Volkswagen Caddy

Caddy, Largus ва Damas ўхшаши йўқлар орасида муросали танлов

1484
(Янгиланган 20:33 27.07.2020)
Агар сизда тез-тез 5-6 кишини у ер бу ерга олиб ориш ёки унчалик катта бўлмаган юкларни ташишга эҳтиёж туғилса ёки одам ва юкларни биргаликда ташиш керак бўлса, Ўзбекистонда қандай автомобил сотиб олиш мумкин?

ТОШКЕНТ, 27 июл - Sputnik. Бугун, Тошкентда Volkswagen Caddy автомобилининг 3та модификацияси тақдим этилди. Нархи 172 - 221 миллион сўм орасида бўлган автомобиллар юк ташиш, одам ва юк ташиш ҳамда фақат одам ташишга мўлжалланган модификациялари бор. 

Тақдимотдан сўнг 200 миллионга Caddy кимга керак, уни ўрнига 130 миллионга Lada Largus қайтим 75 миллионига Damas  олса ҳам бўлади-ку, деган хаёллар бугун кўпчилликнинг бошига келган бўлса ажаб эмас. Биз ушбу танловга бироз аниқлик киритишга ҳаракат қилдик.

VW Caddy – энг зўрими?

Кичик фургонлар орасида у дунёда энг кўп сотиладигани - ҳар йили 1,5 миллионта. Caddy кўплаб мукофотларга сазовор бўлган, Европанинг энг яхши тижорат автомобили, Россияда - йил автомобили бўлган. Агар сизга қулай ва ишончли, хушбичим ташқи кўринишга эга бўлган автомобил керак бўлса, бу албатта - Caddy.

Унинг яхши созланган бошқарилувчанлиги, интерьеридаги материаллар сифати ва эргономикаси – ўз синфида энг яхшидир. Устига-устак, рессорали юриш қисмига эга бўлган Caddy оғирлиги 700 килограмгача ва ҳажми 3 метр кубгача бўлган юкларни ташиш имконига эга. Лекин нархи ҳам "отнинг калласидек" – 172 – 221 млн. сўм.

Бу пулга 3та Damas олса бўлади-ку, дейиш мумкин албатта ҳисоб-китобни яхши кўрадиганлар. Ҳа, мумкин, лекин нарх ҳар доим ҳам энг муҳими эмас.

Volkswagen Caddy
Volkswagen Caddy

Largus – таксичилар автомобили

Lada Largus – аллақачон узоқ масофаларга одам ва юк ташийдиган таксичиларнинг севимли автомобилига айланган. Нархи 125-130 млн. сўм бўлган ушбу автомобил  кўп жиҳатдан Caddyга ўхшаш.

Largus ҳам 5 - 7 ўринли ёки 700 килограмгача юк ташувчи металл фургон бўлиши мумкин. Лекин юкхона максимал ҳажми 2,5 метр куб, унинг пружиналик подвескаси учун оптимал оғирлик эса – 500 кг гача.

Largusнинг сўзсиз устуворлиги – узоқ масофаларда яхши билинади. Унинг узун базаси – тўғри йўлда автомобил ҳаракатини  турғунлаштиради, кузов томининг пастлиги эса – ёнилғи тежашда ва бошқарувни осонлаштиришда ёрдам беради. Йўловчиларни миндириб, юкларни ортиб – узоқ йўлга марҳамат.

Lada Largus
© Sputnik / Алексей Бабушкин
Lada Largus на конвейере "АвтоВАЗа"

Damas – арзон, лекин арзийдими?

Улкан юкхона, рессорали юриш қисми ва 500 кг юк кўтариш қувватига эга, лекин мотор ҳажми 0.8 м3, ёнилғи сарфи – 8,5 литр. Комфорт, ва бошқарилувчанликни гапирмаса ҳам бўлади. Нархи – бор-йўғи 75 млн. сўм.  

Хавфсизлик – ушбу автомобилни сотиб олишда кўп харидорлар учун энг муҳим масалага айланди. Дастлаб 1980 йилларда ишлаб чиқарилган автомобилда бирорта ҳам хавфсизлик ёстиқчаси йўқ, ҳайдовчидан автомобилнинг олд қисмигача – 20 см, кичкина ингичка ғилдираклар устига ўрнатилаг жуда баланд кузов - ахир бу автомобилда тезликни 80кмдан ошириш хавфлику?  Нима сабабда у ҳеч қачон Европада ёки Америкада сотилмаганини тушунса бўлади...  

Унда юк ва одамларни яқин масофаларга ташиш мумкин, албатта, лекин жуда жуда эҳтиёткорлик билан.

Автомобиль Дэу Дамас
Стрингер
Автомобиль "Дэу Дамас"

Хулоса ўрнида

Ўзбекистонда сотувда яна бир автомобил пайдо бўлгани – бу албатта қувонарлидир. Майли янги автомобил анча қиммат бўлса ҳам. Асосийси - харидорларда танлов имконияти пайдо бўлди, ҳеч бўлмаса универсал автомобиллар орасида.

1484
Сотрудник лаборатории

Ўзбекистонда коронавирус: 7 август асосий хабарлари

92
(Янгиланган 20:08 07.08.2020)
Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

ТОШКЕНТ, 7 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

Янги касалланиш ҳолатларининг 197 нафари Тошкент шаҳрида, 23 нафари Тошкент вилоятида, 15 нафари Хоразм вилоятида ҳамда 13 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 472 нафар бемор тузалиб, ўз уйларига кузатилди. Республика бўйлаб жами соғайганлар сони 20 059 нафарга етди.

Айни пайтда 8 817 нафар беморга белгиланган стандартлар бўйича даво чоралари кўрилмоқда. Улардан 728 нафари оғир, 217 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор – Тошкент шаҳар  Олмазор туманида яшаган 39 ёшли Б.С. (эркак) ҳамда Учтепа туманида яшаган 68 ёшли Л.К. (аёл), Мирзо Улуғбек туманида яшаган 71 ёшли Н.И. (аёл), Қибрай туманида яшаган 69 ёшли С.Б. (эркак) вафот этди.

Ўзбекистонда жами 181 киши пандемия қурбони бўлди.

Фуқароларни олиб келиш

Россия-Қозоғистон чегарасида тўпланган 1850 нафар фуқаро қайтарилади.

6 август куни Оренбург вилоятининг “Бузулук” станциясидан 920 нафар фуқаро биринчи поезд Ўзбекистонга жўнаб кетди. Иккинчиси 7-август куни Самара вилоятининг “Кинел” станциясидан 930 нафар фуқаро билан жўнайди. Россия-Қозоғистон чегарасида тўпланган жами 1850 нафар Ўзбекистон фуқаролари қайтарилади.

7 август ҳолатига кўра Оренбург ва Самара вилоятларида Россия-Қозоғистон давлатлараро чегараси яқинида Ўзбекистон фуқароларининг тўпланиши кузатилмаяпти.

Кенияга саёҳат

Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Тест синовлари

ОТМларга кириш имтиҳонлари 2 сентябрдан бошлаб, 2 ҳафта давомида ўтказилади. Тест синовлари очиқ стадионларда, кунига 2 сменада ташкил этилади. Натижаларни эълон қилишда ўзгариш бўлмайди. Худди ҳар йилгидек тест синовлари ўтказилган кунининг эртасига абитуриентнинг шахсий саҳифасида эълон қилинади.

Тест синовлари учун 155 стадиондан 40 га яқин стадион жалб этилиши режалаштирилган. Стадионнинг соялик даражалари ва бошқа шароитларга эътибор қаратилган. Соябонлар қўйилиши маласига ҳам эътибор қаратилади. Ота-оналар учун кутиш жойлари, шифокорларга шароит яратиш каби ташкилий масалалар ҳал қилинмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,1 миллиондан ошди, 715 минг киши вафот этди, 11,6 киши тузалди. Энг кўп ҳолатлар АҚШда (4,9 млн), Бразилияда (2,9 млн), Ҳиндистонда (2,0 млн).

 

92
Мавзу:
COVID-19 умумжаҳон пандемияси
Девушки фотографируются на мобильный телефон

Сувга тушиб кетган смартфонни қандай сақлаб қолиш мумкин - эксперт маслаҳати

75
(Янгиланган 18:59 07.08.2020)
Агар телефон сувга чидамсиз бўлса, уни ёқиш ёки силкитишга уринишнинг ҳожати йўқ, чунки сув аппаратнинг баъзи қисмларига зарар етказиши мумкин.

ТОШКЕНТ, 7 авг - Sputnik. "Цифровые платформы" аналитик марказининг стратегик алоқалар бўйича директори Александра Гаврилова, агар смартфон сувга тушиб кетса ва у ёқилмаса, уни қандай сақлаб қолиш кераклиги ҳақида сўзлаб берди. РИА Новости хабарига асосан.

Унинг сўзларига кўра, замонавий телефонлар сувга чидамли ва агара у тезда сувдан чиқариб олинса, эҳтимол унга зарар етмаслиги ҳам мумкин. Бироқ, ҳар эҳтимолга қарши, уни ўчириб фақатгина бир кундан кейин ёқиш мумкин. Агар қурилма сувга чидамсиз бўлса ва "ҳаёт аломатлари" билинмаса, уни ёқишга, тугмачаларни босишга ва силкитишга уринишнинг ҳожати йўқ. Бу тизимли платаси ёки алоҳида қисмларининг ишдан чиқишига олиб келиши мумкин - телефоннинг баъзи элементларини алмаштириб бўлмайди.

"Уни ўзингиз қуритишга уринманг - сиз қисмларга зарар етказиш хавфини туғдирасиз. Яқин жойлашган устахонада қурилмани қисмларга ажратиб, уни керакли жойларини текшириб, қуритиб беришлари мумкин, бу унчалик қиммат бўлмайди. Бу йўлни танлаш орқали сиз қиммат қисмларни алмаштирилишидан ёки янги смартфон сотиб олишдан сақланасиз", - дейди Гаврилова.

 

75