Ўзбекистонда 17 августдан масжидлар ишга тушади

273
(Янгиланган 00:09 13.08.2020)
Масжидларда вақтинча жума намози адо этилмайди, диний ташкилотлар фаолиятига ҳар куни дезинфекция ишларини амалга ошириш ҳамда қатъий ижтимоий масофани сақлаш чекловларига риоя этилишини таъминлаган ҳолда рухсат берилади.

ТОШКЕНТ, 12 авг - Sputnik. Республика махсус комиссиясининг қарори билан шу йил 17 август, душанба кунидан эътиборан Ўзбекистондаги барча диний ташкилотлар ўз фаолиятини қайта давом эттиради. Диний ташкилотлар фаолиятига ҳар куни дезинфекция ишларини амалга ошириш ҳамда қатъий ижтимоий масофани сақлаш чекловларига риоя этилишини таъминлаган ҳолда рухсат берилади.

Шунингдек, Дин ишлари бўйича қўмита ва Ўзбекистон мусулмонлари идораси матбуот хизмати расмий баёнотида диний ташкилотларда жума ва шанба-якшанбалик диний хизматларни вақтинчалик амалга оширмаслик талаб этилиши айтилган.

Қуйидаги муҳим тавсия ва талабларга сўзсиз амал қилиш, масжидлар фаолиятининг давомли бўлишига асосий омил бўлади:

- масжидларнинг кириш жойини дезинфекцион "тўшак"лар билан жиҳозлаш, бирламчи дезинфекциялаш воситалари, пирометрлар (контактсиз ҳарорат ўлчагич) билан таъминлаш;

- ҳар бир фуқаро масжид ичида тиббий ниқобда бўлиши, ҳудудга киришда қўлларини дезинфекциялаш воситасидан фойдаланиши;

- масжидга ташриф буюрган ҳар бир шахснинг касаллик аломатларини текшириш (ҳарорат ўлчаш ва ташқи аломатлар), тана ҳарорати 37ºС ва ундан юқори бўлган ҳолатда фуқароларни алоҳидалаш ва 103 телефон рақами орқали тез тиббий ёрдамга хабар бериш;

- ибодат вақтида ижтимоий масофаланишни сақлаш, фуқаролар орасидаги масофани 1,5 метр этиб белгилаш (махсус чизиқлар ёрдамида катакларга ажратган ҳолда);

- ҳар бир масжиднинг кириш қисмига касалликдан сақланиш, ҳудудда карантин талабларига қатъий амал қилиш, хусусан, 65 ёшдан катта фуқароларни масжидларга вақтинча ташриф буюрмай туришлари тавсия этилиши тўғрисидаги ахборот лавҳаларини ўрнатиш;

- масжид маъмурияти томонида иш фаолиятни карантин даврида ташкил этиш бўйича тегишли буйруқ ва ички тартибларни ишлаб чиқиш (бунда ёши 65 ёшдан улуғ фуқароларни вақтинча ташриф буюрмай туришларини тавсия этиш);

- масжидларда жума намозини вақтинча адо этмаслик;

- ҳудудий Санитария-эпидемиология хизмати ходимлари томонидан масжидларнинг барча ходимлари билан тушунтириш ишларини ташкил этиш;

- ушбу хизмат томонидан белгиланган муддатда (ҳар 3 кунда ёки ҳафтада бир маротаба) масжидлардаги санитария-эпидемиологик ҳолатни ўрганиш ва тавсиялар бериш;

- масжидлар бинолари ва ҳудудини ҳар куни дезинфекция қилиш, хоналарни шамоллатиш;

- масжидга кириш ва чиқиш жойларида аҳолининг тўпланишига қатъий йўл қўймаслик;

- таҳоратхонадан фақат зарур шароитлар яратилган (бир марталик сочиқ-салфетка, антисептик воситалар, суюқ совунлар билан таъминлаш, қисқа муддатларда дезинфекция қилиш), ижтимоий масофаланишни сақлаган ҳолда фойдаланиш каби тартиб-интизомлар алоҳида таъкидланади.

273
Мавзу:
COVID-19 умумжаҳон пандемияси (1236)
Ёдгор Саъдиев стал новым директором Узбекского национального академического драматического театра

Ёдгор Саъдиев миллий академик драма театри директори этиб тайинланди

74
Озодбек Назарбеков Ёдгор Саъдиев Ўзбек миллий академик драма театри директори лавозимига тайинланганини маълум қилди.

ТОШКЕНТ, 29 окт — Sputnik. Ўзбекистон халқ артисти Ёдгор Саъдиев Ўзбек миллий академик драма театри директори этиб тайинланди. Бу ҳақда Маданият вазирлиги матбуот хизмати хабар қилди. 

Театрда жамоаси билан йиғилиш Маданият вазири, Ўзбекистон халқ артисти Озодбек Назарбеков Ёдгор Саъдиев  Ўзбек миллий академик драма театри директори лавозимига тайинланганини маълум қилди.

Ёдгор Саъдиев 1946 йилда Тошкентда таваллуд топган. 1989 йили Давлат мукофоти, 1990 йили “Ўзбекистонда хизмат кўрсатган артист”, 1998 йили “Ўзбекистон халқ артисти” фахрий унвонлари, 2005 йили “Меҳнат шуҳрати” ордени, 2016 йили “Қорақалпоғистон Республикаси халқ артисти” фахрий унвони, 2018 йил “Фидокорона хизматлари учун” ордени билан билан тақдирланган.

1971-1987 йилларда Ўзбек давлат академик драма театри актёри сифатида фаолият олиб борган. 1987-1992 йилларда Ўзбек давлат драма театрида ижод қилган.

1992-1998 йилларда яна Ўзбек давлат академик драма театрида ишлади. 1998-2012 йилларда “Қалқон” киностудияси бадиий раҳбари лавозимида фаолият юритган.

2012 йилдан буён яна Ўзбек миллий академик драма театрида актёр сифатида ишлаб келмоқда.

“Ўзбеккино” Миллий агентлиги Бадиий кенгаши аъзоси Ёдгор Саъдиев 20га яқин фильмларда такрорланмас роллар ижро этиб, "Шайтанат" ва "Иблис девори" каби бадиий асарларда режиссёрлик қилган.

Эслатиб ўтамиз, театр директори лавозимида ишлаб келаётган Ўзбекистонда хизмат кўрсатган артист Фатхулла Маъсудов жорий йилнинг 30 август куни коронавирус сабаб вафот этган эди.  

74
Мужчина работает отбойным молотком

Ақли заифликка олиб келувчи иш маълум қилинди

155
Бир гуруҳ олимлар жисмоний меҳнат тури ва ақли заифлик ривожланиши ўртасидаги боғлиқни аниқлашди. Бундай хулосалар 1970 йилдан бошлаб 4 721 эркакни кузатиш натижасида олинган.

ТОШКЕНТ, 29 окт — Sputnik. Даниялик олимлар жисмоний меҳнат тури ва ақли заифлик ривожланиши ўртасидаги боғлиқни аниқлашди. Мутахассисларнинг тадқиқот натижалари “Medicine & Science in Sports” журналида чоп қилинган.

Олимлар оғир иш ва спорт билан шуғулланиш инсон соғлиғига таъсир кўрсатиши мумкинлигини аниқлашган. Таъкидланишича, меъёридаги юкламалар ва машқлар фойдалидир. Шу билан бирга олимлар маълумотларига кўра, оғир жисмоний меҳнат ички органларнинг, жумладан, миянинг ишдан чиқишига олиб келади.

Мутахассислар оғир меҳнат ақли заифлик ривожланиши хавфини 55 фоизга ошириши ҳақидаги фикрга келишган.

Бундай хулосалар 1970 йилдан бошлаб 4 721 эркакни кузатиш натижасида олинган.

Олимларнинг ф икрига кўра, тадқиқот натижалари оғир жисмоний меҳнат билан шуғулланувчи ходимлар ўртасида ақли заифликнинг олдини олиш масаласида иш берувчиларнинг диққатини жалб қилиши зарур.

155
Ярмарка вакансий

ЕОИИ ҳудудида меҳнат мигрантлари учун “Чегарасиз иш” платформаси ишга тушади - вазир

27
(Янгиланган 14:27 29.10.2020)
ЕОИИ ҳудудида “Чегарасиз иш” - меҳнат мигрантлари учун иш берувчилар ва бўш иш жойлари ҳақида маълумот базаси яратилмоқда. Тизим деярли тайёр бўлган.

ТОШКЕНТ, 29 окт - Sputnik. Евроосиё Иқтисодиё комиссияси (ЕИК) ички бозорлар ва ахборотлаштириш вазири Гегам Варданян меҳнат мигрантларини ишга жойлаштириш бўйича ЕОИИда жорий этиладиган янги тизим ҳақида айтиб берди.

ЕИК ЕОИИ ҳудудида “Чегарасиз иш” – унификация қилинган иш қидириш тизимини жорий этмоқда. Лойиҳанинг асосий мақсади – бўш иш жойлари қидириув тизимини ва иш қидирувчилар маълумот базасини яратишдир. Ундан ЕОИИга аъзо бўлган ҳар бир мамлакат меҳнат ресурслари бўйича маълумот базалари киртилади. Айни дамда меҳнат мигрантларини ишга жойлаштириш лойиҳаси ўзининг якуний босқичида, деди эксперт.  

“Ушбу тизим Иттифоқ фуқароларига барча мамлакатларда мавжуд бўлган иш ўринларини ва иш қидирувчиларни кўриш имконини беради. Умуман олганда – бу барча мавжуд маълумот базаларини бирлаштирган тизим бўлади. Меҳнат ресурслари бўйича маълумот базалари турли мамлакатда сақланади. Иш қидирганда улар ҳар бир мамлакатдан алоҳида-алоҳида кўрсатилади”, - дейди Варданян.  

Эксперт фикрига кўра бундай ёндашув қонунчилик ва шахсий ахборот ҳақидаги муҳим талабларга жавоб беради.

Бу тизим тарқоқ бўлгани учун техник нуқтаи назардан ҳам жуда қизиқ. Ва бугунги кун шароитида у жуда долзарб бўлади. Чунки пандемия туфайли иш ўринлари борасида жуда кўп мураккабликлар юзага келмоқда. Бу тизим эса Иттифоқнинг барча мамлакатларида иш топишга ёрдам беради.

Варданян айтишига қараганда лойиҳа йил охирида ишга тушади. Декабрда унинг ишлаши намойиш этилади.

“Давлат тузилмалари ва операторлар ушбу тизимни ишга туширишга аллақачон тайёр бўлишган. Ҳозирги вақтда ишга туширишнинг сўнгги созлаш жараёнлари олиб борилмоқда”, - дейди мутахассис.

Эслатиб ўтамиз, Россия ФМХ раҳбари Валентина Казакова Sputnik мухбирига берган интервьюсида яқин вақт ичида Россияда меҳнат мигрантларини ишга қабул қилиш тизими бутунлай ўзгариши ҳақида айтиб ўтган эди. Янги концепцияга кўра Россия Давлат хизматлари порталида иш берувчилар ва ишчилар маълумот базаси яратилади.

Унда Иш берувчилар ва Ишчилар реестри бўлади. Иш берувчилар -  ўзларида қандай бўш иш ўринлари борлигини кўрсатишади. Ишчилар реестрида – эса хорижий фуқаролар рўйхатдан ўтиб, ўз ҳунар ва кўникмаларини кўрсатишади. Мигрантлар Россияга киришидан олдин қайси иш берувчига бораётганини билиб келади. Бу эса рухсат берувчи ҳужжатлар олиш тартибини қисқартиради.

27