Нурмат Отабеков коронавируснинг оғир асоратлари ҳақида айтиб берди

442
(Янгиланган 17:08 23.07.2020)
Коронавируснинг оғир шакли билан касалланган беморларда - ўпка етишмовчилиги ва ўпка фибрози, юрак, бўйрак ва асаб тизимида ўзгаришлар содир бўлиши кузатилмоқда.

ТОШКЕНТ, 23 июл – Sputnik. Ўзбекистон Санитария эпидемиологик назорати давлат инспекцияси раҳбари Нурмат Отабеков коронавируснинг оғир шакли билан касалланган беморларда ўпка етишмовчилиги ва ўпка фибрози, юрак, бўйрак ва асаб тизимида ўзгаришлар содир бўлиши кузатилганини айтиб берди.   

Коронавируснинг оғир шакли билан касалланган беморларда  - тромбоэмболия, тромбоз, ўпка артерияси тромбоэмболияси ёки ўткир коронар етишмовчилик каби полиорган ўзгаришлар туфайли касаллик тузалгандан кейин ҳам баъзи беморларда ўпка ҳаётий сиғимининг  20-30% га камайиши, ўпка фибрози кузатилиши мумкин. Бу эса - ҳарсиллаш, сурункали кислород етишмовчилигига олиб келади, деди Отабеков.

Бундан ташқари коронавирус юрак-қон томир тизимида, буйракларда ва асаб системасида ҳам  патологик ўзгаришларни келтириб чиқариши мумкин.

Турли тасдиқланмаган манбаларда коронавирусдан даволангандан сўнг мия емирилиши, бепуштлик каби асоратлар қолади, деган маълумотлар тарқамоқда. Касалликнинг тиббий патогенези билан танишмаган ҳолда бундай гапларни тарқатиш ноўрин.

Коронавируснинг енгил шаклини бошдан кечирган беморларда касалликдан тузалгандан кейин деярли асоратлар кузатилмаяпти, деди бош санитар шифокор.

Маълумот учун, бугунги кунда Ўзбекистонда коронавирусга чалинганлар сони 18 531 кишига етган. Улардан 9872 нафари (53%) соғайган. 99 киши ушбу инфекция қурбонига айланган, 8560 нафар беморга даво чоралари кўрилмоқда. Улардан 100 нафари оғир, 27 нафари эса ўта оғир аҳволда.

 

 

442
Свеча, гвоздики

Ўзбекистон таниқли композиторидан айрилди

585
Етук композиторнинг энг сўнгги иши бир неча ой олдин шов-шувли премьераси бўлиб ўтган "101" киноасари эди.

ТОШКЕНТ, 8 авг - Sputnik. Таниқли композитор ва дирижёр, Ўзбекистонда хизмат кўрсатган санъат арбоби, "Ўзбеккино" миллий агентлиги Бадиий кенгаши аъзоси Анвар Эргашев 66 ёшида вафот этди.

Анвар Эргашев Миллий симфоник оркестри бош дирижёри ва Алишер Навоий номидаги Давлат Академик театри бадиий раҳбари лавозимларида фаолият юритган.

50 дан ортиқ бадиий ва мусиқий фильмлар, спектакллар бастакори, кўплаб қўшиқ ҳамда мусиқалар муаллифи. Унинг кинодаги ишлари сирасига "Бомба", "Шариф ва Маъриф", "Осмондаги болалар","“Аланга ичидаги фаришта", "Оқ бино оқшомлари", "Уч қирол жанги", "Ойи" фильмлари киради.

Етук композиторнинг сўнгги иши бир неча ой олдин премьераси бўлиб ўтган "101" киноасари эди.

585
Флаг Туркменистана

БССТ Туркманистонда COVID-19ни аниқлаш учун мустақил тест ўтказади - Бердимуҳаммедов рози

222
(Янгиланган 19:22 08.08.2020)
Ташкилот вакиллари баёнотига кўра, Туркманистонда пневмония касаллиги билан боғлиқ ҳолатларни қайта текшириш зарур

ТОШКЕНТ, 8 авг — Sputnik. Туркманистон президенти Гурбангули Бердимуҳамедов Бутунжаҳон соғлиқни сақлаш ташкилотига янги турдаги COVID-19 коронавируси бор-йўқлигини аниқлаш учун саралаш методи билан тест ўтказишга розилик берди, деб хабар қилди БССТ Европа минтақавий бюроси директори Ханс Клюге.

"Бугун мен ва (БССТ бош директори ) Тедрос Адханом Гебрейесус Туркманистон президенти билан мамлакатдаги COVID-19 билан боғлиқ вазият юзасидан учрашув ўтказдик. БССТ COVID-19сиз кечаётган пневмония ҳолатлари кўпайиб бораётганидан ташвишдалигини билдирди ва ташкилот ходимлари мамлакатда COVID-19 бор-йўқлигини аниқлаш учун мустақил равишда таҳлилларни йиғиб, уларни БССТнинг референт лабораторияларига юбориш таклифи билдирилди. Президент рози бўлди", - деб ёзган Клюге Facebookдаги саҳифасида.

Эслатиб ўтамиз, сал олдин Туркманистон президенти, БССТ билан ўтказилган онлайн-музокаралар давомида коронавирус геномини ўрганиш бўйича БССТнинг махсус дастурини тайёрлаш таклифини билдиргани ҳақида хабар қилинган эди. Бердимуҳамедовнинг сўзларига кўра, COVID-19га доир қатор ўз ечимини топмаган масалалар мавжуд, хусусан, унинг келиб чиқиши, тарқалиш йўллари ва мутация каби.

Ҳукумат хабарига кўра, Туркманистонда янги турдаги коронавирус билан касалланиш ҳолатлари қайд этилмаган. Шунга қарамай, мамлакатда ниқоб режими ва сервис, савдо ҳамда странспорт соҳасидаги фаолият турларига қатор чекловлар жорий этилган.

222
Мавзу:
COVID-19 умумжаҳон пандемияси