Қандай ҳолларда ҳайдовчилик гувоҳномаси олиб қўйилади?

355
Транспорт воситасини бошқариш ҳуқуқидан маҳрум қилиш шаклидаги чора фақат суд қарори билан қўлланилиши мумкин.

ТОШКЕНТ, 30 июл — Sputnik. Агар содир этилган ҳуқуқбузарлик учун қонунчиликда транспортни бошқариш ҳуқуқидан маҳрум этиш тарзидаги жазо қўллаш белгиланган бўлса, ҳайдовчилик гувоҳномаси ЙПХ ходими томонидан олиб қўйилиши мумкин. Бу ҳақда Адлия вазирлиги эслатма билан чиқди.

Ҳайдовчилик гувоҳномаси тортиб олинаётганида, ҳуқуқни муҳофаза қилиш идоралари ходимлари маъмурий ҳуқуқбузарлик тўғрисидаги баённомага ва ҳайдовчига мўлжалланган махсус талонда ёзув киритишлари шарт.

Қонунга кўра, ЙПХ ходимлари қуйидаги ҳолатларда машина эгасидан ҳужжатни олиб қўйиш ҳуқуқига эга.

Ҳайдовчилик гувоҳномасини олиб қўйилиши сабаблари:

  • ҳуқуқбузар ваколатли шахсларнинг талабларига қарамай, ноқонуний хатти-ҳаракатни тўхтатмаганида;
  • ҳайдовчи бир йил ичида қонунбузарликни такроран содир этган бўлса, шунингдек, судланган бўлса;
  • қоидабузар жиноятга вояга етмаган фарзандини жалб қилган бўлса;
  • жиноят бир гуруҳ шахслар томонидан содир этилган бўлса;
  • транспорт воситаси эгаси табиий офатлар ва фавқулодда вазиятлар шароитида ноқонуний хатти-ҳаракатларни амалга оширган бўлса;
  • ҳайдовчи ҳаракатланиш пайтида маст бўлса. Ушбу ҳолат текширувчи мансабдор шахснинг қарори билан оғирлаштирувчи деб тан олинмаслиги мумкин.

Таъкидланишича, транспорт воситасини бошқариш ҳуқуқидан маҳрум қилиш чораси фақат суд қарори билан қўлланилиши мумкин.

Эслатиб ўтамиз: Ўзбекистонда эски кўринишдаги ҳайдовчилик гувоҳномасини янгисига алмаштириш муддати 2021 йил 31 декабргача узайтирилди. Транспорт воситасида эскирган ҳужжатлар 2022 йил 1 январдан бошлаб кучини йўқотган деб ҳисобланади.

355
Спецоперация по захвату Сухроба Каримова, угрожавшего взорвать банк в Киеве

"Киевлик террорчи" Сухроб Каримов икки ойга ҳибсга олинди

79
(Янгиланган 12:30 06.08.2020)
Сал олдин, 3 август куни, Каримов Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган. Босқинчи 40 минг гривен ва журналистлар билан мулоқотни талаб қилган.

ТОШКЕНТ, 6 авг — Sputnik. Киевдаги "Универсал-банк" бўлинмаларидан бирини портлатиб юбориш билан таҳдид қилган Ўзбекистон фуқароси Сухроб Каримов теракт бўйича иш юзасидан икки ойга ҳибсга олинди. Уни гаров эвазига қўйиб юбориш чекланган. Бу ҳақда Киев прокуратураси матбуот-хизмати хабар бермоқда.

"Киев шаҳри Печерск туман суди пойтахт прокуратураси илтимосномасини қондирди ва 2020 йил 3 августда Киев марказидаги банк биносида портлаш билан таҳдид қилган Ўзбекистон фуқаросига ҳибсга олиш тарзидаги эҳтиёт чорасини танлади. Уни гаров эвазига қўйиб юбориш чекланган. Тегишли қарор 2020 йилнинг 5 августи, чоршанба куни бўлиб ўтган мажлисда қабул қилинган", - дейилади расмий баёнотда.

Каримовга Украина Жиноят кодексининг 258-моддаси 1-қисми ("Террористик ҳужумни амалга ошириш ёки уни амалга ошириш билан қўрқитиш") бўйича айблов қўйилмоқда. Ушбу моддада гумонланувчилар беш йилдан ўн йилгача озодликдан маҳрум этилиши мумкин.

Эслатиб ўтамиз, 3 август куни, Каримов, Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган.

У банк бўлинмаси раҳбаридан ташқари барча ходимларни қўйиб юборган. Раҳбар аёлни гаров олган.

Сухроб Каримов 40 минг гривен (1,44 минг доллар) ва журналистлар билан мулоқотни талаб қилган.

Амалга оширилган махсус операция натижасида Каримов қўлга олинган, уни тўғридан-тўғри эфирда қўлини қайириб, банк биносидан олиб чиқиб кетишган.

Каримовни қўлга олишда Украина телеканалларининг икки нафар журналисти кўнгилли равишда иштирок этган.

Текширувлардан сўнг Каримов ёлғон гапиргани фош бўлган: унинг рюкзагида бомба ҳам, бошқа портловчи қурилмалар ҳам бўлмаган.

Сал кейин ўзбекистонлик бу йигит психоневрологик ҳисобда туриши аниқланган.

79
Дети в детском саду

Боғчалар фаолиятини тиклашга тайёргарлик кўрилмоқда вазирлик

65
Таъкидланишича, боғчалар фаолияти тикланиши болаларни нормал маиший ҳаёт, ўйинлар ва таълим жараёнига қайтишига ёрдам беради.

ТОШКЕНТ, 6 авг — Sputnik. Мактабгача таълим ташкилотларида коронавирус пандемияси сабабли тўхтатилган фаолият жараёнини тиклашга тайёргарлик ишлари олиб борилмоқда. Бу ҳақда Мактабгача таълим вазирлиги матбуот хизмати хабар қилмоқда.

Боғчалар фаолияти тикланиши болаларни нормал маиший ҳаёт, ўйинлар ва таълим жараёнига қайтишига ёрдам беради.

Таъкидланишича, вирус тарқалиши ва уни юқтириб олиш хавфини бартараф этиш мақсадида жорий этилган тақиқ чораларини ҳисобга олган ҳолда, қўшимча хавфсизлик чоралари ҳам татбиқ этилиши кўзда тутилган.

Аммо болалар ўртасидаги оралиқ масофа, уларнинг ижтимоий фаоллиги, амалий машғулотлари ва ривожлантирувчи ўйинларига халақит бермаслиги лозим.

Вазирлик БМТ Болалар жамғармасининг кўмагида пандемия шароитида МТТларда иш жараёни қандай тамойиллар асосида ташкил этилиши тасвирланган видеоролик тайёрлади. 

65
Самолет ИЛ-76 МЧС РФ с российской помощью в аэропорту Бейрута

Россия ФВВ қутқарувчиларини Бейрутга юборди

2
(Янгиланган 13:02 06.08.2020)
Россия ФВВ портлаш оқибатида жабрланганларга ёрдам бериш мақсадида Бейрутга 150 нафар қутқарувчиларини юборади.

ТОШКЕНТ, 6 авг — Sputnik. Россия портлаш оқибатида жарбланганларга ёрдам бериш мақсадида ФВВ қутқарувчиларини Бейрутга юбормоқда.

Айни вақтда аэромобил госпиталь юкланган учинчи самолёт Бейрутга қўнди. Портлаш юз берган шаҳарга шифокор ва қутқарувчилар етиб келди.

Куни кеча Россия ФВВ 5 та самолёт юборилиши ҳақида хабар берилганди. Ливан пойтахтига “Центроспас” отряди қутқарувчилари, психологлар ва Роспотребнадзор COVID-19 инфекциясини аниқлаш лабораторияси юборилади. Умумий ҳисобда 150 нафарга яқин мутахассис юборилади. Барча мутахассислар COVID-19 бўйича эпидемиологик вазиятдан келиб чиққан ҳолда зарар ҳимоя воситалари билан таъминланади.

Сешанба куни кечқурун Бейрут портида кучли портлаш юз берди. Ҳукумат 6 йил давомида нотўғри сақланган 2,7 минг тонна аммиак селитра портлаш сабабини келтирган - шаҳар биноларининг ярми шикастланди, касалхоналар жароҳатланганлар билан тўлди. Сўнгги маълумотларга кўра, 135 киши ҳалок бўлди, 5 мингга яқин киши жароҳатланди, кўплари бедарак йўқолган деб ҳисобланмоқда.

2