Свадебные кольца

Пойтахтда уч марта ўтказилган битта тўйда 79 киши COVID-19 юқтириб олди

359
(Янгиланган 13:44 08.07.2020)
Ўзбекистонда тўйга борган 110 киши коронавирус юқтириб олган. Пойтахтнинг Юнусобод туманидаги оила 30 кишилик чекловга риоя қилиш мақсадида битта тўйни уч марта ўтказган.

ТОШКЕНТ, 8 июл — Sputnik. Сўнгги 14 кунда аниқланган коронавирус ҳолатларининг 52 фоизи чет элдан келган фуқароларда, 48 фоизи эса мамлакат аҳоли орасида аниқланган. Бу ҳақда соғлиқни сақлаш вазири Алишер Шодмонов “Ўзбекистон 24” телеканалига берган интервьюсида маълум қилди.

Вазирнинг сўзларига кўра, аҳоли орасида тўй, турли маросим ва оилавий тадбирлар вируснинг тарқалишига хизмат қилаяпти.

“Масалан, 4 та тўйда 110 та касаллик аниқланган, бундан ташқари, биргина Юнусобод туманида ўтказилган тўйда 79 киши вирус юқтириб олган. 30 кишилик лимитга риоя этиш учун бир кунда уч марта тўй қилган”, - деди ССВ раҳбари.

Охирги бир ойда “Ўрикзор”да 35 та, “Юнусобод” бозорида 39 та, “Чорсу”да 11 та, “Абу Сахий”да 47 та, Чилонзор буюм бозорида 52 та коронавирус ҳолати аниқланган. Шунингдек, қурилиш ташкилотларида 200 дан ортиқ кишида вирус қайд этилган.

Сурхондарёда ҳашаматли тўй оммавий карантин билан тугади

Ўзбекистонда аниқланган коронавирус ҳолати 10 838 тага етган. Беморларнинг 6 811 нафари тузалишга муваффақ бўлган. 41 киши эса вирус қурбонига айланган.

359
Теглар:
Тошкент, Ўзбекистон, коронавирус
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

90
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

90

Ўзбекистонда коронавирус: 7та вилоятда янги ҳолатлар

565
(Янгиланган 13:32 25.11.2020)
Ўзбекистонда яна 59 кишида коронавирус аниқланди, республика бўйлаб коронавирус инфекцияси қайд этилганлар сони 72 098 нафарни ташкил қилмоқда.

ТОШКЕНТ, 25 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

25 ноябрь coaт 13:00 га қадар 59 кишида коронавирус аниқланди, Ўзбекистонда коронавирус инфекцияси қайд этилганлар сони 72 098 нафарни ташкил қилмоқда.

Янги касалланиш ҳолатларининг: Андижон (3 нафар), Бухоро (5), Жиззах (5), Қашқадарё (5), Наманган (6), Сирдарё (12), Тошкент (23) вилоятларида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 69 302 нафарга етди. Соғайиш кўрсаткичи 96 фоиз.

Айни пайтда 2 191 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 605 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 59,8 миллиондан ошди, 1,4 миллиондан ортиқ киши вафот этди, 38,3 миллиондан ортиқ киши тузалди. Энг кўп ҳолатлар АҚШда (12,6 млн), Ҳиндистонда (9,2 млн), Бразилияда (6,1 млн).

565
Мавзу:
COVID-19 умумжаҳон пандемияси