Ботирбеков беморларни даволаш, дори-дармон ва карантин ҳақида

247
(Янгиланган 14:11 23.07.2020)
Тошкент шаҳар соғлиқни сақлаш бош бошқармаси бошлиғи Исабек Ботирбеков пойтахтда амалга оширилаётган ишлар ҳақида ахборот берди.

ТОШКЕНТ, 23 июл — Sputnik. Тошкент шаҳар соғлиқни сақлаш бош бошқармаси бошлиғи Исабек Ботирбеков иштирокида брифинг бўлиб ўтди.

Ботирбековнинг сўзларига кўра, Тошкент шаҳар ССББ тегишли идоралар билан ҳамкорликда, аввало барча шифохоналардаги вазиятни тўлиқ ўрганган ҳолда касаллар учун қўшимча ўринларни ташкил этиш ва етарли шароитлар яратишга эътибор қаратди.

Пойтахтда коронавирусдан зарарланган беморларни даволаш учун 16 та шифохоналарда 3580 та жой-ўринда 2796 бемор даволаниб келмоқда. Беморларнинг кескин кўпайиши муносабати билан тизимда бир қатор муаммолар мавжудлиги аниқланиб, уларнинг ечими борасида уч йўналишда ташкиллаштирилди.

“Биринчи йўналиш - касалларни аниқлаш ва даволаш. Иккинчиси - озиқ-овқат ва дори-дармон билан узлуксиз таъминлаш ҳамда нарх-навони барқарор сақлаш. Учинчиси -  хавфсизлик ва карантин. Тадбирлар давомида, 15-20 июль кунлари, 10та давлат ҳамда 7та хусусий тиббиёт муассасаларида 2002та қўшимча ўринлар ташкил қилиниб, 442 нафар беморлар жойлаштирилиши таъминланди”, - деди ССВ вакили.

Тошкент шаҳар тез тиббий клиник шифохонасида бугунги кунда 230 нафар коронавирус касаллигига гумон қилинаётган беморларни даволашга мўлжалланган қўшимча койко-ўрин яратилди ҳамда 4 дона ЎСВ (ИВС), 15 та СИПАП аппарати билан таъминланиб, даволаниш учун шароит яратилди. Аҳолига янада қулайлик яратиш, чуқурлаштирилган кўриклар ўтказиш мақсадида, ҳар бир туманда компьютер томографиясига эга, жами 20 та хусусий клиникаларда 24 соатлик иш тизими йўлга қўйилди. Бир кунда ўртача 850 нафар фуқаро кўрикдан ўтмоқда. Тез тиббий ёрдам хизматларига 75 та, санитария-эпидемиология хизматига 23 та “Дамас” русумли автомашиналар етказиб берилди.

Куни кеча Тошкент шаҳар ҳокимлиги томонидан махсус жиҳозланган 28 та Isuzu ҳамда 2 та Volkswagen автомашинаси олиб келинди ва бугун тиббиёт муассасаларига тарқатилди. Тошкент Давлат иқтисодиёт университети мавжуд имкониятлардан фойдаланган ҳолда, аҳолига телефон орқали тиббий маслаҳат берувчи колл-марказ ташкил этилди. Унга Тошкент Тиббиёт академияси, Педиатрия, Стоматология, Фармацевтика институтлари ҳамда 6 та тиббиёт коллежлари кўнгилли талабали ва ўқитувчилари жалб қилинди. Тошкент шаҳар Ички ишлар Бош бошқармаси билан ҳамкорликда, даволаш муассасаларига қўшимча 220 та кислород балонлари олиб келиниб, 100 таси тарқатилди ва 120 таси заҳирага олинди.

“Тошкент шаҳар ҳокимлиги томонидан 5та ҳудудда кислород станциялари қуриш бўйича лойиҳа ҳужжатлари тайёрланиб, Туркиядан ускуналар олиб келиниши чоралари кўрилмоқда. Хусусан, 2020 йил 15 мартдан шу кунга қадар, жами тиббиёт ҳодимларига 37,5 миллиард сўм маблағ миқдорида моддий рағбатлантирилди ва қўшимча тўловлар амалга оширилди. Тошкент шаҳридаги 11 та марказий кўп тармоқли ва 64 та оилавий поликлиникаларда беморларнинг дастлабки кўриги учун барча шароит ва имкониятлар, хусусан Рентген ва УЗИ ва лабораториялар, энг муҳими – зарур мутахассислар  мавжуд. Шу поликлиникаларда 16 минг нафар ходим хизмат қилади”, - деди Ботирбеков.

ССББ раҳбарининг сўзларига кўра, поликлиникаларда ишни икки сменада, шу жумладан якшанба кунлари ҳам ташкил қилиш белгиланди. Шу билан бирга, 75 та поликлиникада қўшимча 150 та мобил гуруҳлар ташкил қилинди. Битта мобил гуруҳига инфекционист-эпидемиолог, ва умумий амалиёт шифокори жалб қилинади. Дори-дармон ва тиббий буюмлар нарх-навосини барқарорлигини таъминлаш мақсадида, прокуратура, департамент ва солиқ идораларидан иборат тузилган 11 та ишчи гуруҳ туну-кун ишлари йўлга қўйилди. Шу кунларда Тошкент шаҳар ҳокимлиги ҳамда Тошкент шаҳар Соғлиқни сақлаш Бош бошқармаси томонидан бепул дори қутилари пойтахт аҳолисига тарқатилиши режалаштирилмоқда.

247
Мавзу:
COVID-19 умумжаҳон пандемияси (1391)
Девушка легкого поведения

Бухорода "ижтимоий ётоқхона"га жойлаштирилган аёл хонадонни фоҳишахонага айлантирди

333
(Янгиланган 08:58 06.03.2021)
Бухоролик аёл мазкур уйнинг ўзи ва фарзандларига ажратиб берилган хонасида 40 минг сўм эвазига фуқаролар — Ж.М. ва А.Н.нинг жинсий алоқа қилишлари учун шароит яратиб берган.

ТОШКЕНТ, 6 мар - Sputnik. Бухорода ижтимоий кўмакка муҳтож фуқароларга ажратилган уйга жойлаштирилган аёл фарзандлари ётоғини фоҳишахонага айлантиргани аниқланди, дея хабар бермоқда ЎзА Бухоро вилоят Ички ишлар бошқармаси ахборот хизматига таянган ҳолда.

Хабарда айтилишича, доимий турар жойига эга бўлмаган, ажрашган, 3 нафар фарзанди бўлган аёл Қоракўл туманида ташкил этилган "ижтимоий ётоқхона"да вақтинчалик яшаш учун жойлаштирилган.

2021 йилнинг 18 февраль куни аёл мазкур уйнинг ўзи ва фарзандларига ажратиб берилган хонасида 40 минг сўм эвазига фуқаролар — Ж.М. ва А.Н.нинг жинсий алоқа қилишлари учун шароит яратиб берган.

Фуқаро фоҳишахона ташкил қилганлиги туман ички ишлар бўлими ходимлари томонидан аниқланиб, тегишли тартибда расмийлаштирилган.

Мазкур ҳолат юзасидан туман ички ишлар бўлими томонидан Ж.З.га нисбатан Жиноят кодексининг 131-модда 2-қисми (фоҳишахона ташкил этиш ёки сақлаш) билан жиноят иши қўзғатилиб, дастлабки тергов ҳаракатлари олиб борилмоқда.

333
МВД и Нацгвардия провели совместные учения

Мирзиёев Миллий гвардия ўқув марказларига оид қарорни имзолади

160
Шавкат Мирзиёев “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги қарорни имзолади.

ТОШКЕНТ, 5 мар — Sputnik. “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги президент қарори қабул қилинди. 

Қарорга кўра:

- Нукус шаҳрида Миллий гвардиянинг Қорақалпоғистон Республикаси минтақавий ўқув маркази ташкил этилди;

- Миллий гвардиянинг Фарғона ўқув маркази Фарғона минтақавий ўқув марказига, Даштобод ўқув маркази эса Миллий гвардиянинг Жиззах минтақавий ўқув марказига айлантирилди.

Мазкур минтақавий ўқув марказларида ҳарбий хизматчи ва ходимларни бошланғич тайёрлаш, қайта тайёрлаш ва уларнинг малакасини ошириш бўйича ўқув жараёни қуйидаги ҳудудларга тақсимланган ҳолда таъминланади:

- Миллий гвардиянинг Фарғона минтақавий ўқув маркази – Тошкент шаҳри, Тошкент, Фарғона, Андижон ва Наманган вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Жиззах минтақавий ўқув маркази – Сирдарё, Жиззах, Самарқанд, Қашқадарё ва Сурхондарё вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Қорақалпоғистон Республикаси минтақавий ўқув маркази – Қорақалпоғистон Республикаси, Хоразм, Навоий ва Бухоро вилоятларида хизмат қилаётган ҳарбий хизматчи ва ходимлар учун.

Минтақавий ўқув марказларининг раҳбар ва педагоглар таркибини қайта тайёрлаш ва уларнинг малакасини ошириш Миллий гвардиянинг Ҳарбий-техник институтида ҳамда бошқа вазирлик ва идораларнинг олий, олий ҳарбий ва ихтисослаштирилган таълим муассасаларида амалга оширилади.

Эслатиб ўтамиз, ўтган ҳафтада президент Шавкат Мирзиёев “Ўзбекистон Республикаси Миллий гвардияси Қўриқлаш бош бошқармасининг фаолиятини сифат жиҳатидан янги босқичга кўтариш чора-тадбирлари тўғрисида”ги қарорни имзолаганди.

160
Заместитель премьер-министра Республики Казахстан Ералы Тугжанов и премьер-министром Республики Узбекистан Абдулла Арипов

Абдулла Арипов Қозоғистон бош вазири ўринбосари билан учрашди

57
Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

ТОШКЕНТ, 6 мар — Sputnik. Ўзбекистон бош вазири Aбдулла Aрипов Тошкентга ишчи ташрифи билан келган Қозоғистон бош вазирининг ўринбосари Ерали Тугжановни қабул қилди, деб хабар қилмоқда Қозоғистон бош вазири расмий сайтида.

Томонлар соғлиқни сақлаш, таълим ва фан соҳаларида Ўзбекистон-Қозоғистон ҳамкорлигини мустаҳкамлаш масалаларини муҳокама қилдилар.

Музокаралар чоғида иккала мамлакатдаги эпидемик вазият тўғрисида фикр алмашилди, COVID-19 га қарши курашиш бўйича кўрилган чораларни амалга ошириш муҳимлиги таъкидланди, шу билан бирга эпидемия ва пандемия бўлган тақдирда тезкор чоралар кўриш ва ўзаро таъсир ўтказиш бўйича қўшма самарали чораларни ишлаб чиқишга келишилди.

Юқори технологиялар соҳасидаги қўшма лойиҳаларни кенгайтиришга ва икки давлат ўртасида узлуксиз тиббий таълим соҳасида, тиббий таълим муассасалари талабалари ва ўқитувчилари ўртасида академик ҳаракатчанликни кенгайтириш, тегишли қўшма илмий тадқиқотларни ишлаб чиқиш ва амалга ошириш бўйича ўзаро алоқаларни ўрнатиш соҳасида ҳамкорликни фаоллаштиришга келишилди.

Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

Учрашув якунларига кўра, Ерали Тугжанов Ўзбекистон бош вазирини жавоб ташрифи билан Қозоғистонга таклиф этди.

57