Сотрудник фирменного магазина перед стартом продажи умной колонки Яндекс.Станция

"Ақлли" қурилмалар олдида кўп гапириш ярамайди эксперт

211
(Янгиланган 12:19 30.07.2020)
Мутахассис “ақлли” қурилмадар ёнига нега тилга ортиқча эрк бермаслик кераклигини тушунтирди. Бу кўнгилсиз оқибатларга олиб келиши мумкин.

ТОШКЕНТ, 30 июл - Sputnik. Ёзувларнинг махфийлиги овозли ёрдамчини ишлаб чиқарувчи компаниялар томонидан таъминланади. Агар фойдаланувчининг қурилмасига зарарли дастур тушиб қолса, бу дастур овозларни ёзиб олиб, “хакерлар”нинг ташқаридаги серверларига юбориши мумкинлигини истисно қилиб бўлмайди. Бу ҳақда “Прайм” агентлигига “Инфосистемы Джет” компанияси Ахборот хавфсизлиги марказининг маслаҳатчиси Александр Рогозин маълум қилди.

“Натижада жиноятчилар ҳар қандай маълумотни, аллақандай пароллардан тортиб бизнес учрашувларидаги музокаралар мазмунига қадар, олишлари мумкин. Барчаси фойдаланувчи ва жиноятчига боғлиқ”, - дейди эксперт.

Унинг таъкидлашича, микрофони бор ҳар қандай қурилма аслида атроф-муҳитдаги товушларини ёзиб олиши мумкин, хоҳ у телефон ёки ақлли динамик бўлсин. Одатда уларга овозли ёрдамчи ўрнатилади. У нутқни ёзиб олиб, уни таниб олиш учун серверга юборади. Овозли сўровлар ёки буйруқлар аниқланганида, ёзув серверда сақланиб қолиши мумкин ва мисол учун, матнли реклама учун ишлатилиши мумкин.

211

Тўйлар муборак: 1 октябрдан Ўзбекистонда тўйхоналар фаолиятига рухсат берилгани айтилди

67
(Янгиланган 15:35 28.10.2020)
Оилавий тантана, тўй, маърака ва маросимларни ўтказиш 30 кишидан кўп бўлмаган ҳамда санитария ва гигиена талабларига қатъий риоя этган ҳолда ўтказилиши белгиланган.

ТОШКЕНТ, 28 окт - Sputnik. 1 октябрдан Ўзбекистонда тўйхоналар фаолиятига рухсат берилгани ойдинлашди.

Республика махсус комиссиясининг 2020 йил 30 сентябрдаги йиғилиш баёнига асосан карантин чораларини юмшатиш муносабати билан 2020 йил 1 октябрдан тўйхоналар фаолиятига рухсат этилган.

Бунда, тўйхоналар оилавий тантана, тўй, маърака ва маросимларни ўтказиш 30 кишидан кўп бўлмаган (фақат яқин қариндошлар ва ушбу туман ҳудудида истиқомат қилувчи бошқа қариндошлар) ҳамда санитария ва гигиена талабларига қатъий риоя этган ҳолда ўтказилиши белгиланган.

Эслатиб ўтамиз, илгарироқ "Менинг фикрим" жамоавий мурожаатлар порталига тўй маросимларини 30 кишилик тартибда ўтказилишини доимий сақлаб қолиш ҳақида петиция жойлаштирилгани ҳақида хабар берган эдик.

67
Здание Ташкентского университета информационных технологий

Ўзбекистон олийгоҳлари хорижий ОТМлар ёрдамида трансформация қилинади

21
(Янгиланган 14:48 28.10.2020)
Ўзбекистонда бешта ОТМ танлаб олиниб, нуфузли хорижий ОТМлар билан ҳамкорликда трансформация қилинади.

ТОШКЕНТ, 28 окт – Sputnik. Ўзбекистон олийгоҳларини нуфузли хорижий ОТМлар ёрдамида трансформация қилиш тўғрисида Вазирлар Маҳкамасининг қарори эълон қилинди.

Унда айтилишига кўра, Ўзбекистон  ОТМларини трансформация қилишда қуйидаги йўналишларга алоҳида эътибор берилади:

  • Олий таълимни рақамли форматга ўтказиш, рақамли таълим технологияларини кенг жорий этиш;
  • Лойиҳавий ўқитиш услубларини кенгайтириш, инновацион таълим муҳитини шакллантириш;
  • Талабалардан тадбиркорлик кўникмаларини ривожлантириш, бизнес лойиҳаларини қўллаб-қувватлаш дастурларини яратиш;
  • ОТМ ҳудудини таълим, илм-фан ва ижтимоий-маданий ривожланиш маркази сифатида ривожлантириш

ОТМларни трансформация қилиш қуйидаги босқичларда амалга оширилиш белгиланган.

1. 2021 йилнинг 1 мартига қадар Ўзбекистонда 5та ОТМ очиқ сайлов асосида танлаб олинади.

2. 2021 йилнинг 1 майига қадар танлаб олинган ОТМларни трансформация қилиш дастури ишлаб чиқилади.

Шунингдек, трансформация қилинган ОТМларда қуйидаги ўзгаришлар юз беради:

  • Босқичма-босқич ўзини ўзи молиялаштириш тизимига ўтиш
  • Бакалавриат ва магистратурага қабул параметрлари, кириш имтиҳонлари ОТМ томонидан белгиланади;
  • Ҳамкор сифатида бириктирилган хорижий ОТМ профессорлари ўқув жараёнига жалб этилади.
  • Чет тилларида ўқитиладиган фанлар босқичма-босқич киритилиб боради
  • 2021-2022 ўқув йилидан бошлаб ушбу ОТМларда кенг академик мустақиллик бериш режалаштирилган
  • Халқаро молия муассасалари грантлари жалб этилади

Эслатиб ўтамиз, Вазирлар Маҳкамасининг ушбу қарори қабул қилинишига Ўзбекистон президентининг 2020 йил 2 мартида имзоланган "Илм, маърифат ва рақамли иқтисодиётни ривожлантириш йили" Давлат дастури асос бўлган.  

21