Рынок Абу-Сахий в Ташкенте

Ортиқхўжаев бозорлар раҳбарларига муҳим топшириқлар берди

382
(Янгиланган 15:22 14.08.2020)
Тана ҳарорати юқори бўлган ҳамда ниқобсиз келганларнинг бозорлар ва савдо муажмуаларига киришлари қатъиян таъқиқланади

ТОШКЕНТ, 14 авг - Sputnik. Тошкент шаҳар ҳокими Жаҳонгир Ортиқхўжаев пойтахтда фаолият юритаётган бозорлар раҳбарлари билан учрашиб, бозорлар фаолиятини қайта ишга тушириш бўйича муҳим топшириқлар берди.

12 август куни Ўзбекистон президенти Шавкат Мирзиёев раислигида ўтган видеоселектор йиғилишида коронавирус пандемияси билан боғлиқ вазиятга эътибор қаратилиб, 15 августдан бошлаб шахсий ва жамоат транспорти ҳаракати, қатор фаолият турлари, бозор ва маданий-маърифий муассасалар ишини босқичма-босқич қайта тиклаш бўйича чора-тадбирлар белгилаб олинган эди.

Мазкур йиғилишдаги вазифалар ижросини таъминлаш мақсадида Тошкент шаҳар ҳокими Жаҳонгир Ортиқхўжаев пойтахт туманларининг ҳокимлари ҳамда бозорлар ва савдо мажмуалари раҳбарлари билан учрашди.

20 августдан Тошкентдаги буюм бозорлари яна ишга туширилади. Аммо ҳали коронавирус билан боғлиқ вазият барқарор бўлмаганлиги боис санитария-гигиена талабларига тўлиқ риоя қилиш ва Республика махсус комиссиясининг бу борадаги топшириқларини сўзсиз бажариш талаб этилади.

Жумладан, бозорлар ва савдо мажмуаларига кириш жойларида келувчиларнинг тана ҳарорати ўлчаниши, ҳамда уларнинг ўтиши учун дезинфекторлар ўрнатилиши шарт.

Тана ҳарорати юқори бўлган ҳамда ниқобсиз келганларнинг бозорлар ва савдо муажмуаларига киришлари қатъиян таъқиқланади.

Тошкент шаҳар ҳокими бозорлар раҳбарларига шу масалада атрофлича тушунтириш бериб, бундай ҳимоя чораларига қатъий амал қилиш аҳоли саломатлиги ва хавфсизлиги учун ниҳоятда муҳимлигини таъкидлаб ўтди.

382
Волк

Бўрилар галаси улкан айиққа ҳужум қилди видео

118
(Янгиланган 14:25 26.10.2020)
Йеллоустон табиат паркида туристлар бўрилар галаси ўлжага яқинлашган айиққа ҳужум қилиши тасвирга олинди.

ТОШКЕНТ, 26 окт — Sputnik. Йеллоустон табиат паркида туристлар бўрилар галаси айиққа ҳужум қилишига гувоҳи бўлди.

Бу ҳолатни гид Адам Брубейкер тасвирга олди.

Унинг сўзларига кўра, айиқ ўлжанинг ҳидини сезиб қолади ва яқинлашишга ҳаракат қилади, аммо бўрилар бунга имкон бермайди.

“Ўн бошга яқин бўри гризли-айиқни ўраб олади ва ўлжа яқиндан ҳайдаб юборишди”, - дейди Брубейкер.

Йиртқичлар ўртасидаги беллашув бир неча дақиқа давом этди, бўрилар айиқни дарахтзор томон қувиб юборишди.

118

Коронавирусга қаерда тест топшириш мумкин?

26
Ўзбекистонда Коронавирус инфекциясига полимер занжирли реакция (ПЗР) усулида тест топшириш учун қуйидаги ташкилотларига мурожаат қилиш мумкин.
© Sputnik

Соғлиқни сақлаш вазирлиги Ўзбекистон ҳудудида COVID-19га аниқ ташҳис қўйиш учун мурожаат қилиш мумкин бўлган тиббий муассасалар рўйхатини эълон қилди. 

Бугунги кунда Ўзбекистонда ана шундай ташкилотлар сони 29та бўлиб, улардан 17таси Тошкент шаҳрида, 5таси Самарқандда, 3таси Фарғонада, 1тадан Наманган, Навоий, Нукус ва Қарши шаҳарларида жойлашган.Барча клиникалар рўйхати ва манзили билан инфографикамизла танишинг. 

Эслатиб ўтамиз, Ўзбекистонда 24 июндан бошлаб пуллик асосда нодавлат тиббиёт муассасаларида таҳлил топширишга яна рухсат берилди. Нархни нодавлат тиббиёт ташкилоти мустақил белгилайди. Лаборатор таҳлил учун намуна (суртмалар) нодавлат тиббиёт ташкилотининг ўзида, шу билан биргаликда, сўровга кўра, мурожаат қилувчининг ташкилотида, фуқароларнинг яшаш манзилида ҳамда махсус автотранспортларда олиниши мумкин.

26

Жапаров Қирғизистон президенти сайловларида номзодини илгари суради

26
Қирғизистон президенти вазифасини бажарувчи Садир Жапаров сайловларда иштирок этиш учун декабрь ойида президент ваколатларини зиммасидан соқит қилмоқчи.

ТОШКЕНТ, 26 окт — Sputnik. Қирғизистон президенти вазифасини бажарувчи, бош вазир Садир Жапаров давлат раҳбари лавозимига ўз номзодини илгари суришини маълум қилди.

Жапаровнинг сўзларига кўра, бунинг учун у декабрда истеъфога чиқишни режалаштирмоқда.

“Мен бошқалар қатори сайловларда иштирок этаман. Агар ғалаба қозонсам президент бўламан, бўлмаса барча каби оддий фуқаро бўламан”, - деди Жапаров. Унинг сўзларидан Sputnik Қирғизистон иқтибос келтирган.

Қирғизистонда муддатидан аввалги президент сайловлари 2021 йил 10 январь куни бўлиб ўтади. Мамлакат Конституциясига биноан президент в.б. ўз номзодини илгари суриш ҳуқуқига эга эмас.

Аввалроқ Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилган эди.

26