драма театри директори этиб тайинланди. Бу ҳақда Маданият вазирлиги матбуот хизмати хабар қилди. 

Театрда жамоаси билан йиғилиш Маданият вазири, Ўзбекистон халқ артисти Озодбек Назарбеков Ёдгор Саъдиев  Ўзбек миллий академик драма театри директори лавозимига тайинланганини маълум қилди.

Ёдгор Саъдиев 1946 йилда Тошкентда таваллуд топган. 1989 йили Давлат мукофоти, 1990 йили “Ўзбекистонда хизмат кўрсатган артист”, 1998 йили “Ўзбекистон халқ артисти” фахрий унвонлари, 2005 йили “Меҳнат шуҳрати” ордени, 2016 йили “Қорақалпоғистон Республикаси халқ артисти” фахрий унвони, 2018 йил “Фидокорона хизматлари учун” ордени билан билан тақдирланган.

1971-1987 йилларда Ўзбек давлат академик драма театри актёри сифатида фаолият олиб борган. 1987-1992 йилларда Ўзбек давлат драма театрида ижод қилган.

1992-1998 йилларда яна Ўзбек давлат академик драма театрида ишлади. 1998-2012 йилларда “Қалқон” киностудияси бадиий раҳбари лавозимида фаолият юритган.

2012 йилдан буён яна Ўзбек миллий академик драма театрида актёр сифатида ишлаб келмоқда.

“Ўзбеккино” Миллий агентлиги Бадиий кенгаши аъзоси Ёдгор Саъдиев 20га яқин фильмларда такрорланмас роллар ижро этиб, "Шайтанат" ва "Иблис девори" каби бадиий асарларда режиссёрлик қилган.

Эслатиб ўтамиз, театр директори лавозимида ишлаб келаётган Ўзбекистонда хизмат кўрсатган артист Фатхулла Маъсудов жорий йилнинг 30 август куни коронавирус сабаб вафот этган эди.  

97
Свеча, гвоздики

Машҳур турколог олим Андрей Кубатин вафот этди

29
Андрей Кубатин вафоти муносабати билан ижтимоий тармоқ фойдаланувчилари олимнинг оиласига, биринчи галда турмуш ўртоғига чуқур ҳамдардлик изҳор қилишмоқда

ТОШКЕНТ, 29 окт - Sputnik. Турколог олим Андрей Кубатин 36 ёшида коронавирус касаллигидан оламдан ўтди. Бу ҳақда Кубатиннинг ижтимоий тармоқдаги саҳифаларида хабар берилди.

Айни вақтда ижтимоий тармоқларда олим вафоти муносабати билан унинг яқинларига ҳамдардлик билдирилмоқда.

Андрей Кубатин 2019 йил декабрдан буён Ўзбекистон ФА Миллий археология марказида фаолият юритиб келаётганди.

"Ўзбек илм дунёси умидли олимидан айрилди. Тўлдирилиши қийин бўлган йўқотиш... Минг афсуски, унинг ҳали қиладиган ишлари кўп эди... Инна лиллаҳи ва инна илайҳи рожиъун, Аллоҳ раҳматига олсин", - деб ёзган Кубатинни таниган инсонлардан бири.

Тошкент давлат шарқшунослик институтининг катта ўқитувчиси бўлиб ишлаган ёш олим 2017 йили Жиноят кодексининг 157-моддаси ("Давлатга хоинлик қилиш") назарда тутилган жиноятларни содир этишда айбланиб ҳибсга олинганди. Ўша йили Кубатинга нисбатан 11 йилга озодликдан маҳрум қилиш жазоси тайинланган.

2019 йил 26 сентябрь куни Тошкент вилояти судида Кубатиннинг иши қайта кўриб чиқилган ва олим тўлиқ оқланиб, суд залидан озод этилган. 

29