Беременная женщина

Қизлар орасидаги эрта туғруқ ҳолатлари 34 фоизга камайди ХТВ

127
Вазирлик маълумотларига кўра, 11 йиллик таълим тизимига ўтилиши қизлар орасидаги эрта туғруқ ҳолатларини 34 фоизга камайишига сабаб бўлган.

ТОШКЕНТ, 29 июл — Sputnik. 11 йиллик таълим тизимига ўтилиши қизлар орасидаги эрта туғруқ ҳолатларини 34 фоизга камайишига сабаб бўлди. Бу ҳақда Халқ таълими вазирлиги матбуот хизмати хабар қилмоқда.

Таъкидланишича, Ўзбекистонда вояга етмаган қизлар ўртасидаги эрта туғруқ ҳолатлари 2017 йилдан бошлаб 11 йиллик умумтаълим тизимига ўтилиши билан эрта туғруқ ҳолатларининг сони пасайиши кузатилган. Мисол учун 2016-2017 йиллар давомида 15-17 ёшдаги қизлар ўртасида жами 429 туғруқ ҳолати қайд этилган бўлса, 2018-2019 йиллар давомида ушбу кўрсаткич 34 фоизга камайиб, 284 тани ташкил қилган.

Эрта туғруқ ҳолатлари содир этилиши кўрсаткичининг камайиши ҳолатини умумтаълим мактабларида таҳсил олаётган қизлар сони нисбатига таққослаганда ҳам кўриш мумкин:

  • 2017 йилда Халқ таълими тизимида таҳсил олаётган ҳар 12995 нафар қизга 1 та туғруқ (умумий қизлар сонига нисбатан 0,0076%);
  • 2018 йилда тизимда таҳсил олаётган ҳар 15169 нафар қизга 1 та туғруқ (умумий қизлар сонига нисбатан 0,0066%);
  • 2019 йилда тизимда таҳсил олаётган ҳар 23666 нафар қизга 1 та туғруқ тўғри келган (умумий қизлар сонига нисбатан 0,0042%).

Маълум қилинишича, бугунги кунда халқ таълими тизимида манфаатдор вазирлик ва ташкилотлар билан биргаликда вояга етмаганлар орасида эрта туғруқ ҳолатларини олдини олиш мақсадида “Мустаҳкам оила”, “Аҳил оила”, “Ҳаётга қўшил”, “Ижобий фикрлашни ўқитиш” каби тарғибот ишлари олиб борилмоқда.

Жаҳон соғлиқни сақлаш ташкилотининг маълумотларига кўра, ривожланаётган мамлакатларда 15 ёшгача бўлган ўспирин қизларда камида 777 000 та туғруқ ҳолати қайд этилган. Ўсмирларнинг ҳомиладорлиги қашшоқлик, таълимнинг паст бўлган чекланган аҳоли гуруҳларида кўпроқ учрайди. ЖССТ ҳисоб-китобларига кўра, сўнгги 20 йил ичида ўсмирларнинг туғруқ даражаси дунё бўйича 11,6 фоизга пасайган. Шу билан бирга, ушбу кўрсаткич бўйича ҳудудлар ўртасида катта фарқлар мавжуд. Масалан, ўсмирлар ўртасида туғилиш даражаси Шарқий Осиёда 7,1, Марказий Африкада эса 129,55 га етади. АҚШ, Россия, Африка давлатлари, Осиё ва Европанинг айрим давлатларида 15-17 ёшдаги қизлар ўртасида эрта туғруқ ҳолатлари ўртача ҳар 10 000 нафар қиздан 50-100 тасида учрайди.

127
Абдурахмонова Мадинабону Жахонгир кизи, 2006 года рождения

Бедарак йўқолган 14 яшар қиз бир ойдан бери қидирилмоқда Тошкент ИИББ

21
Бухоро вилояти, “Дилобод-Зафаробод” МФЙ манзили бўйича яшовчи Мадинабону Абдураҳмонова 9 июль куни тахминан соат 06.00 да уйидан чиқиб, қайтиб келмаган.

ТОШКЕНТ, 12 авг — Sputnik. Бедарак йўқолган 14 ёшли Мадинабону Абдураҳмонова қидирилмоқда, деб хабар қилди Тошкент шаҳар ИИББ.

Хабарда айтилишича, 2006 йилда туғилган, Бухоро вилояти, “Дилобод-Зафаробод” МФЙ манзили бўйича яшовчи Абдураҳмонова Мадинабону Жаҳонгир қизи 2020 йил 9 июль куни тахминан соат 06.00 да уйидан чиқиб, қайтиб келмаган.

Белгилари: бўйи 160 см, кўзлари қора, сочлари тўқ жигар ранг.

Кийимлари: ҳаво ранг кўйлак, қора шим. Ёнида қора аёллар сумкаси бор эди.

“Ҳурматли ҳамшаҳарлар ва Тошкент меҳмонлари! Агар сиз Мадинобону Абдурахмоновани кўрган бўлсангиз ёки унинг турар жойи ҳақида бирор маълумотга эга бўлсангиз, қуйидаги рақамлар орқали хабар беришингизни сўраймиз: +99865-220-40-99; +99865-220-40-30; +99865-224-52-49 (Бухоро вилояти ИИБ), 71-232-30-40, 71-232-40-50 (Тошкент шаҳар ИИББ) ёки 102”, - дейилган хабарда.

21
Сотрудник Национального исследовательского центра им. Гамалеи в лаборатории. Вакцина против коронавируса Центра им. Гамалеи показала высокую эффективность и безопасность по результатам клинических исследований. Вакцина против новой коронавирусной инфекции впервые в мире зарегистрирована в России 11 августа. Изображение является раздаточным материалом, предоставлено третьей стороной. Только редакционное использование. Запрет на архивирование, коммерческое использование, рекламную кампанию.

Россия вакцинасининг биринчи партияси қачон ишлаб чиқарилиши маълум бўлди

121
Гамалея номидаги Эпидемиология ва микробиология илмий тадқиқот маркази билан биргаликда ишлаб чиқарган COVID-19 профилактикаси бўйича дунёдаги биринчи вакцинасини рўйхатга олди.

ТОШКЕНТ, 12 авг - Sputnik. Коронавирусга қарши вакцинанинг биринчи қутилари икки ҳафта ичида чиқарилади, шундан кейин у қўлланила бошлайди, деб хабар қилди РИА Новости Соғлиқни сақлаш вазирлигининг баёнотига асосан.

Хусусан, вазир Михаил Мурашко таъкидлашича, вакцина яратилган платформа аллақачон яхши ўрганилган ва унинг асосида дори воситасини яратиш энг мақбул йўл.

"Вакцинанинг ушбу платформасидан аллақачон синтезлаш ва ишлаб чиқариш учун фойдаланилган ва ҳозирда дориларнинг бир қисми клиник синовлар ва тадқиқотларда. Яъни, бу вакцина аллақачон платформа сифатида яхшигина маълум ва ўрганилган. У бўйича клиникадан олдин ва клиник тадқиқотлар ва унинг рўйҳатга олиниши амалга оширилиб бўлган. Шунинг учун, бу деярли энг хавфсиз усул ва етарли миқдордаги илмий билимлар", - деди Мурашко COVIDга қарши биринчи рўйхатга олинган вакцина бўйича брифингда.

Шу муносабат билан бу дорининг чет элда пайдо бўлган танқидлари асоссиз, деди вазир.

11 август куни Россия Соғлиқни сақлаш вазирлиги Россиянинг тўғридан-тўғри инвестициялар Жамғармаси, Гамалея номидаги Эпидемиология ва микробиология илмий тадқиқот маркази билан биргаликда ишлаб чиқарган COVID-19 профилактикаси бўйича дунёдаги биринчи вакцинасини рўйхатга олди.

Вакцинани биринчи бўлиб фуқароларнинг юқтириш хавфи юқори гуруҳига кирувчилар - тиббиёт ходимлари ва ўқитувчилар олади.

Чоршанба куни эрталаб Sputnik радиоси Россияда коронавирусга қарши вакцинани рўйхатдан ўтказиш бўйича БССТ қандай изоҳ берганини хабар қилди.

121
Мавзу:
COVID-19 умумжаҳон пандемияси

Самарада мигрантларнинг чегара олдида тўпланишига йўл қўйилмайди

0
Россия-Қозоғистон чегарасида тўпланган меҳнат мигрантлар ватанига қайтарилди. Бироқ минтақа ҳукумати шунга ўхшаш ҳолат яна қайтарилмаслиги учун чора кўрмоқда.

ТОШКЕНТ, 12 авг — Sputnik. Россия чегаралари ва Самара вилоятидан 7 август ҳолатига кўра жами икки мингдан зиёд Ўзбекистон ҳамда юзга яқин Тожикистон фуқаролари олиб кетилди. Бу ҳақда Sputnik Тожикистон нашрига Самара вилояти Инсон ҳуқуқлари бўйича вакили Ольга Гальцова маълум қилди.

Чет эл фуқароларини олиб кетиш босқичма-босқич амалга оширилган. Шунингдек, улар учун барча зарурий шароитларга эга бўлган чодирли лагерь ташкил этилган.

Тожикистон фуқаролари Қозондан 28 июль куни самолётда, Ўзбекистон фуқароларининг сўнгги гуруҳи 7 август куни ватанига жўнатилган.

Лекин шундай эҳтимол борки, мигрантлар фирибгарлик тузоғига илиниб, яна Россия чегаралари яқинига келишга уринишади.

“Самара вилояти Большая Черниговка тумани ҳудудида чет эл фуқаролари тўпланишининг олдини олиш ҳамда уларнинг Оренбург вилояти ҳудудига ўтиш уринишини олдини олиш мақсадида ЙПХ (ДПС) қўйилган”, - дейилган хабарда.

Эслатиб ўтамиз, аввалроқ Россия-Қозоғистон чегарасида тўпланган жами 1850 нафар Ўзбекистон фуқаролари қайтарилган эди. Уларнинг 920 нафари Оренбург вилоятининг “Бузулук”, 930 нафари эса Самара вилоятининг “Кинел” станциясидан поездларда ватанга олиб келинди.

0