Вазиятнинг энг ёмонига ҳам тайёр бўлишимиз керак  - Эркинжон Турдимов

272
(Янгиланган 11:08 20.07.2020)
Самарқандда, коронавирус бўйича вазият ёмонлашувига жиддий тайёргарлик кўрилди: шифохоналарда 8000 ўрин, 2 ойлик дори-дармон заҳиралари тайёрлаб қўйилган.

ТОШКЕНТ, 20 июл – Sputnik. Самарқанд вилояти ҳокими Эркинжон Турдимов вилоятда COVID-19га чалинган беморлар сони ошишига қандай тайёргарлик кўрилаётгани ҳақида батафсил ҳикоя қилиб берди.

Турдимов айтишига кўра вилоят коронавирус бўйича вазият ёмонлашувига жиддий тайёргарлик кўрмоқда. Шифохонларлда заҳира ўринлар, 2 ойлик дори-дармон заҳиралари, керакли тиббий ускуналар - буларнинг барчаси касаллар сони ошишига тайёрлаб қўйилган.

Вилоятда қуйидаги  эҳтиёт чоралари кўрилган:

  • COVID билан касалланганлар учун 8000 мингта ўрин, оғир беморлар учун 100 та жонлантириш ўринлари тайёрланган;
  • тез ёрдам рақами (103) учун 24 та рақамли телефон аппарати ва операторлар ишга туширилган;  
  • телефон орқали тиббий маслаҳат (1105) хизмати ҳам йўлга қўйилган; 
  • вилоятдаги 34 та портатив рентген аппаратларнинг барчаси коронавирус билан ишлашга ўтказилган, қўшимча яна 2та махсус аппарат сотиб олинган;
  • COVIDни даволаш учун керакли 65та дориларнинг 2 ойлик заҳираси тайёрланган. Коронавиурсга чалинган барча беморларга дорилар вилоят бюджети ҳисобидан бепул етказиб берилади;
  • Ундан ташқари, COVID аниқланган ҳолларда беморни аниқлаш ва унининг жойлаштиришнинг махсус тартиби жорий этилган.

Ушбу тартибга кўра, коронавирусга шубҳа қилинган беморнинг уйига шифокор бормайди. Биринчи босқичда бемор тез ёрдам ходимлари томонидан махсус Қабул пунктига олиб келинади. У ерда беморга 1 куни ичиша аниқ ташҳис қўйилади ва кейин шунга қараб бемор керакли жойга йўналтирилади.

“Шифокорлар COVID билан касалланган беморнинг уйига бормайди. Чунки бунда шифокорнинг ўзига ҳам касаллик юқиши мумкин. Агар шифокорлар касал бўлса эртага вирусга қарши ким курашади? Шифокорлар бугун бизнинг олтин фондимиз. Уларни асрашимиз керак. Мен ўзим кўрдим уларнинг 99% ўз ишини аъло даражада бажараяпти. Моддий томондан ёрдам бера олмасак ҳам маънавий томонда қўллаб-қувватлашимиз керак”, - деди вилоят ҳокими.

Турдимов шунингдек,вилоят соғлиқни сақлаш бўлими билан биргаликда қишлоқ поликлиникалари врачларини ҳам махсус йўриқномалар берилгани ва тайёрларлик кўрилгани ҳақида айтиб ўтди. Хусусан, у ерда ишлайдиган шифокорларга Uzmobile компанияси томонидан 800та мобил алоқа телефонлари берилган бўлиб, беморлар керак бўлганда шифокорлар билан уланиш имконияти яратилган.

Шу билан бирга вилоят ҳокими касаллик белгилари пайдо бўлганда, ўз-ўзини даволамасдан дарҳол шифокорга мурожаат қилишни маслаҳат берди. 

"Профилактика керак, эҳтиёткорлик керак, лекин белгилар пайдо бўлганда, албатта мутахассига мурожаат қилинг", - дейди Турдимов. 

Бундай дейишга сабаб бир неча кун олдин Самарқандда бўлган воқеа сабаб бўлган. Ёш йигит коронавирусга чалинган, лекин буни оддий шамоллаш дей ўйлаб ўзи даволаниб юраверган. 5-6 куни ўтиб аҳволи оғирлашган, ҳарорати 40 даражага чиқиб кетган ва ҳушини йўқотиб қўйиган. Шунидан сўнг унинг онаси шифокорларга мурожаат қилган. Бемор дарҳол жонлантириш бўлимига ётқизилган ва бугунни кунда тузалиб кетган. Агна шундай воқеаларни олдини олиш керак, дейди Турдимов. 

 

 

272
Жители Ташкента по возможности приобретают маски для профилактики вируса

Ўзбекистонда карантин қачон бекор қилинади - эксперт жавоби

142
(Янгиланган 07:15 04.08.2020)
Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган

ТОШКЕНТ, 4 авг - Sputnik. Коронавирусга қарши кураш штаби аъзоси Ҳабибулло Оқилов АОКА залида бўлиб ўтган матбуот анжуманида 15 августдан кейин карантин чоралари юмшатиладими, деган саволга жавоб берди.

Эслатиб ўтамиз, июль ойининг охирида Республика махсус комиссияси қарори билан Ўзбекистонда жорий этилган карантин чекловлари 15 августга қадар узайтирилган эди.

Оқиловнинг қайд этишича, олдинда ҳали салкам икки ҳафта вақт бор. Агар шу вақт давомида пасайиш динамикаси қайд этилса, карантинни юмшатса бўлади.

"Худди шу динамика қайд этилса, яъни ўтган кунларда касаллик қайд этилиши 700 дан ошган бўлса ва бугун 513 тага тушган бўлсак, кейинги кунларда 500, 450 қайд этилиб, шу рақамлар атрофида касаллик аниқланса, албатта, 15 августдан кейин карантинни юмшатса бўлади. Ва биз ушбу таклиф билан Республика махсус комиссиясига чиқишимиз мумкин", - деб айтган Оқилов.

Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган.

Мамлакат Соғлиқни сақлаш вазирлиги тақдим этган сўнгги маълумотларга кўра, айни пайтда тиббиёт муассасаларида даволанаётган 8 880 нафар бемордан 927 нафари оғир, 224 нафари эса ўта оғир аҳволда. Коронавирус инфекцияси қурбонлари сони 159 нафарни ташкил этмоқда.

142
Мавзу:
COVID-19 умумжаҳон пандемияси
Врачи в госпитале для лечения зараженных коронавирусной инфекцией COVID-19

Ўзбекистонда коронавирус: 3 август асосий хабарлари

997
Бир сутка давомида 238 кишида коронавирус аниқланди, Ўзбекистонда коронавирус инфекцияси қайд этилганлар сони 26 066 нафарни ташкил қилмоқда.

ТОШКЕНТ, 3  авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 238 кишида коронавирус аниқланди, Ўзбекистонда коронавирус инфекцияси қайд этилганлар сони 26 066  нафарни ташкил қилмоқда.

Янги касалланиш ҳолатларининг 117 нафари Тошкент шаҳрида, 114 нафари Тошкент вилоятида ҳамда 7 нафари Андижон вилоятида тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 331 нафар бемор тузалиб, ўз уйларига кузатилди. Республика бўйлаб жами соғайганлар сони 16 838 нафарга етди.

Айни пайтда 9 071 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида тўрт бемор – Тошкент вилоятида 60 ёшли аёл ва 67 ёшли эркак, Тошкентда 69 ёшли ва 49 ёшли аёллар вафот этди.

Уларга “COVID-19” инфекциясининг ўта оғир кечиши, икки томонлама пневмония ташхиси қўйилган. Ҳамроҳ касалликлар (юрак ишемик касаллиги, стенокардия, гипертония, қандли диабет) билан ҳам оғриган. Ўтказилган реанимацион муолажаларга қарамасдан беморлар ўткир юрак қон-томир, нафас ва полиорган етишмовчилиги
дан вафот этган.

Ўзбекистонда жами 157 киши пандемия қурбони бўлди.

Дафн маросимини ўтказиш тартиби

Ўзбекистон мусулмонлари идораси Уламолар кенгаши аъзоси Мирзамақсуд Алимов пандемия шароитида дафн маросимини ўтказиш тартибини маълум қилди.

Унинг сўзларига кўра, оммавий дафн маросимлари вирус тарқалиши учун қулай фурсатдир. Дафн маросимларида кўпчилик йиғилмаслиги лозим.

“Дафнга келганлар ижтимоий масофа – 1,5 метр оралиқни сақлашлари, тиббий ниқоб ва қўлқоп тақишлари, антисептик воситалар билан қўлларини тозалаб туришлари керак. Ўзаро кўришишни вақтинча тарк этиш муҳим”, - деди у. Бу ҳақда тўлиқ.

ОТБ кредит маблағи

Осиё тараққиёт банки (ОТБ) Ўзбекистоннинг соғлиқни сақлаш соҳасидаги фавқулодда вазиятларга, жумладан, коронавирус пандемиясига барқарорлигини ошириш учун 100 миллион доллар миқдорда қарз маблағларини ажратишни маъқуллади. Лойиҳа доирасида COVID-19 га тест олиш, ташхис қўйиш тизимини яхшилаш режалаштирилмоқда. 

Дунё саломатлиги

Дунё бўйлаб инфекцияни юқтириб олган кишиларнинг сони 18 миллионга етди, 689 минг киши вафот этди, 10,7 киши тузалди. Энг кўп ҳолатлар АҚШда (4,7 млн), Бразилияда (2,7 млн), Ҳиндистонда (1,8 млн).

 

997
Мавзу:
COVID-19 умумжаҳон пандемияси

Лукашенконинг собиқ рақиби дунёнинг 32 етакчисига мактуб ёзди

15
Президентлик пойгасида Александр Лукашенконинг рақиби бўлган Валерий Цепкало 30дан ортиқ давлат етакчиларига мактуб ёзди ва унда айни вақтда Беларусь ҳукумати мамлакатда сайлов жараёнининг эркин ва адолатли ўтказилишига фаол тўсқинлик қилаётгани ҳақида баён этди

ТОШКЕНТ, 4 авг — Sputnik. Беларус президенти лавозимига даъвогарлик қилган собиқ номзод, Юқори технологиялар парки собиқ раҳбари Валерий Цепкало дунёнинг 32 давлат етакчиларига республикада эркин сайловларни ташкил этишда ёрдам сўраб мактуб йўллади, деб хабар бермоқда РИА Новости.

Айни вақтда Беларусда сайлов кампанияси бўлиб ўтмоқда, асосий овоз бериш куни 9 августга белгиланган. Муддатдан олдин овоз бериш 4 август куни бошланади. Президент лавозимига беш киши даъвогарлик қилмоқда, улар орасида олтинчи марта ўз номзодини президентликка илгари сурган амалдаги давлат раҳбари Александр Лукашенко ҳам бор.

"Бутун Беларус халқи номидан овоз бериш ва овозларни санашда халқаро кузатувни ташкил этишда қўллаб-қувватлашингизни, давлатингиз ҳудудида истиқомат қилувчи Беларус фуқаролари учун ҳам ушбу овоз бериш жараёнининг ўтказилишини қўллаб-қувватлашингизни сўрайман", - деб ёзган Цепкало.

У шунингдек, Беларусь оппозицияси мақсади - Светлана Тихановская ғалабаси эканлигини айтган. Сиёсатчининг сўзларига кўра, Тихановская давлат раҳбари этиб сайланган тақдирда, олти ойгача бўлган муддатда янги президент сайловлари ўтказилади ва унда барча номзодлар, жумладан, қамоқда бўлганлари ҳам иштирок этади.

Икки ҳафта бурун Цепкалонинг шошилинч тарзда Москвага йўл олгани хабар қилинган эди. Сиёсатчининг рафиқаси Беларусда қолган. РИА Новости билан суҳбатда, Цепкало, айни вақтда ҳибсга олиниши хавфи борлиги учун ватанга қайтиш нияти йўқлигини маълум қилган. Ўтган ҳафтада сиёсатчи Украинага етиб келган.

15