Юпқа нонни истеъмол қилиш соғлом овқатланишнинг бир қисми сифатида қабул қилина бошланди. Лаваш ҳақиқатан ҳам оддий нондан кўра фойдалироқми, бу ҳақда Sputnik радиосига эксперт Сергей Малоземов гапириб берди.
Тандирнинг ички деворида пиширилган, буғдой унини намакоб сув билан аралашмасидан тайёрланган юпқа нон кўпчиликнинг қалбини забт этди. Лавашнинг фойдаси ҳақида афсоналар кўпайиб кетган, у столда одатий оқ нонни сиқиб чиқармоқда. Аммо оддий нонни лаваш билан алмаштиришдан кўп ҳам мўъжиза кутиб бўлмайди, дейди “Живая еда с Сергеем Малоземовым” дастурининг муаллифи ва бошловчиси Сергей Малоземов Sputnik радиосига берган интервьюсида.
“Лаваш оддий нондан кўра кўпи билан 20-30% га фойдалироқ, яъни жудаям аҳамиятли эмас. Одатда, лавашда камроқ шакар фойдаланилади, лекин баъзида унда керагидан кўп туз ишлатилади. Лавашнинг яни бир эътиборга лойиқ томони бор – у камроқ ҳажмда талаб этилади, у анчагина зич, у ўзида анча кўп нарса ушлаб тура олади, худди шу роллар каби. Шунинг хисобига сиз камроқ зарарли тез углеводларни истеъмол қиласиз. Таркиби жиҳатидан, таркибида шакарнинг озлигини ҳисобга олмасак, аслида у оқ ноннинг ўзгинаси”, - дея тушунтиради Сергей Малоземов.
Экспертнинг таъкидлашича, лавашнинг асосини крахмал ташкил этади, у глюкоза молекулалари бирлашуви бўлиб, бир зумда танада ажралиб кетади. Диетологларнинг тилида бу “яширин шакар” деб номланади.
Малоземовнинг фикрига кўра, лавашнинг машҳурлигида маркетингнинг маълум бир улуши бор. Худди шу нарса, масалан, бейглларга ҳам тегишли, деб ҳисоблайди эксперт.
“Бу баъзида сендвичлар тортиладиган тешик кулчалар. Таркиби нуқтаи назаридан, у оқ нон билан бир хил, аммо у янада замонавийроқ янграйди, қизиқроқ янграйди, ва шу билан ўзига жалб қилади. Бу билан ўзингизни алдашни кераги йўқ”, - деб тушунтирди Сергей Малоземов.
