Таниш-билишлар шифокорлар ишига халал бермоқда Самарқанд ССБ бошлиғи

363
(Янгиланган 11:08 23.07.2020)
Касаллик кечиши оғирлашди, аҳоли карантин чораларига эътибор қилмай қўйди, таниш-билишлар шифокорларга қўнғироқ қилиб ишлашга халал бермоқда - Самарқан ССБ коронавирус билан боғлиқ вазият ҳақида.

ТОШКЕНТ, 23 июл – Sputnik. Кеча Самарқанд вилояти ҳокимлигида бўлиб ўтган брифингда вилоят Соғлиқни сақлаш бошқармаси бошлиғи Давронбек Жуманиёзов Самарқандда коронавирусга қарши кураш қандай олиб борилаётгани ҳақида батафсил маълумот берди.

Бош шифокор айтишига кўра, бугунги кунда коронавирус касаллиги кечиши оғирлашган. Эпидемия бошида 70-75 % беморларда касаллик енгил ёки симптомсиз кўринишда кечган бўлса, бугунги кунда касалланганларнинг 50 %да икки томонлама оғир пневмония кузатилмоқда. 

Устига устак, эпидемия бошида аҳоли карантин қоидаларига жиддий амал қилиб, уйида қолган бўлса, ҳозир касаллик янада оғир ва хавфли кўринишда кечаётган вақтда деярли ҳеч ким карантинга амал қилмай қўйган, дейди шифокор. Шу сабаб ҳам аниқланаётган касалларнинг 100% жамоатчилик орасида. 

Яна бир муаммо, коронавирус аниқланган беморнинг қариндошлари томонидан пайдо бўлмоқда. Бемор касалхонага ётқизилиши билан дарров унга овқат, ичимликлар ва дори-дармон олиб келиш бошланади. Ваҳоланки ушбу бемор билан мулоқотда бўлган қариндошларида ҳам вирус мавжуд бўлиши мумкин. Улар касалхонага етиб келгунича магазинда, таксида яна бир неча кишига вирус юқтиришлари мумкин, дейди шифокор.

Касалхоналарда беморлар учун керакли бўлган барча дори дармон, етарлича овқат ва ичимликлар бор. Беморлар ССВ ва ЖССТ томонидан тасдиқланган регламент асосида даволанади ва уларга қўшимча дори-дармон беришга рухсат этилмайди.

Шифокор айтишига қараганда, касалхоналарга оғир аҳволда келаётган беморлар орасида ўз-ўзини даволаб, антибиотиклар ичиб оғир аҳволга тушиб қолганлар ҳам жуда кўп. Антибиотик - коронаивирусни даволамайди. Касаллик бошида антибиотик ичиш - иммунитет тушиб кетиши ва касаллик янада оғирлашишига олиб келади. Тана ҳароратини пасайтирувчи дориларни ҳам температура 38 дан юқори бўлганда ичиш керак, - дейди Жуманиёзов.

Яна бир муаммо бу – қўнғироқлар. COVID-19 тест жавоблари ҳар куни бир вақтда эълон қилинади. Одатда 40-50 кишидан иборат рўйхат тегишли ташкилотларга тарқатилади. Ана шундан кейин беморнинг турли лавозимларда ишлайдиган таниш билишларидан шифокорларга қўнғироқлар бошланади. Аввал мени отамни, ё ўғлимни шифохонага ётқизасан, аввал буни олиб кетасан, аввал буни жойлаштирасан ва ҳоказао мазмунларида. Бундай қўнғироқлар шифокорлар ишига халал беради. Тез ёрдам машиналари биринчи навбатда аҳволи оғир беморларни олиб кетади.

Вилоят бош шифокори сўзига кўра, вилоятда коронавирусга чалинганлар сони ошишига жиддий тайёргарлик кўрилган. Самарқандда бугун турли меҳмонхона ва ётоқхоналарда 10 минггя яқин заҳира ўринлар тайёрланган. Шифохоналарда касаллар учун жами 1590 ўрин тайёрлаб қўйилган. ИВЛ аппаратлар ва дори-дармонлар заҳираси ҳам бор ва тўлдирилмоқда.

Эпидемия бошидан буён вилоятда 780 нафар бемор аниқланган. Улардан 641 нафари тузалиб кетган ва 94 нафари айни дамда шифохоналарда даволанмоқда.

363
Сотрудник Национального исследовательского центра им. Гамалеи в лаборатории. Вакцина против коронавируса Центра им. Гамалеи показала высокую эффективность и безопасность по результатам клинических исследований. Вакцина против новой коронавирусной инфекции впервые в мире зарегистрирована в России 11 августа. Изображение является раздаточным материалом, предоставлено третьей стороной. Только редакционное использование. Запрет на архивирование, коммерческое использование, рекламную кампанию.

Россия вакцинасининг биринчи партияси қачон ишлаб чиқарилиши маълум бўлди

115
Гамалея номидаги Эпидемиология ва микробиология илмий тадқиқот маркази билан биргаликда ишлаб чиқарган COVID-19 профилактикаси бўйича дунёдаги биринчи вакцинасини рўйхатга олди.

ТОШКЕНТ, 12 авг - Sputnik. Коронавирусга қарши вакцинанинг биринчи қутилари икки ҳафта ичида чиқарилади, шундан кейин у қўлланила бошлайди, деб хабар қилди РИА Новости Соғлиқни сақлаш вазирлигининг баёнотига асосан.

Хусусан, вазир Михаил Мурашко таъкидлашича, вакцина яратилган платформа аллақачон яхши ўрганилган ва унинг асосида дори воситасини яратиш энг мақбул йўл.

"Вакцинанинг ушбу платформасидан аллақачон синтезлаш ва ишлаб чиқариш учун фойдаланилган ва ҳозирда дориларнинг бир қисми клиник синовлар ва тадқиқотларда. Яъни, бу вакцина аллақачон платформа сифатида яхшигина маълум ва ўрганилган. У бўйича клиникадан олдин ва клиник тадқиқотлар ва унинг рўйҳатга олиниши амалга оширилиб бўлган. Шунинг учун, бу деярли энг хавфсиз усул ва етарли миқдордаги илмий билимлар", - деди Мурашко COVIDга қарши биринчи рўйхатга олинган вакцина бўйича брифингда.

Шу муносабат билан бу дорининг чет элда пайдо бўлган танқидлари асоссиз, деди вазир.

11 август куни Россия Соғлиқни сақлаш вазирлиги Россиянинг тўғридан-тўғри инвестициялар Жамғармаси, Гамалея номидаги Эпидемиология ва микробиология илмий тадқиқот маркази билан биргаликда ишлаб чиқарган COVID-19 профилактикаси бўйича дунёдаги биринчи вакцинасини рўйхатга олди.

Вакцинани биринчи бўлиб фуқароларнинг юқтириш хавфи юқори гуруҳига кирувчилар - тиббиёт ходимлари ва ўқитувчилар олади.

Чоршанба куни эрталаб Sputnik радиоси Россияда коронавирусга қарши вакцинани рўйхатдан ўтказиш бўйича БССТ қандай изоҳ берганини хабар қилди.

115
Мавзу:
COVID-19 умумжаҳон пандемияси
Урожай хлопчатника

Экспертлар дунёда нархи энг тез кўтарилаётган товарларни маълум қилди

171
(Янгиланган 15:22 12.08.2020)
АҚШ хом-ашё биржа савдо комиссия экспертлари дунёда нархи жуда тез кўтарилаётган маҳсулотларни маълум қилди.

ТОШКЕНТ, 12 авг — Sputnik. Дунёда нархи энг тез ўсаётган товарлар - какао, шакар, каҳва ва пахта ҳисобланмоқда.

Бу ҳақда The Wall Street Journal газетаси АҚШ хом-ашё биржа савдо комиссия маълумотларига асосан хабар қилди.

Май бошидан бери шакар 19 фоизга ошди, пахта эса ёз мавсумида 10 фоизга қимматлади.

Лондоннинг ICE биржасида какао 17 фоизга (тоннаси учун 2 488 $),  қаҳва эса 14 фоизга (килоси 2,47 $) кўтарилди.

Хабар қилинишича, пандемия бошланишида бу маҳсулотларнинг нархи сезиларли даражада пасайганди, аммо тез орада яна нархлар кўтарила бошлади. Баъзи бир инвесторлар, талабнинг тикланиши шароитида етказиб беришдаги чекловлар нархларни янада кўтаришига олиб келади, деб тахмин қилмоқдалар.

Долларнинг пасайиши ушбу товарлар нархини кўтарувчи омиллардан бири ҳисобланади, чунки АҚШ валютасида баҳоланган хом ашёни импорт қилувчи-давлатларга сотиб олишни енгиллаштиради.

171
Первая в мире вакцина от коронавируса

"Россиянинг коронавирусга қарши вакцинаси: барча доҳиёна нарсалар каби оддий"

22
Одамларни коронавирус билан касалланишидан ҳимоя қилиш. Усул ҳар жиҳатдан яхши - одам ҳам соғлом қолади, бошқаларни ҳам юқтирмайди.

Сергей Царенко. Биз, шифокорлар, моноклонал антитаначалар, стероидлар, антивирус дори воситалар ёрдамида коронавирус билан оғриган беморларни даволашда катта ютуқларга эришдик. Беморлар вафот этиши ҳолатлари камайди, аммо инфекциянинг оғир шакллари учраса, уларни Ўпкани суньий вентиляция ускуналарига ўтказишимизга тўғри келмоқда. Кейинчалик ҳар ўн бемордан 6-8 нафари касалхона ичидаги инфекциялардан вафот этмоқда. Бундай беморларни янги антибиотиклар ёрдамида қутқариш мумкин бўлар эди. Аммо уларни яратишга йиллар керак бўлади.

Аммо яна бир усул ҳам бор: одамларни коронавирус билан касалланишидан ҳимоя қилиш. Усул ҳар жиҳатдан яхши - одам ҳам соғлом қолади, бошқаларни ҳам юқтирмайди. Ахир, бу касалликка чидамли одамлар қанча кўп бўлса, жамиятда иммун қатлами шунча қалин бўлади, эпидемиянинг охири шунча тез келади.

Ҳозирча касалликка чидамлилик фақат одам у билан касалланган тақдирдагина шаклланмоқда. Аммо хавфсизроқ вариант ҳам бор ахир – бу эмлаш. Устига устак, Гамалея институти мутахассислари томонидан яратилган самарали ва хавфсиз вакцина ҳам мавжуд. Микробиология ҳамжамиятда бу институт автомобилсозликда "Мерcедес" маркаси каби мавқега эга.

Мен академик Гинцбург ва Логуновни кўп йиллардан бери биламан. Улар ва ходимлари билан бирга бардошли бактерияларга қарши курашишнинг янги усулларини ишлаб чиқмоқдамиз. Бундан ташқари, институт олимлари аллақачон Эбола ва MERS-га қарши вакциналарни муваффақиятли яратдилар. Улар буни нафақат яратдилар, балки вакциналарни яратишда хавфсиз ва самарали усул – вектор усулини ишлаб чиқдилар. Одам учун хавфсиз аденовирусга орбитал станцияни ташувчи-ракетага илганни сингари - коронавируснинг бир бўлагини илишади. Уни инсон танасига киритишади. Шундан сўнг, ҳам "ташувчи-ракетага", ҳам "орбитал станцияга" иммунитет ҳосил бўлади. Муваффақиятни мустаҳкамлаш учун уч ҳафтадан кейин худди шундай "орбитал станция" бошқа аденовирусда , бошқа"ташувчи-ракетага" илинган ҳолда киритилади. Иммунитет яна шаклланади. Натижада, иккала аденовирусга сустроқ иммунитет шаклланади-да (ахир унинг организмга кераги йўқ), коронавирусга эса - барқарор ва ишончли иммун ҳимоя шаклланади.

Барча доҳиёна нарсалар каби оддийгина. Ахир бизнинг “Левша”ларимиздан (чапақай-уста – таҳр.) бошқа ҳеч кимнинг ҳаёлига бундай нозик нарсалар келмаган. Дунёда яна бир нечта векторли вакциналар яратилмоқда, аммо бирданига иккита "ташувчи-ракета" билан ҳеч қаерда йўқ!

Вакцина аллақачон кўнгиллиларда синовдан ўтди. Эътиборга шуниси лойикки, биринчи кўнгиллилар Гамалея институтининг барча ходимлари бўлди. Улар янги кўприк яратувчиларига ўхшайди - кўприк бўйлаб биринчи поезд юраётганида, улар шу кўприк остида туришди! Бундан кейин, вакцина ҳарбий кўнгиллиларда синовдан ўтказилди. Битта ҳам асорат йўқ, ҳаммасининг иммунитети ўта кучли.

Матбуотда танқидлар тўлқини ўтгани ажабланарли эмас. Ўғирланган технологиялар ҳақидаги шунчаки уйдирмалардан тортиб, вакцинага иммунитетни шаклланиши пайтида тасодифан коронавирусни юқтириш ҳолатида вазиятнинг ёмонлашиши мумкинлиги ҳақидаги сохта илмий мулоҳазаларгача. Охиргиси жуда қўрқинчли эшитилади: Антитаначаларга қарам кучайиш (ADE). Мутахассис бўлмаганлар учун қўрқинчли. Вирусологлар эса ADE таъсири фақатгина Денге безгагига хос ва шунда ҳам эмлаш билан боғлиқ бўлмаганлигини билишади. Бошқа ҳолларда, эффект баъзан пробиркада кўринади. Коронавирус инфекциялари ҳолатида эмас.

Шунда савол туғилади. Матбуотда бу кампанияни ким молиялаштирмоқда? "Мустақил экспертлар" кимга қарам? Полишинель сири: ҳозиргача Россия олимларидан ортда қолган бошқа вакцина ишлаб чиқарувчиларига қарам. Шунингдек баъзида самарали дорилар, аммо касалликнинг енгил шакли ва кўп ножўя таъсирларга эга антивирус дори воситалари ишлаб чиқарувчиларига.

Биз, амалиётчи-шифокорлар, бу шов-шувли маш-машаларга эътибор беришдан уяламиз. Биз коронавирус инфекцияси билан касалланган беморлар олдимизга келишини тўхташини ва ҳозирча эпидемияда бошқа ишга бормаётган қўлларимиз бошқа касалликлар билан ҳам шуғулланишини кутамиз.

22